Scole
Ene sicole u ene escole[1], c' est la ki des efants (u pacô des grandès djins) aprindèt a lére et a scrire; adon-pwis totès sôres di sacwès po trover on mestî.
![](https://upload.wikimedia.org/wikipedia/commons/thumb/e/ea/Scole_a_rdress%C3%AE.jpg/220px-Scole_a_rdress%C3%AE.jpg)
![](https://upload.wikimedia.org/wikipedia/commons/thumb/b/b1/Bruli-d%27-Peche_viye_sicole_preyea.jpg/220px-Bruli-d%27-Peche_viye_sicole_preyea.jpg)
![](https://upload.wikimedia.org/wikipedia/commons/thumb/6/64/Scole_walon_%C3%94tchamp_ricepe.jpg/220px-Scole_walon_%C3%94tchamp_ricepe.jpg)
![](https://upload.wikimedia.org/wikipedia/commons/thumb/e/ea/T%C3%A5vlea_scolrece_syince.jpg/220px-T%C3%A5vlea_scolrece_syince.jpg)
Motlî
candjîE walon, on dit k' on va a scole; mins k' on est e scole.[2] Insi, on djåze do «walon e scole».
Po dire ki les lçons sont fineyes, on dit voltî: «li scole èst foû».
Les cis k' î sont po-z aprinde si lomnut les scolîs et scolresses; eto : les eleves.
Divant d' aler al vraiye escole, les efants vont co sovint al pitite sicole ou scole gårdyinne, sovint tnowe pa ene damjhele di scole, mins dinltins eto, sovint pa des beguenes.
Ene sicole est tnowe pa on mwaisse di scole (ou dame di scole), ki dene (ou purade dinéve) des lçons dins totes les brantches.
On dit k' i dnèt u dinnut scole; udon-bén, k' i fjhèt u fwaiynut scole.
Les sacwès a-z î aprinde si lomnut des lçons.
Dins les grandès scoles (sigondaire) et les hôtès scoles (après-sgondaire), on djåze purade di cours ki sont dnés pa des professeurs, tchaeke po ene metowe coxhe d' acsegnmint.
Ahesses di scole
candjî- tåvlea di scole: dinltins noer, k' on-z î scrijheut al croye et xhorbi å froteu; asteure puvite blanc glaecé, la k' on scrît avou des markeus.
- scribanc u banc di scole u purpite (asteure puvite des simpès tåves et tcheyires)