Baanübbergäng
![](https://upload.wikimedia.org/wikipedia/commons/thumb/9/99/Bahnuebergang_beschrankt_BLA_N-Bahn.jpg/220px-Bahnuebergang_beschrankt_BLA_N-Bahn.jpg)
Èn Baanübbergang (Abchürzung BÜ), au Ysèbaanchrützung (z Öschterrych, Abchürzung EK) odder Niveauübbergang, isch è höchèglychi Chrützung von èrè Ysèbaaschtreggi mit èrè Strõß, ènèm Wäg odder èm Blatz. D Chrützung von èrè Ysèbaa mit èrè Strõß, ènèm Wäg odder ènèm Blatz uff unterschydlichem Niveau (Brücke/Viadukt) heißt Übberfüürung odder Unterfüürung. Übbergäng für Bassagyr, um niveauglych uff èn Perron z chò, wörrèd als Reisendèübbergang (RÜ) benamst.
Europa
[ändere | Quälltäxt bearbeite]Dütschland
[ändere | Quälltäxt bearbeite]luèg au: Baanübbergang z Dütschland
![](https://upload.wikimedia.org/wikipedia/commons/thumb/8/88/Zeichen_151_-_Bahn%C3%BCbergang%2C_StVO_2013.svg/100px-Zeichen_151_-_Bahn%C3%BCbergang%2C_StVO_2013.svg.png)
Uff Ysèbaaschtreggi mit èrè zuèlässigè Högschtgschwindigkeit vo mee wiè 160 km/h sin z Dütschland Baanübbergäng nit zuèglõl.[1] Bi Neubauschtreggè sowiè neuè Strõßè, wo übber è eksischtyrèndi Ysèbaaschtreggi drübber gän, wörd dè Bau von èm Baanübbergang i dè Reglè nimmi gneemigt, au wenn diè zuèlässigi Högschtgschwindigkeit nu bis maximaal 160 km/h gòt. Gnaueres reglèt s § 2 Ysèbaachrützungsgsetz (EBKrG). Uff dè Hauptschtreggè im Netz vo dè Dütschè Baan wörd aagschtrebt, d Aazaal vo dè Baanübbergäng immer witter z reduzyrè. Si wörrèd ersatzlos uffghobbè odder durch Übber- odder Unterfüürungè ersetzt. Anders als in èn Huufè andrè Länder chunnt uff eventuèlli Warnschilder nit piktographisch è Dampflok dèhèr, sondern sit 1992 èn modernè Elegtro-Drybzug.
Schwiz
[ändere | Quälltäxt bearbeite]![Signalisyrung aa Baanübbergäng i dè Schwiz](https://upload.wikimedia.org/wikipedia/commons/thumb/4/46/Swiss_Railway_Crossing.gif/200px-Swiss_Railway_Crossing.gif)
![](https://upload.wikimedia.org/wikipedia/commons/thumb/b/bd/Uri-Andermatt-Realp01.jpg/220px-Uri-Andermatt-Realp01.jpg)
D Andreaschrütz sin wyss un hèn èn rotè Rand. Sy chönnèd hochkant odder quer platzyrt wörrè, woby aa meegleisigè Streggè doppelti Andreaschrütz aabrocht wörrèd. Uff Ysèbaaschtreggè mit ènèrè zuèlässigè Högschtgschwindigkeit vo mee wiè 160 Kilometer pro Stund sin Baanübbergäng nit zuèglõ.
