1600

Kalenders

Gregoriaanse kalender 1600 MDC Ab urbe condita 2353 Armeense kalender 1049 ԹՎ ՌԽԹ Chinese kalender 4296 – 4297 丙へい亥い – 丁子ちょうじ Ethiopiese kalender 1592 –1593 Hebreeuse kalender 5360 – 5361 Hindoekalenders - Vikram Samvat 1655 – 1656 - Shaka Samvat 1522 – 1523 Irannese kalender 978 –979 Islamitiese kalender 1009 –1009

Die jaar 1600 was 'n skrikkeljaar wat volgens die Gregoriaanse kalender op 'n Saterdag begin het. Dit was die 100ste jaar van die 16de eeu n.C. In teenstelling met gewone jare het die jaar 366 dae en 'n 29 Februarie gehad. Volgens die Juliaanse kalender, wat op die stadium 10 dae agter was, was die jaar 'n skrikkeljaar wat op 'n Dinsdag begin het.

Gebeure

Januarie tot Junie

• 1 Januarie – Skotland neem 1 Januarie as Nuwejaarsdag aan.
• 24 Januarie – Die Hollandse seevaarder, Sebald de Weert bereik die Falkland-eilande en noem hulle die Sebald-eilande.
• 8 Februarie – Giordano Bruno word deur die Rooms-Katolieke Kerk ter dood veroordeel. Hy is skuldig bevind op aanklagte van kettery.
• 17 Februarie – Giordano Bruno word in Rome in die openbaar tereggestel deur op die brandstapel te brand.
• 19 Februarie – Die Huaynaputina-vulkaan bars katastrofies uit (VEI 6). Arequipa in Peru word totaal vernietig. Dit word aangeteken as die ergste vulkaniese uitbarsting in Suid-Amerika.
• 21 Februarie – Alessandro Ottaviano de' Medici (later Pous Leo XI) word kardinaal van Trastevere.
• 20 Maart – Bloedbad in Linköping, Swede. Baie van Sigismund III Wasa se ondersteuners word op bevel van Karel IX tereggestel.
• April – William Adams word die eerste Engelsman om Japan te betreë.
• 6 Mei – Sigismund Báthory van Transsilvanië verloor die stad Suceava aan Michael die Dappere van Walagye tydens 'n bloedige konflik in Hongarye en die Donau Vorsdom. Vir die eerste keer word Transsilvanië, Moldawië en Walagye een land (die huidige Roemenië). Die unie het slegs een jaar geduur met die moord op Michael die Dappere.

Julie tot Desember

• 2 Julie – Slag van Nieuwport gedurende die Tagtigjarige Oorlog. Nederlandse magte onder leiding van Maurits van Nassau verslaan die Spaanse magte onder leiding van Aartshertog Albert van Oostenryk.
• 10 Julie – Tycho Brahe neem 'n sonsverduistering waar vanaf Benatký. Kort daarna verhuis hy na Praag.
• Julie – Die astronoom, Longomontanus arriveer in Praag waar hy aan die Maanorbitaalteorie werk. Hy bring die res van Tycho se astronomiese instrumente saam.
• 30 Augustus – Alessandro Ottaviano de' Medici (later Pous Leo XI) word biskop van Albano.
• 20 September tot 9 Oktober – Slag van Moyry Pas (Bealach na mhaighre in Iers) tydens die Negejarige Oorlog. Die slag het plaasgevind in die noordelike graafskappe van Armagh en Belville in Ierland tussen die Ierse leier Hugh Ó Neill en die Engelse bevelvoerder, Graaf van Essex. Die slag eindig onbeslis met geen oorwinnaars.
• Oktober – Rudolf II, Heilige Romeinse Keiser begin die eerste tekens toon van sy groeiende geestelike onstabiliteit.
• 6 Oktober – Jacopo Peri se Euridice, die oudste bewaarde operastuk open in Florence.
• 8 Oktober – San Marino kry 'n geskrewe grondwet.
• 21 Oktober – Slag van Sekigahara in Japan. Tokugawa Ieyasu en sy bondgenote verslaan Ishida Mitsunari wat die weg baan vir die Tokugawa-sjogoenaat om te regeer. Dit dui die einde van die Azuchi-Momoyama tydperk aan en die begin van die Edo tydperk.
• 14 Desember – Die Spaanse galjoen, San Diego word langs die kus van die Filippyne gesink.
• 18 Desember – Vloede in Venesië.
• 31 Desember – Elizabeth I gee toestemming vir die stigting van die Britse Oos-Indiese Kompanjie.

