雷木思·路平（英文：Remus John Lupin）係英國作家J·K·羅琳嘅奇幻小說《哈利波特》系列入面嘅人物。佢喺《哈利波特：阿茲卡班的逃犯》入面以霍格華兹新任黑魔法防御術教授嘅身分第一次出現，成為咗哈利·波特佢哋三年级嗰陣嘅黑魔法防御術教授[1]。大衛·杜里斯喺嗰個系列電影入面飾演呢個角色[2]，而占士·烏金就做少年嗰陣嘅路平[3]。
路平喺呢個職位辭職之後仲留喺嗰個系列嘅故事入面，作為主角哈利嘅朋友同盟友。
雷木思·路平喺1960年3月10號出世，佢阿爸阿媽係純血嘅巫師萊爾·路平同佢嘅麻瓜老婆希望·賀厄爾[4]，所以雷木思係一個混血巫師。雷木思細個嗰時唔小心俾惡毒嘅狼人焚銳·灰背咬傷，因為咁而感染咗狼人病毒；由於佢嘅狀況無得醫返好，佢因為咁自此就變異做狼人，仲註定要過住狼人嘅生活[5]。
1971年，路平同佢嘅父母一直擔心入讀唔到霍格華兹，不過嗰間學校嘅校長阿不思·鄧不利多俾佢入學—前提係要採取某啲保護措施：例如喺渾拚柳下面起一條秘密通道連接通去到一間喺活米村嘅一間屋—尖叫屋。渾拚柳有好怪異嘅性格：只要唔埋佢身，或者㩒佢樹根上面嘅某一個樹瘤就可以平安無事；但係當你行埋去又或者掂到佢，無論係有心定無意，嗰個生物都會俾佢樹籐嘅枝條狂打；如果唔係生物嘅話就會俾佢打扁，受害者會嚟唔切避開。雷木思每個月需要喺嗰度變身嗰陣，佢都會俾人偷運去到呢間屋裡面，自此嗰度就成為咗路平專屬嘅變身地點。由人類變成狼人嘅轉變過程係痛苦難捱嘅，如果嗰個生物被孤立而佢作出唔到攻擊嘅話，佢就會變得好沮喪仲會傷害自己。呢間屋由於路平變成狼人嗰陣嘅嚎叫而自此就被叫做「尖叫屋」，嗰度仲成為咗英國最鬧鬼嘅建築物。活米村嘅村民將路平嘅嚎叫聲誤認為係極其暴力嘅鬼魂。雖然嗰度從來未真正咁鬧過鬼，但係鄧不利多就宣揚呢個謠言嚟阻止啲好奇嘅村民去嗰度探索。
喺霍格華兹讀書嗰陣，路平一直對自己嘅狀況保密，不過詹姆、天狼星同彼得·佩迪魯喺二年級嗰陣時就推斷出真相。佢哋五年級嗰陣就秘密咁（仲非法咁）學識咗點樣成為化獸師，以便喺路平變身期間陪住佢。另外，化獸師形態下嘅詹姆同天狼星分別係一隻雄鹿同一隻大狗，佢哋嘅體型大到足以控制住狼人型態下嘅雷木思。當佢哋仲係動物形態果陣，路平嘅狼毒無法傳俾化獸師形態下嘅佢哋，因為咁樣，路平唔會對佢哋兩個構成威脅。由於路平嘅情況，佢哋之間起咗啲代號，分別叫做「月影」[註 1]，而尖叫屋都因為咁最終成為咗劫盜者喺佢哋實現完整嘅化獸師變身前後嘅秘密聚會場所。
當賽佛勒斯·石內卜對路平每個月消失去邊覺得好奇嗰陣，天狼星喺佢哋六年級嗰時對石內卜做咗個惡作劇。天狼星每個月都會話俾石內卜知路平去邊，不過佢無提到路平係個狼人，仲知道如果石內卜埋去變咗身嘅路平嘅話，石內卜可能會俾佢殺死。點知石內卜決心要令佢哋惹麻煩，佢跟蹤住天狼星去邊度。當詹姆知道天狼星所做嘅嘢嗰陣時，佢喺石內卜去到尖叫屋之前就阻止咗石內卜嚟救返佢條命。不過，石內卜終於睇到狼人形態下嘅路平，結果佢俾鄧不利多校長要求發誓對呢件事保密。不過石內卜喺呢件事上面從來都無原諒過天狼星，仲覺得詹姆破壞計劃嘅唯一動機係為咗避免佢自己俾霍格華兹踼出校。