Blingglichtsignaal bschtôn uss ènèrè dreieggigè schwarzè Daflè mit zwei uff glycher Höchi aagordnetè rotè Wechselblingglichter odder ènèm rotè Blingglichtsignaal. Wenn d Übbersicht fäälè duèt, wörrèd mee un mee Drèèlüchtè inschtallyrt. Bi niveauglychè Baanübbergäng mit Blingglichtsignaal git s für d Schilder beschrankter Bahnübergang un unbeschrankter Bahnübergang è Zuèsatzdaflè mit dè Uffschrift „Blinklicht“. Sicherungè nu mit Blingglichtsignaal un ooni Schrankè sin i dè Schwiz uff Strõssè vobotè, wo mit èrè Gschwindigkeit vo mee wiè 50 Kilometer bro Stund gfaarè wörd. Öfters wörrèd Lichtzeichèaalaagè („gääl-rot“) bruucht. Analog zuè dè dütschè Aaruèfschrankè exischtyrèd Bedarfsschrankè. Mò unterschydet èbbèfalls zwǜschè Halb- un VollschrankÈaalaagè. Usserdèmm git s no è Besunderheit vo Warnlüchtè aa Baanübbergäng in Form vo sogenenntè Blitzlüchtè, wo statt dè normalè Blingglichter bruucht wörrèd, wenn dè Übbergang nõch vill Sitè statt nur in ei Richtung gsicherèt wörrè muè.
Öschterrych
[ändere | Quälltäxt bearbeite]Z Öschterrych heißt d Chrützung vo dè Strõß mit èm Gleiskörper amtlich Ysèbaachrützung (EK). I dè Strõßèvokeersordnung wörrèd abber au d Begriff Ysèbaaübbergang un Baanübbergang bi dè Beschriibung vo dè entschprèchèndè Vokeerszeichè bruucht. D Abchürzung BÜ wörd dõdègegè niènè z Öschterrych bruucht.
Belgiè
[ändere | Quälltäxt bearbeite]![](https://upload.wikimedia.org/wikipedia/commons/thumb/5/57/Overweg_Melsele.jpg/170px-Overweg_Melsele.jpg)
Z Belgiè zeigèd alli gsichertè Baanübbergäng iri Bedrybsbreitschaft durch è toujours blinkendi wyßi Lampè aa. Wenn èn Zug dèhèr chunnt, schaalted sèlli ab un diè rotè Blingglichter blinkèd im Wechsèl. Blinggt diè wyß Lampè nit, so isch mit èm Defèkt vum Baanübbergang zu rechnè un dèsèll isch mit dè glychè Vorsicht wiè bi nèm nit technisch gsichertè Baanübbergang z übberquerè. Diè eifachè Andreaschrütz zeigèd ei Gleis, diè doppeltè Andreaschrütz zwei odder mee Gleis aa (luèg au im Bild). Hüfiger isch a dè Schrankè s Zeichè „Vobot für Faarzüüg aller Art“ (Zeichè 250) aabrocht.[2]
Dänemark
[ändere | Quälltäxt bearbeite]Z Dänemark stôn bi dè Baanübbergäng rot-wyßi Andreaschrütz. Unter dè Andreaschrütz isch è (bei automatisch gesicherten Bahnübergängen) blaues Dreiegg aabrocht, wo nõch unnè zeigè duèt un èn rot-wyße Rand hèt. I sèllèm Dreiegg isch diè rot Blingglichtaalaag dinnè, wo blinggt, wenn èn Zug nôcher chunnt. Glychzitig gòt è Schällè abbè. D Schällè schällèt nu, bis d Halbschrankè odder d Vollschrankè zuè isch (bi 2 Schrankèdeil: wenn dè 1 Schrankèdeil dunné isch), abber s Blingglicht macht au witter, wenn d Schrankè dunnè sin. Bi unbeschranktè BÜ schällèt asè lang, bis es rote Blingglicht uusgòt.
