「
北辰」
跳轉到呢度。
想搵
天津一個區，請睇「
北辰區」。
夏威夷望上北斗
北斗係星官之一，喺紫微垣之下。北斗有七粒星，排到好似斗咁，所以叫北斗。北斗一二三四五六七，全部喺西洋天文嘅大熊座內。北斗有帝車嘅叫法，亦北辰、大辰嘅叫法，北斗好車咁轉，而斗柄所指亦可以定辰。
北斗英文譯做「Northern Dipper」。[1]世界上唔同民族都有類似嘅組合，例如美國人叫佢做「Big Dipper」，英國人叫佢做「Plough」。
北斗之所有北，皆因星官重有兩斗。一斗為二十八宿之斗宿，別稱南斗。另一斗喺天市垣，市中之斗。
七星分為斗𣁽同斗杓
斗𣁽，或稱𣁽，北斗之頭，有四星。
一為天樞，儀象考成編為做北斗一，西洋星座為大熊座α星。
二為天璇，儀象考成編為北斗二，西洋星座大熊座β星。
三為天機，儀象考成編為北斗三，西洋星座大熊座γ星。
四為天權，儀象考成編為北斗四，西洋星座大熊座δ星。
斗杓，或稱杓，或者斗柄，有三星。
一為玉衡，儀象考成編為北斗五，西洋星座大熊座ε星。
二為開陽，儀象考成編為北斗六，西洋星座大熊座ζ星。
三為瑤光，杓之尾，儀象考成編為北斗七，西洋星座大熊座η星[1]。
另外，北斗重有叫輔嘅星，喺開陽隔籬，即係西洋嘅大熊座80星。
北斗周圍星官。
北斗好易認，搵星好幫手。
斗𣁽，天璇望向天樞，再望多五倍距離，就係北極星勾陳一。
斗𣁽對出有個圏，就係文昌
順住斗杓，再出，有玄戈、招搖、天鋒。天鋒所在梗河。再順勢，見到夜天恆星第三光，大角，東方蒼龍之角。見大角，就搵到左右攝提。再由大角向出，搵到角亢兩宿。
招搖、天鋒，過啲有個圈，叫貫索。
北斗七星及九星說明。天樞、天璇、天機、天權為𣁽。玉衡、開陽、搖光為杓。九星加招搖同天鋒。玄戈喺搖光招搖之間。
北斗九星有兩說，一種為左輔右弼。七星近處，有兩粒暗啲嘅星。
另一說為外加斗杓向外加兩星。招搖同天鋒，而招搖同搖光之間，有粒暗少少，叫玄戈。
儀象考成，北斗添十六星，然而增在星名，而非星官，為天樞增一到天樞增三，天璇增一到天璇增八，為天權增一到天權增三，為開陽增一及開陽增二。
