出自維基百科,自由嘅百科全書
七七節[1]:538(希伯來文:שָׁבוּעוֹת,英文拼音 Shavuot,意思係 「眾數嘅星期」;國文音譯沙夫幼特節)或者五旬節(拉丁化希臘文:Pentecost,意思係 「五十」[1]:409),又叫「收穫節」或者「新果實節」,係猶太教三大朝聖節日之一,喺猶太曆西彎月初六同初七(公曆5至6月)兩日舉行,而改革派猶太人就只係過其中一日。
呢個節日嘅希伯來文名係指七個星期組成嘅一個星期,即係七個七日,指逾越節後過咗七個星期之後嘅嗰一日,而佢嘅希臘文名就係指逾越節計起嘅第 50 日。