Dragoi Bola
Dragoi Bola | ||
---|---|---|
Jatorrizko izena | ドラゴンボール (Doragon Bōru) Dragoi Bola | |
Egilea | Akira Toriyama | |
Generoa | Abentura, Akzioa, Arte martzialak, Drama, Fantasia, Komedia, shōnen | |
Argitaletxea | Txantiloi:JPN Shueisha Txantiloi:ES-CT Planeta deAgostini Txantiloi:FRA Glénat | |
Aldizkaria | Shonen Jump | |
Noiz hasi zen | 1984 | |
Noiz bukatu | 1995 | |
Liburukiak | 42 (berez) / 34 (azken edizioa) |
Orri honetako testu zati batzuk japoniar idazkerarekin idatzita daude. Euskarri eleaniztun egokirik gabe, galdera ikurrak ikusiko dituzu kanji edo kana karaktereen ordez. |
Hemengo testu batzuk txineraz daude. Euskarri eleaniztun egokirik gabe, galdera ikurrak ikusiko dituzu txinera ikurren ordez. |
Dragoi Bola (jatorrizko japonieraz ドラゴンボール edo Doragon Bōru, ingelesez Dragon Ball) Akira Toriyamak idatzi eta marrazturiko manga (komiki japoniarra) da. 1984tik 1995era Weekly Shonen Jump aldizkarian argitaratua izan zen, ia aldi berean 42 liburukitako argitalpen batean bildu zelarik (Tankōbon). 2004. utean Kanzenban izeneko argitalpen berezi bat egin zen, istorio guztia 34 liburukitan argitaratuz, eta istoriaren amaiera apur bat aldatuz.
Hasiera baten manga hau atalka argitaratu zen 10 urtez Shueisha argitaletxeko Weekly Shonen Jump astekarian. Manga hau 519 atalez osatuta dago eta shōnen kategoria pean sailkatzen da. Lehen atala aldizkariaren 1984ko 51. zenbakian argitaratu zen, eta azkena 1995eko 17. zenbakian. Behin astekarian atal kopuru bat argitaratu zela liburukitan batzen ziren, Tankōbon formatuko liburukitan.
Argumentua
Dragoi Bolak Son Goku izeneko tximino isatsa duen mutil baten abenturak kontatzen ditu. Arte martzialen munduan girotuta dago eta 7 Dragoi Bolen bilaketan oinarritzen da. Kondairak dioenez, Shenron dragoiak 7 Dragoi Bolak biltzen dituenaren edozein gurari betearaziko du.
Istorioa Son Goku eta Bulma elkar ezagutzen direnean hasten da. Izan ere Son Goku bere aitonak emandako 4 izarreko Dragoi Bolaren jabe da, eta Bulma 7 bolen bila dabil. Dragoi Bolak biltzeko Bulmak berak (16 urte dituen neska gazte adimentsua) asmatutako Dragoi Radarra erabiltzen dute. Son Gokuk lagun ugari egiten ditu abentura hauetan, besteak beste: Bulma, Iratxo Dortoka, Oolong, Yamcha, Puar, Krilin... Hala ere bizitzan zehar ere gero eta indartsuagoak izango diren arerioak garaitu beharko ditu: Zapi Gorridun Armada, Satan Bihotz Txiki, Vegeta, Freezer, Cell, Boo Ahaltsua,...
Bilakaera
Dragoi Bolak, argitalpenak iraun zituen ia 11 urteetan zehar, bilakaera nabarmena jasan zuen istorioaren estiloan.
Mangaren lehen liburukietan (lehen 134 kapituluak) umorea eta fantasia dira nagusi, Dr. Slump-en (egilearen aurreko lana) bezala, Euskal Herrian Arale bezala ezaguna. Honen adibide dira animalia hiztunak, Kinton lainoa, Makila Miragarria, Dragoi Bolak edo Son Goku bera, tximu-mutiltxoa. Fantasia mundu honetan zientzia-fikziozko elementu batzuk ere sartzen dira, izan ere gizarte honetan teknologia oso aurreratua erabiltzen da, besteak beste, Hoi-Poi kapsulak edo espazio-ontzi aurreratuak.
