出自維基百科,自由嘅百科全書
氬(粵拼:aa3,英文Argon)係元素一種,符號Ar,原子序號18,原子重量39.9481。佢密度0.0017837,溶點83.96,沸點87.3,熱容量有0.52。Argon響希臘文有「唔活潑」嘅意思,由佢嘅特性而來。氬喺室溫下係無色無味氣體。由於原子外層軌道充滿電子,因此佢唔容易發生化學反應,係一種惰性氣體。將佢放電時呈紫色。已知嘅氬嘅同位素共有14種,包括氬33至氬46。氬佔大氣體積嘅0.93%,係地球大氣中第三多嘅氣體,又係大氣中含量最多嘅惰性氣體。
氬穩定嘅同位素有氬-40(40Ar)天然含量99.6%、 氬-36(36Ar)天然含量0.34%同氬-38(38Ar)天然含量0.06%。一般來講穩定嘅氬-40係由地殼中嘅鉀-40(40K)經由電子俘獲或者正子發射衰變來嘅。鉀-40以呢兩種方式衰變成氬只佔全部嘅11.2%,另外重有88.8%嘅氬經由鈣-40(40Ca)嘅β衰變而來。呢個特性可以被用來測定岩石嘅年齡。
響地球大氣中,唔穩定嘅氬-39(39Ar)可以經由宇宙射線轟擊氬-40而生成,另外都可以經由鉀-39(39K)嘅中子俘獲而來。至於氬-37,就可以從(37Ar)核試驗中形成嘅鈣嘅人造同位素衰變而來,氬-37的壽命非常短,半衰期得35日。