路平喺五年級嗰陣被任命做級長，因為佢喺管教詹姆同天狼星方面遇到麻煩，所以佢做唔到男生長。羅琳喺一次採訪入面，將呢件事同路平渴望俾人鍾意聯繫埋一齊，話「因為佢成日乞人憎」。路平嘅主要失敗係，「佢總係好高興自己有朋友，所以會令佢哋好放鬆」[6]。喺《鳳凰會的密令》入面，天狼星話路平係個「好男仔」，而羅琳就話佢係「成熟嘅嗰個」。根據天狼星嘅說法，路平並無參與佢同詹姆嘅欺凌（尤其係對石內卜），但係路平好遺憾自己從來未試過嗌停佢哋。
路平好厭惡仲對自己每個月嘅變身好恐懼：當佢面對住幻形怪嗰陣，佢會採取球狀滿月嘅形態顯示。呢啲轉變喺《阿茲卡班的逃犯》入面變得無咁嚴重，當時石內卜提供嘅縛狼汁令佢對狼毒有一定嘅控制，仲保持到佢嘅思想。
路平亦係劫盜地圖嘅共同創造者之一，嗰份地圖後嚟由哈利·波特擁有。喺《阿茲卡班的逃犯》嘅尾聲，當佢將自己啲嘢打包嗰陣，顯示路平著住New & Lingwood品牌嘅啡色皮鞋。喺後嚟系列入面嘅劇情講到路平係鳳凰會嘅創始成員。
路平教授第一次出現喺小說同電影入面，作為霍格華茲嘅新任黑魔法防禦術教授。佢第一次出現喺霍格華茲特快列車上面，當時佢瞓著咗，當時「睇起嚟好似一個好啲嘅詛咒就可以將佢了結」。不過路平喺催狂魔出現喺火車上面嗰陣時醒咗，仲喺無魔杖嘅情況下「手入面攞住一把似乎係火焰嘅嘢」嚟幫哈利·波特擊退佢。呢度有證據顯示路平係一個比哈利想像中更強大嘅巫師—佢能夠喺無魔杖嘅情況下召喚到火，仲將佢握喺手掌入面（無魔杖嘅魔法好難做到）。果年年尾，石內卜對天狼星嘅越獄，仲有石內卜因為咁而失去咗夫子部長應承佢公開路平係狼人嘅真相之後而俾佢嘅梅林勳章所以覺得好嬲，路平由於預計到巫師公眾一定會強烈反對狼人喺霍格華茲教書，所以佢就自己辭職。喺佢教書期間，佢向哈利傳授施展護法咒嘅私人課程，呢個係對抗催狂魔唯一已知嘅方法。佢嘅學生個個都好鍾意同尊重佢（除咗少數嚟自史萊哲林嘅學生之外），啲學生仲好鍾意佢落手實踐嘅教學風格，而哈利同佢啲朋友都認為路平係佢哋最好嘅防禦術教授。
喺小說同電影嘅高潮入面，路平唔相信天狼星就係當年背叛咗詹姆·波特同莉莉·波特、謀殺咗12個麻瓜，仲殺埋彼得·佩迪魯嗰個人。佢後尾終於發現咗個真相—天狼星係無辜嘅，而仍然仲生還而且生機勃勃嘅彼得原來係個二五仔。路平喺尖叫屋裡面幫天狼星向哈利、榮恩同妙麗解釋晒成個真相，佢哋仲同彼得對峙—喺過去呢12年裡面一直扮成榮恩嘅寵物鼠斑斑。不過，雷木思由於當時唔記得咗飲縛狼汁，當哈利、榮恩同妙麗俾路平分心嗰陣時，彼得變返佢嘅化獸師形態仲走甩咗。
路平喺裡面以鳳凰會成員嘅身分重新出現，但他嘅角色喺小說裡面嘅份量比喺《阿茲卡班的逃犯》裡面仲要細。路平喺《阿茲卡班的逃犯》裡面被形容做一頭灰白嘅「淺啡色頭髮」，而佢所著嘅係又舊又爛嘅縫補衫；佢喺《鳳凰會的密令》裡面嘅面色蒼白啲，仲有過早嘅皺紋。由於巫師世界裡面嘅大多數人都對於狼人暴力轉變嘅恐懼而對作為狼人嘅佢哋存有偏見，搞到狼人嘅就業機會變得好少，而路平主要係依靠人哋嘅善意嚟支持自己。
當自從魔法部喺桃樂絲·恩不里居嘅指引下通過額外嘅反狼人法嗰陣，令到路平近乎失業咁滯。路平後嚟加入咗改革後嘅鳳凰會，仲喺小說同電影嘅開篇章節度成為咗護送哈利離開德思禮家嘅其中一個先遣守衛隊成員。
