Poesía
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre a forma literatia dita poesía. Ta atros usos se veiga poesía.
A poesía (d'o griego ποίησις 'creación'; ποιέω 'creyar) ye, en literatura, l'arte d'exprisar o contenito espritual propio, a traviés de parolas disposatas seguntes una metrica. A poesía popular ye a poesía creyata por un pueblo ta exprisar a suya identidat, con unas vivencias elementals, y permanents, en as que se reconoixe como tal pueblo.
Tamién se diz poesía a una obra en verso. I podemos distingir as obras escritas en verso; y o conchunto d'obras poeticas d'un poeta, u de diferents poetas, producidas en una epoca, una luenga determinata, un chenero, ecetra.
Tradicionalment, se distinguen tres cheneros poeticos: o epico, o lirico y o dramatico.
Sin d'especificar a tematica, a poesía moderna se define por a suya capacidat de sintesi y d'asociación. A suya prencipal ferramienta ye a metafora, ye decir, a expresión que contiene implicita una contimparación entre termins que naturalment se suchieren uns a un atros, u entre os que o poeta troba sutils afinidaz. Bels autors modernos han esferenciato metaforas d'imachens, parolas que a retorica tradicional emparenta. Ta istos autors, a imachen ye a construcción d'una nueva realidat semantica a traviés de significatos que en conchunto suchieren un sentito univoco y allora diferent y estranyo.
O Día Internacional d'a Poesía ye o 21 de marzo.
Poesía en aragonés[editar | modificar o codigo]
Bi ha diferents escritors que han feito poesía en aragonés, entre os que se pueden destacar por eixemplo Ana Abarca de Bolea, Ánchel Conte, Cleto Torrodellas Chusé Inazio Nabarro u Quino Villa. Un d'os premios de poesía mas destacatos en aragonés ye o "Premio de Poesía Ana Abarca de Bolea".
Un chicot eixemplo d'una conoixita poesía en aragonés, "Mai" d'Ánchel Conte:
as trayo buedas,
lasas d'amar...
Son dos alas
d'un biello pardal
que no puede
sisquiera bolar
Bibliografía[editar | modificar o codigo]
- Cohen, Jean. Estructura del Lenguaje Poético. Editorial Gredos, Madrit, 1984. ISBN 84-249-0395-X.
- Paz, Octavio. El arco y la lira.
- Gentili, Bruno. Poesía y público en la Grecia antigua. Quaderns Crema, Barcelona, 1996. ISBN 84-7769-070-7.