Istorioaren estiloak aldaketa esanguratsua jasan zuen Krilin, Son Gokuren lagunik onena, hiltzen dutenean (heriotza segida luze baten lehena izan zen). Hau Satan Bihotz Txikiren agerraldiarekin bat dator (135. ataletik 194.era). Tarte honetan Dragoi Bolak kutsu ilunagoa hartzen du, hasierako umorea eta fantasia pixka bat alde batera utziz.
Dragoi Bola guztiz eraldatzen da akzio motako shonen manga batera, Son Gokuren lehen semearen agerraldiarekin eta Saiyen etorrerarekin (195. ataletik 420.era). Hemendik aurrera zientzia-fikzioak indar handiagoa hartzen du eta seriotasuna nagusitzen da. Lehen jatorri fantastikoak zuten pertsonai ugarik estralurtarrak bihurtzen dira, Son Goku eta Santan Bihotz Txiki adibidez. Hemendik aurrera espazio bidaiak, estralurtarrak eta androide dira protagonistak. Zati honetan behin eta berriz arerio gero eta askoz indartsuagoak agertzen dira: Vegeta, Freezer, 17 eta 18 androideak eta Cell. Istorioa errepikakorra bihurtzen da, entrenamendu azkar baten ostean arerio berriak garaitzean oinarritzen da.
Azken zatian (421. ataletik 519.era) fantasia eta umorea itzultzen dira Boo Ahaltsuarekin, magiaz sortutako izakia. Hala ere aurreko zatiko errepikakortasunak jarraitu egiten du.
"Mendebaldera Bidaia" istorioarekin erlazioa
Mendebaldera Bidaia (txinera tradizionalean
- Jatorrizko istorioko Sun Wukong, Dragoi Bolan Son Goku da.
- Jatorrizko istorioko Xuanzang, Dragoi Bolan Bulma da.
- Jatorrizko istorioko Zhu Wuneng, Dragoi Bolan Oolong da.
- Jatorrizko istorioko Sha Wujing, Dragoi Bolan Yamcha da.
- Jatorrizko istorioko Niu Mo Wang, Dragoi Bolan Idi Deabru da.
Jatorrizko istorioko ideia batzuk ere bere baliokideak dituzte:
- Jatorrizko isotiroan, Xuanzang apaizak eta bere lagunek elezaharretako idatzi budisten bila diardute. Dragoi Bolan Bulma eta bere lagunek kondairetako Dragoi Bolen bila ari dira.
- Son Gokuren Makila Miragarriak, Sun Wukong pertsonaiaren makulu magikoan du jatorria, bere luzeera nolanahi alda daiteke.
- Bi protagonistek hodei hegalariak gidatzen dituzte.
- Palmorrizko abanikua eta suzko mendiaren pasartea bi istorioetan gertatzen da.
Tankōbon argitalpena
Aurrez Weekly Shonen Jump aldizkarian argitaratutako atalak batzen dituen liburukiak dira hauek. 42 liburukitan banatzen da Dragoi Bolaren edizio hau. Egileak marrazki bat egin zuen liburuki bakoitzaren azalean jartzeko. Liburukiok 180 orrialde inguru dituzte, azken biak izan ezik 200 orrialdetik gora dituztelarik. Lehen liburukia 1985eko irailean argitaratu zen, eta azkena 10 urte beranduago, 1995eko abuztuan.