路平後嚟同天狼星住喺古里某街12號嘅布萊克家族大宅裡面，但係因為路平成日被派去執行鳳凰會嘅秘密任務，所以佢並唔係成日留喺嗰度。路平後嚟參與咗神秘部門嘅戰鬥，仲喺嗰度同魯休思·馬份展開決鬥。
路平嘅角色喺呢輯小說同電影入面嘅作用同佢喺《阿茲卡班的逃犯》入面相比好細，就好似喺《鳳凰會的密令》一樣。
喺《混血王子的背叛》裡面，路平喺細細個嗰陣將佢自己變成狼人嘅焚銳·灰背領導下嘅狼人同伴裡面做臥底，仲知道佢哋加入咗去佛地魔嘅陣營。雷木思向哈利承認，由於巫師世界嘅偏見，佢發現狼人同佛地魔企埋一齊嘅話會好難去反擊，因為黑魔王為佢哋提供咗比而家所容許嘅有更加多自由。
據透露，小仙女·東施喺小說最後鍾意咗比佢自己大13歲嘅雷木思，但係就因為雷木思係個狼人嘅風險，同埋雷木思認為自己對東施嚟講係「太老，太窮同埋太危險」而唔肯同佢拍拖。不過佢哋兩個喺呢本小說嘅最後場景入面拖住手。
路平喺呢輯小說同電影入面嘅樣比以前更加攰同焦慮。佢參與咗鳳凰會喺水蠟樹街拯救哈利嘅行動，就喺哈利佢哋走之前，東施透露佢同雷木思最近結咗婚。不過，路平喺唔同嘅場合度似乎唔係開心，反而係好緊張。喺小說後嚟，雷木思偶然發現咗匿喺古里某街12號嘅哈利三人組，仲為咗完成鄧不利多交俾佢哋嘅任務而提供協助。路平為咗哈利想加入佢哋組織嘅動機而同哈利展開咗激烈嘅爭論，結果就揭示咗小仙女·東施喺嗰陣已經有咗；佢相信自己同東施嘅婚姻會令東施最終成為咗一個被拋棄嘅人，相信即使係佢自己嘅屋企人都對佢哋兩個嘅聯盟覺得厭惡，而佢哋兩個仲未出生嘅仔，佢對於自己可能會將狼毒傳俾佢而覺得內疚，令路平覺得佢哋無咗佢嘅話會生活得更好。妙麗試過向佢保證，一個細路仔永遠唔會咁樣諗自己阿爸；哈利喺好細個嗰陣就已經無咗自己老豆（同埋契爺），佢唔希望俾雷木思喺危險之中走咗去，仲批評佢拋棄自己屋企人，甚至叫佢做懦夫。路平用佢支魔杖嚟攻擊哈利，仲將佢撞埋牆度，之後嬲爆爆咁走咗去。無可避免咁，路平認清咗哈利所講嘅真相，結果返到去東施嘅身邊。
路平呢年喺鳳凰會都好活躍，而對佢哋越來越絕望嘅環境迫使阿波佛·鄧不利多呢啲嘅成員退出組織。同時，有巫師電台嘅忠誠者聽到路平喺地下電台節目《波特觀察》入面用嘅化名「羅穆路斯[a]」嚟報告傷亡嘅部分。同年年尾，東施生咗個健康嘅男嬰，佢哋兩個幫佢改名做泰迪·雷木思·路平，泰迪展示咗變形師嘅天份而唔係狼人化嘅延續，哈利被任命做佢嘅契爺。
喺霍格華茲大戰期間，路平喺霍格華茲校園裡面指揮住一班防守嘅師生，最後被提到嘅係佢同食死人安東寧·杜魯哈嘅決鬥。路平同東施雙雙死喺戰鬥裡面，佢哋分別俾杜魯哈同貝拉·雷斯壯殺咗[7]，留低泰迪做咗孤兒，作為佢契爺嘅哈利·波特同阿婆美黛·東施做佢嘅監護人。羅琳後嚟話，佢原先諗住俾路平同東施都倖存落嚟[8]。
當哈利去搵佛地魔同埋佢嘅死好明顯係水浸眼眉嗰陣，佢用重生石見到一個睇起上嚟後生啲嘅路平同天狼星、詹姆同埋莉莉，佢哋一齊陪住哈利穿過禁忌森林，哈利為佢哋嘅死而向佢哋所有人道歉，尤其係路平，因為佢無機會睇到佢自己個仔大個。路平話俾哈利知佢自己都好難過，不過佢個仔第日都會知道自己阿爸點解犧牲——佢個仔會喺呢個世界裡面過住啲更幸福嘅生活——同埋希望佢可以理解。除咗哈利之外，其他人都唔會見得到呢四個幽靈穿過森林，佢哋就好似護法咁幫哈利抵禦住催狂魔。當哈利喺面對黑魔王而掉低粒重生石嗰陣，佢哋就消失咗。
