Westbound 'Empire Service' Train 235 at the grade crossing on Lincoln Ave in Colonie, NY
東風11型內燃機車牽引2223次列車通過沈吉鐵路口前站東側道口
平交道係鐵路與公路嘅水平交叉位，為咗令列車行經平交道嗰陣安全通過，嗰度通常都整咗啲交通控制設施 。
早期嘅平交道有人睇住，當火車就快通過嗰陣，會揮紅旗或者用紅燈示意所有車輛同埋行人停止，亦都會叫車輛同埋行人離開軌道。後嚟，引入咗手動或電子嘅欄杆嚟擋住條路。欄杆會阻住任何車輛同埋行人闖入路軌。而依家除咗車輛同埋行人流量大嘅平交道可能仍有人睇住，多數已經自動運作唔使有人睇住。
為咗防止車或人闖入路軌，有啲平交道會安裝偵測器，喺柵欄放低後仍然喺平交道裏便嘅人車發出聲響警告，重有緊急掣用嚟俾有車卡住喺平交道走唔到嗰陣警告列車減速停低。另外會有自動影相機或者閉路電視監察住平交道。
有一啲車站受制於地形或成本等嘅因素，唔可以喺月台或車站之間起跨線天橋或行人隧道，都會整平交道俾乘客行。
有時平交道會依照馬路嘅大小同埋線路嘅多少而作出變化。好似台灣曾經存在過最大嘅平交道為台北市向陽路平交道，馬路有上下八線車道、鐵路就有四線路軌，以四台捲線摩打同埋兩個開關控制兩邊柵欄，嗰段鐵路嘅行車密度去到每八至十分鐘一班車，係當時最繁忙嘅平交道。
（若提及完全沒有平交道嘅路線，均不含自始即以專用路權設計興建嘅高鐵（新幹線）、捷運（地鐵）等交通運具）
台鐵等傳統鐵路都設有平交道，台鐵喺2017年1月，有456個[1]，由於消除地面交通阻隔並減少闖入平交道而肇事嘅需求，並增加鐵路行車安全，1990年後新起或改善嘅路線一律用立體交叉。隨著鐵路立體化建設嘅發展，鐵路平交道已漸漸減少。台鐵第一條全線都冇平交道嘅係沙崙線。而台北都會區自從1980年代起歷經多年、多個階段逐步嘅鐵路改善工程，2008年9月21日起台北市全面地下化，三坑－浮洲36.7公里間已無平交道，中部豐原北＝大慶南間高架化路段已於2016年10月16日通車，自此三義＝新烏日42.7公里間，已全無平交道。
平交道亦有重新啟用嘅機會，包括2010年6月舊山線復駛所重新啟用嘅四個平交道，都位於三義－勝興間，以及因應高架化工程所需而臨時啟用嘅，包括2012年3月至2014年11月1日時嘅員林外環道路平交道，2014年3月台中市松竹路平交道及5月文心南路平交道（使用至2016年10月15日），2013年7月至2015年8月間啟用嘅屏東市同埋平路平交道，直到相關工程完工。深澳線復駛後，重新啟用了3處平交道。潮州基地啟用後增設了一處平交道。
闖越平交道係極危險嘅行為。1961年7月9日，11次對號特快在民雄車站南方撞上闖越平交道嘅嘉義客運北港開往嘉義班車，造成嘉義客運車上48人死亡，為台灣史上死者最多嘅平交道事故，2013年度平交道事故造成8人死亡，3人受傷。
台灣糖業鐵路在中南部各地嘅路口都有各種唔同嘅平交道，從只有在路口設置警告標誌到保安設施完整嘅種類都有。亦有如過去屏東市民同埋路上列車在馬路中間行駛嘅情形，在糖廠停產同埋放棄鐵路運輸後大多數已經廢除。
阿里山森林鐵路除咗路面寬廣嘅嘉義市忠孝路平交道同埋北門至竹崎區間嘅縣道159號設有捲線柵欄外，其餘嘅路口原本只有設置簡單嘅警鈴與警告標誌，但喺台鐵接手經營阿里山森林鐵路後，為原本沒有柵欄嘅平交道增設柵欄，並更換為台鐵樣式嘅警鈴及燈號。
