Mazoca
Ła mazoca o masoca ła ze un òrgano de propagasion vezetativa, che ła ga anca na funsion de rezistensa permetindo el suparamento de condision climàtego-anbientałi sfavorévoli cofà fredo o sechesa, etc.
Aparensa
[canbia | canbia el còdaxe]![](https://upload.wikimedia.org/wikipedia/commons/thumb/f/f5/Lilium_candidum.jpg/170px-Lilium_candidum.jpg)
In baze a l'aparensa che ła połe ciapar inte i difarenti zèneri, ła masoca ła se definise:
- tunegà (o vestito), se cuerto da un invòłucro (ajo, Hyacinthus, ecc.)
- enbregà, se i catafiłi i ze poco grandi e i ciapa l'aparensa de scuame (lilium)
- sòłido, se el ga l'ase racuanto groso e i catafiłi i ze racuanto riduzesti. In sto cazo el połe èsar denomenà anca masoca-tùbaro (zaferan, gladioło)
Inte i cazi andove, cofà in Allium cepa, ła mazoca ła fa łe zeme solché na volta, inte el sotobraso de l'ùltemo catafiło se forma na nova masoca che ła vien definia masoca de sostitusion o de renpiaso.
Caratarìsteghe
[canbia | canbia el còdaxe]Per ła creasion de sto òrgano interà, łe piante bulboze łe vien includeste co łe tubaroze e a łe rizomatoze inte ła categoria biołòzega de łe zeofite. Sto aparir el ze tìpego intrà łe piante monocotiledoni (Liliaceae, Alliaceae, Amaryllidaceae, Iridaceae).
Stuturalmente ła mazoca o bulbo el ze paragonàbiłe a na pianta gavente un fusto stra-curto (disco o zireło) che da na parte el ga tante raize fasicołae e da l'altra de na zema. St'ùltema ła ze sircondada e protezesta da foje, racuantee interne (catafilli), sugoze e inpienie de sostanse de reserva, altre pì esterne, seche e co funsion de protesion. El desviłupo de ła zema, in condision anbientali favorévułi, ła formarà vàrie foje verdi e de uno o pì asi fiorałi. Le sostanse de riserva contegneste inte i catafiłi łe ga el cònpito de nutrir el buto in ste fazi.
Bulbeti, Bulbiłi, Mazocheti o Masochełi
[canbia | canbia el còdaxe]![](https://upload.wikimedia.org/wikipedia/commons/thumb/d/da/Alliumvineale1web.jpg/170px-Alliumvineale1web.jpg)
De frecuente łe piante bulboze łe forma de łe struture, denomenae Bulbeti, Bulbiłi, Mazocheti o Masochełi che, destacàndose da ła pianta mare, łe ga ła funsion de propagasion. Numarévołi spece del zènare Allium łe forma bulbeti inte łe so infioresense, i capołini; altre spece o altri zènari i połe formar masochełi inte i sotobrasi de łe foje o da altre parte.
Notasion
[canbia | canbia el còdaxe]
Altri projeti
[canbia | canbia el còdaxe]Wikimedia Commons el detien imàjini o altri file so Mazoca
Linganbi foresti
[canbia | canbia el còdaxe]- bulbilloTreccani.it – Enciclopedie on line, Istituto de ła Ençiclopedia Italiana.
- Carlo Avetta, BULBILLO, in Ençiclopedia Italiana, Istituto de ła Ençiclopedia Italiana, 1930.
- (EN) bulbEnçiclopedia Britannica, Encyclopædia Britannica, Inc.
Controło de autorità | LCCN (EN) sh85017839 · GND (DE) 4112796-1 · BNF (FR) cb16510168z (data) |
---|