出自維基百科，自由嘅百科全書
鄭文雅（Olivia Chang Man Ar，1960年2月14號—）係1979年度香港小姐競選冠軍兼最上鏡小姐。
渠喺七兄弟姊妹之中排最細，讀過上水鳳溪第一中學。
鄭文雅嘅職業多樣化，包括曾經係運動員（1978年—1980年全港女子跳高紀錄保持者），前麗的電視藝員、前電影演員。家下係哥爾夫球教練同埋舞臺劇演員。渠鍾意旅遊、攝影、舞蹈、陶瓷、藝術表演。
鄭文雅已婚，喺1991年10月29號嫁畀商人虞哲輝，虞哲輝嘅家姐係時裝牌子代理康虞茱迪。
2019年，鄭文雅接受中國高爾夫頻道邀請，擔任「自然高爾夫絲綢之路探索賽2019敦煌站」嘉賓，喺戈壁沙漠打高球，感嘆大自然嘅威力。[2]
香港電影金像獎獎座設計傳聞[編輯]
香港電影金像獎獎座嘅女神造型據傳係臨摹自鄭文雅，不過鄭文雅喺2023年4月接受《明報周刊》訪問嘅時候否認傳聞。事緣梁銓、謝宏中、施養德、黃霑、鄭文雅等人組織香港藝術家聯盟之後，金像獎大會邀請聯盟負責設計獎座，由施養德繪製草稿，首先繪畫兩條線，然後用某套電影嘅劇照做參考，用菲林圍住女神像避免裸體設計，再由梁銓設計同打造獎座。鄭文雅強調，女神像嘅比例並唔係佢個人嘅身形比例，因為四肢都拉長咗，唔係真實人體嘅比例。[3]
.svg){kind=small}
