Ладъянъёсты лыдӟон
![](https://upload.wikimedia.org/wikipedia/commons/thumb/b/b9/2023_Facebook_icon.svg/150px-2023_Facebook_icon.svg.png)
Facebook — дуннеысь тужгес но бадӟымез социальной вотэс но соин кивалтӥсь одӥг нимъем компания (Facebook Inc.). Сое кылдытӥз 4-тӥ тулыспалэ 2004-тӥ арын Америкаысь еврей выжыё программист Марк Цукерберг, Гарвард университетын дышетскыкуз.
Нырысь-валысь та веб-сайт Thefacebook шуыса нимамын вал, солэн бамъёсаз пыраны быгатӥзы Гарвард университетысь студентъёс гинэ, кӧня ке дыр ортчыса регистрациез усьтӥзы Бостонысь мукет университетъёслы но. 2006-тӥ арысен куарусён толэзьысен сайт усьтэмын ваньмызлы Интернетын пукисьёслы, кинъёслэн электрон почтазы вань.
Facebook C++ но PHP кылъёсын гожтэмын.