Am 1. Juni 2016 hèt s z Dänemark a Streggè vo dè Danske Statsbaner mit Personèvokeer 612 Baanübbergäng gää, 432 dèvu sin mit Schrankè odder èm Warnsischteem gsicherèt un 180 sin nit technisch gsicherèt. Zyl vo dè Banedanmark isch es, bis 2018 sèbbi 180 nit gsichertè Baanübbergäng technisch z sichèrè odder uffzhebbè.[3]
Frankrych
[ändere | Quälltäxt bearbeite]Z Frankrych sin nit technisch gsicherti Baanübbergäng mit èm Andreaschrütz un èm Stopschild uusgschtattet, s Schild hängt am glychè Mascht Meegleisigi Streggè wörrèd durch è erwittertes Andreaschrütz aazeigt. Diè bschranktè Baanübbergäng mit Blingglichtaalaagé hèn kei Andreaschrütz. Unter m Vokeersschild BeschranktÈ Baanübbergang stòt z Frankrych bi nèrè automatischè Aalaag immer dè Zuèsatz Signal Automatique, suscht isch s èn Übbergang, wo von èm Boschtè bediènt wörd. S exischtyrèd no è baar französischi BÜ, wo von èm Baanwärter bediènt wörrèd. Aa meegleisigè Baanübbergäng hängt s Schild „UN TRAIN PEUT EN CACHER UN AUTRE“, wo druff hyywyst, dass uff èm hinterè Gleis è witterè Zug chò cha, wo vom Zug uff èm vorderè Gleis zèrscht vodeggt worrè isch. A nit technisch gsichertè Übbergäng wörrèd Pfiifdaflè mit èm Buèchschtaab S uffgschtellt, dõmit dè Lokfüürer pfiift, um dè Straßèvokeer warnè.
-
Pfiifdaflè
(Siffler = Pfiifè) -
Beschilderung:
1. Unbeschranktè Baanübbergang
2. Bschranktè Baanübbergang
3. Andreaschrütz für eingleisigi Baanschtreggè mit Stoppschild
4. Andreaschrütz für meegleisigi Baanschtreggi mit Stoppschild -
BÜ mit Vollschrankèabschluss un Blingglichter
-
mechanischi Vollschrankè un Fuèßgängerdürè
-
Baanübbergang mit Halbschrankè un Zuèsatzliècht
Finnland
[ändere | Quälltäxt bearbeite]![]() |
![]() |
In Finnland sin d Warnchrütz un Schrankè i dè Farbè Rot-Gääl z findè. I dè Schrankè vo dè automatischè Baanübbergäng sin Warnlüchtè integryrt.
Diè technisch gsichertè Übbergäng hèn Warnschällè übber m Andreaschrütz. Wenn übber m Übbergang è Obberleitung èwäg gòt, so wörd sèll durch è gääles Zuèsatzschild mit Blitzsimbool aazeigt. Im ungsichertè Zuèschtand blinggt è wyyßi Lampè unter m Warnchrütz. Chunnt èn Zug nôcher, so gôn diè wyyß Lampè uus un diè rotè Blingglichter, hüt meischtens Wechselblingglichter, fangèt aa z blinggè un d Warnschällè fangt aa z lütè. Mèngmòl hört d Warnschällè mit èm Lütè uff, wenn dè Zug am BÜ aachò isch. Nit technisch gsicherti Baanübbergäng hèn mindeschtens ei Warnchrütz pro Faartrichtung. D Aazaal vo dè Gleis wörd au z Finnland mit dè Andreaschrütz aazeigt, wiè in andrè Länder wörrèd eifachi Andreaschrütz für eingleisigi Baanschtreggi un doppelti Chrütz für zweigleisigi Strèggè bruucht.
Großbritanniè
[ändere | Quälltäxt bearbeite]![](https://upload.wikimedia.org/wikipedia/commons/thumb/4/41/Great_Bentley_330.jpg/220px-Great_Bentley_330.jpg)
Z Ängland git s a gsichertè Baanübbergäng Warnblinggaalaagè, wo mit luxemburgischè Aalaagè voglychbar sin. Wenn èn Zug nôcher chunnt, lüchtet für 4 Sekundè è gääles Duèrliècht, welles aaschlièßend uusgòt, un zwei roti Wechselblingglièchter wörrèd aktiv. Sèlli Warnblinggaalaagè git s allei ooni Schrankè odder in Kombination mit Halb- un Vollschrankè. Ußerdèmm git s au hüfiger no wärterbediènti Baanübbergäng. Mò cha z Großbritanniè öfters no uff Baanübbergäng mit Klapp- odder Schièbdòr dräffè. An unbschranktè Baanübbergäng sin i jedem Fall Andreaschrütz aabrocht.
