דעלטע (אות)

דער ארטיקל דיסקוטירט אן אות אינעם גריכישן אלפאבעט. טאמער זוכט איר אן אנדער באדייטונג, זעט דעלטע (באדייטן).

דעלטע אדער דעלטא - (א גרויסער אות Δでるた, א קליינער אות - δでるた; גריכיש: Δέλτα) איז דער פערטער אות אין דעם גריכישן אלפאבעט. אין היינטיגע גריכיש ווערט דער אויס ארויסגעזאגט ווי th (אזויווי עס ווערט געזאגט אין דעם ענגליש this), אבער אין אלטן גריכיש איז דאס ארויסגעזאגט געווארן ווי א געהעריגן ד. אין גריכישער ליטעראטור צייכענט דער אות אן דעם נומער 4.

ער שטאמט פון דעם דלת אין כתב עברי . דער לאטיינישער בוכשטאב D און דער צירילישער בוכשטאב Д קומען פון דעלטע.

דער באנוץ פון דעם גרויסן אות Δでるた

דער אייבערשטער פֿאל פון דעלטע Δでるた קען ווערן באנוצט פאר:

• דער לאפלאס אפעראטאר:

$\Delta f=\sum _{i=1}^{n}{\frac {\partial ^{2}f}{\partial x_{i}^{2}}}$

• דער דיסקרימינאנט פון א פאלינאמישער גלייכונג, ספעציעל די קוואדראטישע גלייכונג:

$\Delta =b^{2}-4ac\,\!$

• דער שטח פון א דרייעק

$\Delta ={\tfrac {1}{2}}ab\sin {C}$

• די סימעטרישע דיפערענץ פון צוויי געזעמלען
• אומזיכערהייט אין א פיזישן וואריאבל לויטן אומזיכערהייט פרינצייפ

דער באנוץ םון דעם קליינעם אות δでるた

דער אונטערשטער פֿאל פון דעלטע δでるた קען ווערן באנוצט פאר:

• ענדערונג אינעם ווערט פון א וואריאבל אין קאלקולוס
• די קראנעקער דעלטע אין מאטעמאטיק
• די דיראק דעלטע פונקציע אין מאטעמאטיק
• טעקסט געצייכענט כדי אויסצומעקן אין קארעקטור ליינען