Pléyades (astronomía)

Imaxe compuesta en color de les Pléyades (Digitized Sky Survey)

Les Pléyades o Siete Hermanes (tamién nomaes Messier oxetu 45 o M45) ye un cúmulu abiertu d'estrelles formáu por alredor de mil estrelles calientes del tipu B asitiaes na constelación de Tauru, a unos 400 años-lluz del nuesu planeta. Ye ún de los cúmulos más averaos a la Tierra, y el más visible a simple vista nuna nueche estrellada. El so nome vién-y de la mitoloxía griega.

El cúmulu ta domináu por estrelles azules calientes y enforma lluminoses que tienen formáose nos caberos 100 millones d'años. El polvu estelar que forma una nebulosa alredor de les estrelles más brillantes pensábase que se formara cuando'l cúmulu (d'ehí l'otru nome del grupu, conocíu como nebulosa de la estrella Maia), pero agora persábese que ye polvu ensin rellación con elles y que yá taba nel llugar del espaciu interestelar que ta percorriendo'l cúmulu agora. Les simulaciones por ordenador permiten aldovinar que les estrelles debieron de formase a partir d'una configuración compacta, como la nebulosa d'Orión. Los astrónomos predicen tamién que'l cúmulu ha sobrevivir unos 250 millones d'años más, y que dempués dispersarase por culpa les interacciones gravitacionales colos astros de la so rodiada.