Letzèbursch
[ändere | Quälltäxt bearbeite]In Letzèbursch wörrèd diè meischtè Baanübbergäng mit èrè Blingglichtaalaag gsicherèt, wo dè dütschè stark ähnlè duèt. Anderscht wiè z Dütschland git s dört a beschranktè Baanübbergäng kei Andreaschrütz. S wörrèd uusschlièßlich Halbschrankè ygsetzt. A bschranktè Baanübbergäng stòt pro Faartrichtung mindeschtens ein wyyß-rot gschtreiftè Maschtè. A sèllèm isch èn wyyß/rot umrandetè schwarzè Signaalschirm aabrocht, uff dem zwei roti Blingglichter installyrt sin. Sèlli blinggèd abwechselnd, wenn è Yschaltung odder è Störung vorlyt. Sèlli Blingglièchter wörrèd èrscht uusgmacht, wenn nõch dè Durchfaart von èm Schinnèfaarzüüg d Schrankè widder i dè obberé Endlaag sin. Bi Zugchrützungè git s è Bsunderheit. Wenn wôrend dè Öffnung vo dè Halbschrankè nommòl èn Yschaltimpuls chunnt, bliibèd d Schrankè i dè momentanè Stellung stò. Nõch èrè Vorwarnzit vo 7 Sekundè gän d Halbschrankè denn widder zuè, ooni vornèwäg vollschtändig uff z gõ. Diè rotè Blingglièchter bliibèd permanènt ygschaltet. Diè meischtè Aalagè wörrèd mithǜlf vo Faarzüügsensorè im Gleis vo dè Schinnèfaarzüüg automatisch ygschaltet. Dört, wo s kei uusreichendi Yschaltschtreggi git, sin si signaalgschtüèrèt. Nit technisch gsicherti sowiè technisch gsicherti unbschrankti Baanübbergäng vofüègèd übber è waagrächts Andreaschrütz.
Holland
[ändere | Quälltäxt bearbeite]![]() |
![]() |
Z Holland ähnlèt s Uussää vo dè bschrankté Baanübbergäng sèbbèm i dè USA mit Wechselblingglièchter. Vor jeddem Baanübbergang stòt mindeschtens ei Andreaschrütz bro Faartrichtung. Wiè in andrè Länder wörd au dõ durch eifachi Andreaschrütz aazeigt, wenn d Baanschtreggi eingleisig odder durch doppelti, wenn si meegleisig isch. Normal sin Halbschrankè (Automatische halve overwegbomen, churz AHOB). Alli Baanübbergangsartè hèn meischtens uff beidè Sitè wyyß-rot schraffyrti Warnbakè, a wellnè oft au è blaus Warnschild fescht gmacht isch. Sèll Schild wyyst bi meegleisigè Streggè uff d Wartepflicht bis zum Löschè vum Warnliècht hy, well no èn Zug (uss dè andrè Richtung) chò cha.
Unbschrankti Baanübbergäng mit èrè Lièchtzeichèaalaag (automatische knipperlichtinstallatie, churz AKI) sin sit 2007 zuè bschranktè Übbergäng uusbaut odder stillglait worrè. Dè letschte vo sinèrè Art im Berych vum gröschtè Netzbedryber ProRail isch bim Bavinkelswäg z Almelo gschtandè un isch am 3. Juli 2015 stillglait worrè.[4]
Schwedè
[ändere | Quälltäxt bearbeite]![](https://upload.wikimedia.org/wikipedia/commons/thumb/9/99/Emuatkvicksund06280022.jpg/220px-Emuatkvicksund06280022.jpg)
![]() |
![]() ![]() |
Z Schwedè dürfè d Züüg högschtens mit sèbbèrè Gschwindigkeit übber Baanübbergäng faarè: 140 km/h ooni Schrankè, 160 km/h mit Schrankè, 200 km/h mit Schrankè un Hindernisdetektor. Strõßèbenutzer maximaal 70 km/h ooni Schrankè mit Signaal, 90 km/h mit Schrankè. Z Schwedè hèt s 1993 öppè 12.000, 2005 öppè 8.500 Baanübbergäng gää, dõdèvu öppè 2.000 mit Schranké. Alli Übbergäng a zweigleisigè Streggè sin 2005 technisch gsicherèt.[5] S git 26 uff dè E45 un füüf uff andrè Europastrõßè.
