داروو
![](https://upload.wikimedia.org/wikipedia/commons/thumb/b/bf/Aspirine_macro_shot.jpg/220px-Aspirine_macro_shot.jpg)
داروو یان دەوا (بە ئینگلیزی:Drug) لە زانستی پزیشکییدا بە هەر جۆرە شتێک کە بۆ چاککردنەوە و یان کەم کردنەوەی ئێش و نیشانەی نەخۆشی و هەر وەها بۆ دۆزینەوەی جۆری نەخۆشیی و پێشگرتن لە نەخۆشیی بە کار دەهێنرێت، پێی ئەڵێن داروو.
هەر وەها داروو بۆ مەبەستی غەیری پزیشکیش کەڵکی لێ وەردەگیریێت. بەم شێوه داروو بە دو بەشی پزیشکیی و غەیری پزیشکیی دابەش دەکرێت.
داروو بە گۆرانی پڕۆسەی نەخۆشیی لە ناو یا دەرەوی خانەکان لە بەشە جۆراوجۆرەکانی لەش، دەبێتە هۆی باشتر بوون و یا خود خراوتربوونی سەلامەتی مڕۆڤ. لەم پڕۆسەدا داروو دەبێ بە شێوازی درووست و بە ئەندازە بۆ نەخۆش پێک بێت.
ئەو جورە دارووانەی وا ژەهراوین و دەبنە هۆی نەخوشی و مەرگ، خانەکانی لەش لەناو دەبەن.
داروو دەتوانێت لە گژوگیا یان لە ئاژەڵ (گیانەوەرکان) بەرهەم بێ. بەڵام دارووە کیمیایییەکان لە تاقیگەکان و بە دەستی پزیشکەکان یان پسپۆڕانی سازکردنی داروو، دەدۆزرێتەوە و دروست دەبێ و، دوای تاقیکرندەوە لە لایەن دەزگا فەرمییەکانەوە قبووڵ دەکرێت و دواتر لە کارخانەکانی داروو بەرھەم دەھێنرێت و پاشان لە نێوان دەرمانخانەکاندا بڵاو دەکرێتەوە.
شێوازی بەرخۆری
[دەستکاری]داروو بە شێوەی خواردن (حەب و شەربەت) یان شێوازی (پوماد و دڵۆپ) یان بە شێوازی (هەناسە و شیاف) و یان بە شێوازی کوتان(دەرزی) کەڵکی لێ وەر دەگیرێت. ئەو جۆرە دارووانەی وا دەبنە هۆی ئاڵوودەبوون پێیان دەڵێن هۆشبەر یان سەکرئاوەر یان موخەدر و ئیستفادە کردنی ئەو جورە دارووانە دەبێتە هۆی نەخوشی و ناتەواویی لەش و گیان. دارووە پزیشکییەکان دەبێ بە دەستی پزیشکەکان بۆ نەخۆشەکان بنووسرێت و نابێ بەبێ پرس بەکار بھێندرێن.
سەرچاوەکان
[دەستکاری]- دەروازەی پزیشکی
- دەروازەی کیمیا
- دەروازەی یاسا
- دەروازەی ژیاننامە
- دەروازەی ویلایەتە یەکگرتووەکانی ئەمریکا
- دەروازەی کۆمەڵگا
![]() |
کۆمنزی ویکیمیدیا، میدیای پەیوەندیدار بە داروو تێدایە. |