Haifa

Haifa

Basisdate

hebräisch:

חיפה

arabisch:

حيفا

Staat:

Israel

Bezirk:

Haifa

Koordinate:

32° 49′ N, 34° 59′ OKoordinate: 32° 49′ 0″ N, 34° 59′ 0″ O

Flechi:

60 km²

Iiwohner:

285.316 (2020)

Bevölkerigsdichti:

4.755 Iiwohner pro km²

Art vo dr Gmeind:

Stadt

32 Ortsdeil

Haifa

Haifa (hebräisch חיפה Cheifa; arabisch حيفا‎, DMG Ḥayfā) het öbbe 267.000 (2006) Iiwohner un isch drum de drittgröschdi Ort z'Israel, noch Jerusalem un Tel Aviv. Selli Großschtadt an de Küschte vom Mittelmeer gits scho sit dr Antiki.

Geographie

Geographischi Lag

Haifa lit z'Nordisrael am nördliche Abhang vom Karmelgebirge am Mittelmeer. Am Nordrand vo dr Schtadt isch de gröschti Seehafe vo Israel.

Usdehnig vom Stadtgebiet

Will Haifa amene Berghang lit, het's e bsunderi schtädtischi Gliedrig. Di verschideni Schtadtdeil schtiige vom Meer us uffe bis uf öbbe 400 m ü. NN. Meh cha drbi drei Bebauigsgebiet unterscheide:

Am Meer in de Unterschtadt sin d' Induschtriegebiet mit ere Erdölraffinerie, eme Hafe, großi Durchgangsschtroße un de Isebahn. De gröschti Deil vo de arabischi Bvölkerig vo Haifa wohnt in sellem Deil wo haIr hatachtit (die unteri Stadt) heisst.
Uff de halbe Höchi (80-120 Meter überem Meer) in de mittlere Schtadt sin di meischte Gschäft un d' Verwaltig. Selle Schtadtdeil isch um 1920 entschtande un heisst Hadar haKarmel.
Im oberschte Deil vo Haifa uf em HarHaCarmel (Karmelbärg) gits exquisiti Hotel un Reschtaurant un di dürschte Wohngegende vo Haifa. Am südliche Usgang vo de Schtadt un an de höchschte Stell lit uff über 400 Meter d' Universidät vo Haifa mit eme markante Hochhusdurm.

Die verschiidene Ebene vo Haifa werde vo de einzige U-Bahn vo Israel, de Karmelit, verbunde.