出自維基百科,自由嘅百科全書
鉍
化學元素鉍嘅合成晶體,表面係非常之薄而且閃光嘅氧化層。
鉍(粵拼:Bei3,Bismuth)係化學元素嘅一種,化學符號係Bi,佢嘅原子序數係83,係紅白色嘅金屬。
鉍嘅化學性質同砷、銻類似。鉍係最反磁性(又叫做抗磁性)嘅金屬,亦係除咗汞之外有最低熱導率嘅金屬。鉍嘅化合物用來做化妝品、藥物同醫療程序,可以用響製備易熔合金同埋同錫融合防止錫疫。
雖然鉍以前被認為係最重嘅元素同穩定嘅同位素,但係鉍-209一直被懷疑佢係唔穩定嘅。最後響2003年,響法國研究嘅人員認定鉍係放射性元素,佢嘅半衰期有1.9*1019年左右,係宇宙年齡嘅10億倍。自此以後,鉛就係質量最大嘅穩定元素。