出自維基百科,自由嘅百科全書
薑(粵拼:goeng1;學名:Zingiber officinale),民間減筆寫羌,簡化字寫姜,又嗌生薑或藥薑,係薑科薑屬嘅一年生草本植物,原產南洋熱帶地區,而家喺中國華中、東南、華南、西南、港澳臺同亞洲、美洲嘅熱帶地區都搵到。
有啲有個薑字,實情另一啲品種,如黃薑。
根屬鬚根,梗肉質,肥厚兼有些少扁平,有不規則短指狀分歧,灰白到黃,有刺激性香味。地上梗高1m。葉對生,樣似披針到線披針,長15~30cm,闊2~25cm,先端漸尖,基部狹窄,冇毛排成兩列,冇葉柄。花屬穗狀花序,長4~5cm,苞片淡黃,似蛋形,長大概25mm;頂端有尖嘅苞仔,淡綠,邊緣有些少淡黃;花萼管長約1cm;花冠黃綠色,管長2~25cm;裂片披針形,長唔夠2cm;每年夏到秋天開花,但溫帶種啲品種唔開花。蒴果長圓形。
佢鍾意喺暗而暖兼濕嘅地方生,但唔抗乾旱同霜凍、強光直射地方。佢亦鍾意喺肥兼疏鬆、土層深而厚啲砂質泥生,但唔啱連續耕作。
薑有好多用途:
除咗唔同國家有以上呢啲用途之外,亦可以藥用。
喺廣東話入面,「薑」重可以形容個人嘅「勇氣」。
植株 | 植株 |
葉 | 葉 |
花蕾 | 花蕾 |
花串 | 花串 |
切開咗嘅薑 | 切開咗嘅薑 |
|
- 〈薑, Jiang〉. 藥用植物圖像數據庫 (香港浸會大學中醫藥學院). 喺2011-12-01搵到.
- "乾薑 , Dried Ginger , Gan Jiang". 中藥標本數據庫 (香港浸會大學中醫藥學院). 喺2011-12-14搵到.
- 昆明植物研究所. 〈姜〉. 《《中国高等植物数据库全库》》. 中国科学院微生物研究所. 喺2009-02-24搵到.