而台灣高鐵在內部機廠、基地亦設有平交道，但唔對外開放。
高雄捷運環狀輕軌沿路多個交叉路口採用優先號誌，且列車車身唔長，故未設有遮斷器。
依家台鐵將平交道分為下列六種：
全部夾埋有456個。
設遮斷器同埋警報裝置，應該晝夜派看柵工駐守。
夾埋有9個。
設遮斷器同埋警報裝置，應該每日在規定時間內派看柵工駐守。
夾埋有2個。
簡稱三甲，設自動警報裝置同埋自動遮斷器，唔派看柵工駐守。係台灣平交道種類數量最多。
夾埋有395個。
簡稱半封，設置標準同第三種甲一樣，但係只留1.5米寬開口俾行人同單車過。
夾埋有28個。
簡稱手控，設遮斷器同埋警報裝置，係列車通過嗰陣用人手操作。
夾埋有14個。
專俾特定廠商、公司或行號使用之平交道，看柵工及設備由廠商自己搞掂。
夾埋有8個。
下列係台鐵為保障平交道安全所設嘅設施。
- 遮斷機：即「柵欄」，設於鐵路平交道兩側，用於阻斷公路上嘅行人及車輛進入平交道危險區內。
- 警報裝置：即一般在平交道所聽到嘅警報鈴聲，喺列車到達平交道前，有20秒以上嘅警告時間，用嚟提醒行人同埋車輛注意。
- 接近電鈴：看柵房裝有列車接近電鈴，當列車接近時鈴響，看柵工噤確認掣後，鈴唔會再響，而警示燈則繼續著直至列車過咗平交道為止。(第一種或第二種才有此設備)
- 電話設備：看柵房內裝有連絡電話或手提無線電。(第一種或第二種才有此設備)
- 限高架：鐵路平交道兩邊適當地方設置限高架，以防範太高嘅車衝撞平交道上方架設嘅電纜。
九廣鐵路英段電氣化前香港有五個平交道，佢地係：
- 大埔公路近獅子山隧道公路口之前
- 大埔公路近落路下
- 大埔公路近元洲仔
- 大埔公路近黃崗山
- 新豐路過咗龍琛路口
九廣鐵路英段電氣化之後，以上平交道都取消咗。而香港現存嘅重型鐵路平交道，都位於鐵路車廠或鐵路貨場內，公眾用唔到，所以可以話香港現時冇一個常用或者俾公眾使用嘅重型鐵路平交道運作。而輕鐵同埋電車就因為設計上同道路並列，係香港唯一較常接觸到嘅平交道位置／設施。
日本叫踏切（ふみきり）
日本全國各地於2014年約有33528個平交道。
東京山手線僅有一處平交道，叫做「第二中里踏切」，其餘皆已立體化。
JR所營運路線中，完全冇平交道嘅在來線路線係湖西線、海峽線、JR東西線、京葉線、武藏野線、大阪環狀線、根岸線、本四備讚線。
私鐵（新交通、地下鐵、JR區間除外）
仙台機場線、會津鬼怒川線、田園都市線、相模原線、多摩線、泉野線、筑波快線、機場線、城北線、港未來21線、公園都市線、機場線、大洗鹿島線。
主要嘅電氣化複綫鐵路幹線（如京廣線、京滬線及隴海線等）已經全部立體交叉。尚有部分單線非電氣化鐵路仍有平面道口嘅存在，例如湘桂線、寧蕪線同埋各貨運側線（例如平南鐵路在前海深港現代服務業合作區前灣一路嘅平交道）等。
美國鐵路嘅平交道數目約十幾萬個，隨處可見。
可簡略分為下列2種。
- 主動式鐵路平交道(Active Crossing)：所有因列車駛近而觸動相關設施，進而主動提供警告與交通控制設施嘅鐵路平交道。
- 被動式鐵路平交道(Passive Crossing)：所有鐵路平交道附近所提供嘅警告標誌與鋪面標線且並非由列車駛近而觸動嘅交通管制設施，主要嘅目的在於提供用路人有關鐵路平交道相關位置，並採取適當嘅動作以安全通過。
.JPG)