Bis zum Ändi vom Johr 2015 hét sich d Aazaal vo dè Baanübbergäng a befaarenè Streggè uff 7.146 voringerèt, uff nit befaarenè Streggè, wo nit stillglaitt sin, ligèd witteri 1.110 BÜ. Gsicherèt sin dèvu 2.787 a dè befaarenè un 179 a nit befaarenè Streggè.[6]
Tschechiè un Slowakei
[ändere | Quälltäxt bearbeite]![]() |
![]() |
![](https://upload.wikimedia.org/wikipedia/commons/thumb/1/1f/Recent_trends_in_level_crossing_accidents_Czech_Republic.svg/440px-Recent_trends_in_level_crossing_accidents_Czech_Republic.svg.png)
Z Tschechiè un dè Slowakei zeigèd d Strõßèsignaal vo dè technisch gsichertè Baanübbergäng iri Bedrybsbreitschaft un Grundschtellung durch è wyyß blinggendi Lampè aa. Strõßenvokeersdeilnämmer dürféd uff èm Übberwäg i sèllèm Fall mit 50 km/h drübber faarè. Wenn dè Zug nôcher chunnt, blinggèt diè beidè obberè rotè Lampè abwèchselnd. Solang dè Zug nõch èm Uusschaltè i dè Schutzstreggè vo dè Gegèrichtung dinnè isch, sin d Strõßèsignaal dunkel. Dè Übberwäg darf vo Strõßèvokeersdeilnämmer mit 30 km/h bassyrt wörrè. D Strõßèsignaal git s als Haltlièchtaalaagè odder in Kombination mit Halb- odder Vollschrankè. I jeddèm Fall sin a unbschranktè Baanübbergäng quer ligèndi Andreaschrütz aabrocht. Hywyysschilder mit dè rotè Uffschrift Pozor Vlak („Achtung Zug“) ruèfèd ußerdèmm vor allem bi unbschranktè BÜ uff zum Obachtgää, sèbbi BÜ git s z Tschechiè no huufig.
Ußereuropäisch
[ändere | Quälltäxt bearbeite]Auschtraliè
[ändere | Quälltäxt bearbeite]-
Vorwarnung an èm BÜ vo dè Zentralauschtralischè Ysèbaan – è Dampflokomotive wiè uff èm Schild ist dõ allerdings niè gfaarè
-
Zweiti Warnung an èm BÜ vo dè Zentralauschtralischè Ysèbaan
-
Schlièßlich: BÜ vo dè Zentralaustralischè Ysèbaa – s Look for trains warnt meischtens umèschuscht
Israel
[ändere | Quälltäxt bearbeite]D Regelung z Israel entschpricht im Sinn vo dè Uusschilderung witgehènd im dütschè Reglement wié s vor 1992 bschtandè hèt.
-
Uusschilderung z Israel
USA
[ändere | Quälltäxt bearbeite]In dè USA isch jeddè Baanübbergang mit mindeschtens eim Vokeerszeichè „Railroad Crossing“ pro Faartrichtung gsicherèt. Isch am Baanübbergang mee als ei Gleis z übberquerè, so wörd d Aazaal vo dè Gleis uff eim Zuèsatzschild unterhalb vum Andreaschrütz aagää. Wenn è größeri Strõß è Baanlinniè chrützt, denn sichèrèd Halbschrankè un Wechselblingglièchter dè Baanübbergang. Diè meischtè vo sellnè Schrankèaalaagè vofüègéd übber ei mechanischi odder elegtronischi Warnschällè.
