Mwaisse di scole
On mwaisse di scole u mwaisse d' escole, ene dame di scole (on dit eto : èn instituteur, ene institutresse, on, ene instite), c' est onk (ene) ki scole les efants dins les scoles prumaires.
![](https://upload.wikimedia.org/wikipedia/commons/thumb/e/ea/Head%2C_Shoulders%2C_Knees_and_Toes.jpg/220px-Head%2C_Shoulders%2C_Knees_and_Toes.jpg)
on eploye pus sovint damjhele di scole po ene djonne feye k' acsegne dins les scoles gårdyinnes.
I (elle) a studyî dins ene sicole normåle.
El Beldjike, diviè les anêyes 1950, li scolaedje des mwaisses di scole si fjheut après le scoles mweyenes, so troes ans. Adonpwis, dins les anêyes 1960, ça a stî èn an di scoles après les umanités. Asteure, c' est troes ans après l' diplome di sgondaire.
Les mwaisses di scole eyet l' walon
candjîEne reglumintåcion di 1955 consyive å mwaisses di scole di discoraedjî l' eployaedje do walon pås scolîs. Ene des penitinces k' il avént tuzé, c' esteut l' noer boton.
Sacwants mwaisses di scole estént des scrijheus e walon, mins el disfindént ås efants. U s' catchî po scrire e walon.[1]
Portant, dins bråmint des viyaedjes, disk' ezès anêeys 1960, les efants des ptitès djins cåzént walon inte di zels. Et trover ki "l' mwaisse ni cåze nén come nozôtes".[2]
A cmoncî do decret so walon e scole di 1991, sacwants mwaisses di scole ont cmincî a dner des cours di walon. Ubén priyî des bénvlants po scoler les efants e walon. Mins bråmint d' ces(ses)-la ont stî al pinsion dins les anêyes 2000, et gn a bén sovint nouk k' a rprins.
Sicrijheu(se)s e walon k' estént mwaisses u dames di scole
candjîSicrijhaedjes so l' ovraedje d' on mwaisse di scole
candjîSacwants scrijheus mwaisses di scole ont prins plaijhi a discrire leus scolîs. Ça a dné ces lives cial :
Tant k' a "Do tcherbon dins les flates" (da Emile Lempereur avou), c' est ene novele sicolodjike sol vicåreye d' on mwaisse di scole del veye lomé dins on ptit viyaedje.
Hårdêyes difoûtrinnes
candjî- Sacwants scrijhaedjes e walon so l' bouye d' on mwaisse di scole (so l' Aberteke)
- Respondas sol tévé walon-cåzante a vey avou l' eployaedje do walon pa les scolîs
Sourdants & pî-notes
candjî- ↑ Temognaedje da Yvon Laurent k' a stî a scole dé Emile-Joseph Piret.
- ↑ Loukîz cial on temognaedje ladsu (da Camille Gaspard.