Ongedateerd

• Stigting van die handelspos Tadoussac in Québec (Kanada).
• William Shakespeare se A Midsummer Night's Dream word die eerste keer opgevoer en sy toneelstuk The Merchant of Venice word gepubliseer.
• William Gilbert publiseer De Magnete. Dit beskryf die aarde se magneetveld en is die begin van moderne geomagnetisme.
• Fabritio Carso se Nobiltà de dame word gepubliseer.
• Ulster leiers met Hugh Ó Neill, 2de Graaf van Tyrone wat leiding neem, slaag daarin om 'n Engelse herowering van Ierland teen te staan.
• Die koninkryk van Oyo in die suid-ooste van Nigerië bereik sy hoogtepunt.
• Die Birmaanse Ryk skeur a.g.v 'n burgeroorlog.

Geboortes

• 1 Januarie – Friedrich Spanheim, Nederlandse teoloog († 1649)
• 1 Januarie – Heinrich von Brockdorff, Duitse soldaat en politikus († 1671)
• 17 Januarie – Pedro Calderón de la Barca, Spaanse dramaturg († 1681)
• 28 Januarie – Pous Clemens IX, die 238ste pous van die Rooms-Katolieke Kerk († 9 Desember 1669)
• 2 Februarie – Gabriel Naudé, Franse bibliotekaris en geleerde († 10 Julie 1653)
• 3 Maart – George Ghica, prins van Walagye († 2 November 1664)
• 4 Maart – Hans Cristoph van Königsmarck, Sweedse veldmaarskalk tydens die Dertigjarige Oorlog († 8 Maart 1663)
• 2 April – Johan Heinrich Waser, burgemeester van Zürich († 10 Februarie 1669)
• 13 Mei – Keiserin Xiao Duan Wen van die Qing-dinastie in China († 17 Mei 1649)
• 16 Augustus – Maria Celeste, dogter van Galileo Galilei.
• November – John Ogilby, Engelse skrywer en kartograaf († 4 September 1676)
• 19 November
  • Leo Aitzema, Nederlandse historikus en diplomaat. († 23 Februarie 1669)
  • Koning Karel I van Engeland, Skotland en Ierland (tereggestel). († 30 Januarie 1649)
• Datum onbekend
  • Marin le Roy de Gomberville, Franse digter en skrywer. († 14 Junie 1674)
  • Peter Heylin, Engelse skrywer. († 1662)
  • Antoine de Laloubére, Franse wiskundige. († 1664)
  • Anna Alojza Ostrogska, Poolse edelvrou. († 1654)
  • Brian Walton, Engelse priester en geleerde. († 29 November 1661)
  • William Prynne, Engelse politikus en skrywer. († 24 Oktober 1669)
  • Claude Lorrain, Franse skilder. († 23 November 1682)
  • Autshumato, (ook bekend as Herrie) was 'n hoofman van die Goringhaikona (die sogenaamde "Strandlopers") aan die Kaap († 1663)

Sterftes

• 13 Februarie – Gian Paolo Lomazzo, Italiaanse skilder (* 26 April 1538)
• 15 Februarie – José de Acosta, Spaanse sendeling en natuurkundige. (* 1539)
• 17 Februarie – Giordano Bruno, Italiaanse filosoof, wiskundige en astronoom (tereggestel:op die brandstapel) (* Januarie 1548)
• 29 Februarie – Caspar Hennenberger, Duitse Lutherse predikant, historikus en kartograaf (* 1529)
• April – Thomas Deloney, Engelse skrywer (* 1543)
• 4 Mei – Jean Nicot, Franse diplomaat en skrywer (* 1530)
• 23 Mei – Niels Hemmingsen, Deense teoloog (* 1537)
• 17 Julie – Hosokawa Gracia, Japannese edelvrou (* 1563)
• 5 Augustus – John Ruthven, 3de Graaf van Gowrie en Skotse samesweerder (* 1577)
• 27 Augustus – Mizuno Tadashige, Japannese edelman (* 1541)
• 1 September – Tadeáš Hájek, Tsjeggiese geneesheer en astronoom (* 1 Desember 1525)
• 26 September – Claude Le Jeune, Franse komponis (* 1530)
• 21 Oktober – Toda Katsushige, Japannese veldheer (* 1557)
• 3 November – Richard Hooker, Anglikaanse teoloog (* Maart 1554)
• 6 November
  • Ishida Mitsunari, Japannese feodale landsheer (onthoof) (* 1562)
  • Konishi Yukinaga, Japannese veldheer (* 1555)
• 8 November – Natsuka Masaie, Japannese veldheer (* 1562)
• 17 November – Kuki Yoshitaka, Japannese vlootbevelvoerder (* 1542)
• Datum onbekend
  • Abe Masakatsu, Japannese edelman (* 1541)
  • Pappenheimer-familie, wreedaardig gemartel en tereggestel nadat hulle aan heksery skuldig bevind is in Beiere, Duitsland.