Früèner hèt s i dè USA statt dè hütigè Blingglichtaalaagè sognennti „Wig-Wags“: Uff èinèrè odder beidè Sitè vum Baanübbergang sin Maschtè mit èm Warnchrütz gschtandè, übber sellnè isch è beweglichi Schiibè mit èrè rotè Latèrnè ghängt isch. Wenn èn Zug nôcher chò isch, so bewegt sich d Schiibè mit rotèm Duèrliècht in èrè Schaukelbewegung hin un hèr un è Schällè hèt gwarnt.[7] Sit neuschtem git s Warnsischteem, wo s Pfiifè von èrè Lokomotyv (i dè USA meischtens mit meerschtimmigè Fanfarè) übber Lutschprècher am Baanübbergang widdergää worrè, um d Strõßèvokeersdeilnämmer übber s Nôcherchò von èm Zug z informyrè. Dõdemit söll d Lärmbeläschtigung für d Lüt reduzyrt wörrè, wo a dè Baanschtreggi woonè düèn.
-
Amrikanischè Baanübbergang z Montana
-
Wig-Wags
Rächtlichi Grundlagè
[ändere | Quälltäxt bearbeite]- Ysèbaachrützungsgsetz
- Staatlichi Vokeersgsetz:
- Ysèbaa-Bau- un Bedrybsordnung
Chrützung Ysèbaa – Flugzüüglandebaan
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Rail-run-way-crossing.jpg/220px-Rail-run-way-crossing.jpg)
D bekannteschti Chrützung von èrè Baanschtreggi mit èrè Start- un Landebaan git s uff Madagaskar, woby d Baanschtreggi Manakara–Fianarantsoa d Landebaan vum Flughaffé Manakara niveauglych chrützt. Äänlichi Chrützungè git s odder hèt s au z Gisborne uff Neuseeland gää, z Kaunas z Litauè, Peschawar in Pakischtan, Dsjomgi (Komsomolsk am Amur) im Fernè Oschtè vo Russland un Wynyard uff Tasmaniè.
Weblingg
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Videobyschpill uss unterschydlichè Länder
- Schwiz: Baanübbergang uf YouTube
- Belgiè: Baanübbergang mit Schrankè uf YouTube
- Dänemark: Baanübbergang mit Halbschrankè z Nærum uf YouTube
- Frankrych: Baanübbergang mit Vollschrankè uf YouTube
- Frankrych: Manuèlli Baanübbergäng mit Vollschrankè uf YouTube
- Finnland: Blingglichtaalaag mit Halbschrankè uf YouTube
- Ängland: Baanübbergäng mit Blingglichter, Warnsirenè un Halbschrankè uf YouTube
- Ängland: Baanübbergang mit Schwenkdor uf YouTube
- Großbritanniè: unbeschranktè Baanübbergang uf YouTube
Einzelnõchwys
[ändere | Quälltäxt bearbeite]- ↑ § 11 (2) EBO
- ↑ Bild
- ↑ Banedanmark nedlægger usikrede overkørsler. (Nicht mehr online verfügbar.) bane.dk, 28. Juni 2016, archiviert vom Original am 13. September 2016; abgruefen am 4. September 2016 (tänisch). Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Pressemitteilung vo dè ProRail vum 26. Juni 2015
- ↑ Järnvägsövergångar. Archiviert vom Original am 7. Juli 2009; abgruefen am 4. September 2016 (schwedisch).
- ↑ Lista med alla plankorsningar. Abgruefen am 4. September 2016 (schwedisch, Excel-Tabelle).
- ↑ Wig-Wags in Aktion.
![]() |
Dä Artikel basiert uff ere fräie Übersetzig vu dere Version vum Artikel „Bahnübergang“ vu de dütsche Wikipedia. E Liste vu de Autore un Versione isch do z finde. |