羅琳喺受訪嗰陣話，路平同東施嘅犧牲係為咗補償佢（羅琳）喺《鳳凰會的密令》入面對亞瑟·衛斯理嘅一次本應該致命嘅襲擊入面倖存落嚟最後一刻所俾佢嘅緩刑[9]，羅琳仲話路平最後係俾安東寧·杜魯哈殺死[10]。
演員大衛·休里斯係嗰個系列嘅電影《阿茲卡班的逃犯》導演艾方索·柯朗作為飾演路平嘅首選。休里斯喺較早時候曾經參與喺《哈利波特：神秘的魔法石》入面為奎若教授嘅角色試鏡，不過輸咗俾伊恩·哈特，後者掉轉頭鼓勵休里斯飾演路平嘅角色[11]。休里斯後來喺《阿兹卡班的逃犯》、《鳳凰會的密令》、《哈利波特：混血王子的背叛》、《哈利波特：死神的聖物1》，同埋最後嘅《哈利波特：死神的聖物2》裡面飾演路平呢個角色。《鳳凰會的密令》入面，喺石內卜記憶裡短暫咁出現嘅少年版路平係由占士·烏金做嘅。
嗰個系列嘅小說作者羅琳講過路平係佢自己最鍾意嘅角色之一[12]，形容「佢係一個受過傷害、平實又好有寓意色彩嘅人。......佢本身係個狼人，咁啱對於啲人面對疾病或殘疾病人嘅種種反應係個好好嘅隱喻[13]:37。」2016年，羅琳仲話路平嘅狼人身分其實係隱喻帶有污名嘅病，例如係愛滋病[5]。
呢個角色嘅名字係羅琳為佢嘅角色、場景同其他故事元素用嘅描述性名稱嘅一個明顯例子。佢個名「雷木思」係暗指BB時期由母狼照顧嘅羅馬傳奇雙胞胎創始人——羅穆路斯與雷穆斯[14]。路平喺第7輯小說入面就借用咗雙胞胎其中一個嘅名「羅穆路斯」做佢嘅化名。
佢嘅姓氏「路平」令人諗起意思係「狼嘅特徵或同狼有關」嘅英文單詞「lupine」，而呢個詞又源自拉丁語「狼瘡」。喺法國北部嘅民間傳說入面，「lupin」都用嚟指代一種出名怕醜嘅狼人術語（同更有侵略性同暴力嘅loup-garou形成咗鮮明嘅對比）。「Lupin」亦都係一種開花植物羽扇豆屬嘅名。
由於路平係個狼人，佢需要飲一種叫做縛狼汁嘅魔藥嚟避免佢傷害其他人嘅事實，呢樣嘢令佢有偏見同隔離嘅後果，同埋社會對病人同有具缺陷者負面反應嘅象徵[15]。路平成日都被列為《哈利波特》入面其中一個最好嘅角色。《IGN》將路平列做嗰個系列入面最好角色嘅第14位，仲指出：「作為哈利父母嘅一個老友，佢能夠俾哈利個別而深入咁了解佢哋係邊個，呢個係其他人俾唔到嘅[16]。」呢個角色喺《哈利波特：死神的聖物2》嗰陣喺霍格華茲大戰嘅死通常被認為係嗰個系列入面最情緒化嘅死亡之一。小說作者羅琳喺跟住落嚟嗰幾年裡面為殺咗呢個角色而道歉[17][18][19]。
- ↑ 為咗向由狼湊大嘅雙胞胎羅穆路斯同雷木思致敬。
|
|---|
|
| 小說 | |
|---|
| 改編電影 | |
|---|
| 角色 | 主要角色 | |
|---|
| 地點 | |
|---|
外傳 | |
|---|
其他元素 | |
|---|
外傳電影 | |
|---|
|
|---|
電影相關 | |
|---|
同人外傳 | |
|---|
其他相關 | |
|---|
|
|---|
| 網站 | |
|---|
|
