出自維基百科,自由嘅百科全書
鐵木真、成古思汗
鐵木真(Temüjin,1162年—1227年),姓孛兒只斤,全名孛兒只斤鐵木真,係統一蒙古草原上各部嘅可汗,稱為成吉思汗(Genghis Khan;「汗」又讀 hon4),係古代大蒙古國嘅開國祖。佢嘅子孫忽必烈入主中原,號元,將鐵木真追封為太祖,是為元太祖。
鐵木真係善戰,攻克四十國,以殘忍出名,最出名係花剌子模屠城,最後死喺同西夏打嘅一場仗。
前無綫電視藝員代蓮曦丹美係佢嘅後人。
鐵木真阿爸係乞顏部首領也速該,阿媽係訶額倫。佢個名叫做鐵木真係因為佢出世個時,佢阿爸俘虜咗一位勇士叫鐵木真兀格,由於蒙古人相信嬰兒出世,勇士嘅勇氣會過落嬰兒嗰度。
九歲嗰時佢去提親,同年老豆俾仇家毒死。後來佢經過多次苦難磨練出佢剛毅忍辱㗇性格。並娶孛兒帖,拜王罕做義父,拜扎木合做義弟。後來因為爭執而大開殺戒。
1190年,佢透過十三翼之戰統一蒙古各部,1206年召開大會,尊號成吉思汗,意思係好似海洋咁偉大嘅皇帝。之後佢頒佈咗「成吉思汗法典」,而佢嘅子孫之後亦都發動三次西征,1227年駕崩。