Liburukien argitalpen taula
Ondoren liburukien informazioa [1]:
Zenb. | Izenburua japonieraz | Izenburua itzulita | Argitalpen data (Japonian) |
Atalak |
---|---|---|---|---|
1 | Son Gokuu to Nakamatachi |
Son Goku eta lagunak | 1985/09/15 | 1 - 11 |
2 | ドラゴンボール Doragon Booru Kiki Ippatsu |
Dragoi Bolak kinka larrian | 1986/01/15 | 12 - 24 |
3 | Tenkaichi Budoukai Hajimaru!! |
Arte Martzialen Mundu Txapelketa hastera doa!! | 1986/06/15 | 25 - 36 |
4 | Daikesshousen |
Final handia | 1986/10/14 | 37 - 48 |
5 | マッスルタワーの Massuru Tawaa no Kyoufu |
Altzairuzko dorre izugarria | 1987/01/14 | 49 - 60 |
6 | ブルマの Buruma no Daishippai!! |
Bulmaren oker handia!! | 1987/03/15 | 61 - 72 |
7 | Tsuiseki!! Buruu Shougun |
Jazarpena!! Blue Jenerala | 1987/05/13 | 73 - 84 |
8 | Son Gokuu Totsugeki |
Son Gokuren erasoa | 1987/07/15 | 85 - 96 |
9 | こまったときの Komatta Toki no Uranai Baba |
Kezkatuta zaudenean, jo Baba igarlearengana | 1987/09/15 | 97 - 108 |
10 | Dainijuunikai Tenkaichi Budoukai |
Arte Martzialen 22. Mundu Txapelketa | 1987/11/15 | 109 - 120 |
11 | Tenkaichi no Suupaa Batoru!! |
Munduko super borroka handiena!! | 1988/02/15 | 121 - 132 |
12 | ピッコロ Pikkoro Daimaou no Kyoufu! |
Satan Bihotz Txiki beldurgarria! | 1988/04/15 | 133 - 144 |
13 | Son Gokuu no Gyakushuu!? |
Son Gokuren kontraerasoa!? | 1988/06/15 | 145 - 156 |
14 | さらなる Sara Naru Hiyaku |
Akzio gehiago | 1988/08/25 | 157 - 168 |
15 | Gunyuu Kakkyo! |
Lehiakideek berdin jarritzen dute | 1988/12/11 | 169 - 180 |
16 | Ryuuko Aiutsu! |
Dragoia eta tigrea elkarri erasoka! | 1989/02/15 | 181 - 192 |
17 | かつてない Katsute Nai Kyoufu |
Aurrez ikusi gabeko ikara | 1989/05/15 | 193 - 204 |
18 | Son Gohan to Pikkoro Daimaou |
Son Gohan eta Santan Bihotz Txiki | 1989/07/15 | 205 - 216 |
19 | いそげ! Isoge! Son Gokuu |
Azkar! Son Goku | 1989/11/15 | 217 - 228 |
20 | Tenkawakeme no Choukessen!! |
Zorigaiztoko super borroka erabakigarria | 1990/01/15 | 229 - 240 |
21 | めざせ!ナメックの Mezase! Namekku no Hoshi |
Jo ta su! Namek Planeta | 1990/04/15 | 241 - 252 |
22 | ナメック Namekkuseijin no Teikou |
Namektarren erresistentzia | 1990/07/15 | 253 - 264 |
23 | Kyoufu no Ginyuu Tokusentai |
Ginew Indar Berezi izugarria | 1990/10/15 | 265 - 276 |
24 | Gokuu ka!? Ginyuu ka!? |
Goku edo Ginew!? | 1991/01/15 | 277 - 288 |
25 | フリーザ Furiiza Chouhenshin!! |
Freezerren super eraldaketa!! | 1991/03/15 | 289 - 300 |
26 | Son Gokuu... Fukkatsu!! |
Son Goku... Berpizturik!! | 1991/06/15 | 301 - 313 |
27 | Densetsu no Suupaa Saiyajin |
Kondairazko Super Saiya | 1991/08/12 | 314 - 325 |
28 | Mirai kara Kita Shounen |
Etorkizuneko mutila | 1991/11/15 | 326 - 337 |
29 | Gokuu, Yabureru! |
Goku garaitua! | 1992/03/15 | 338 - 349 |
30 | Jaaku na Yokan |
Deabruzko bihozkada | 1992/06/15 | 350 - 361 |
31 | Shinobiyoru Seru |
Cell isilpean hurbiltzen | 1992/08/09 | 362 - 373 |
32 | セルの Seru no Kanzentai Kansei!! |
Cellek forma perfektua lortzen du!! | 1992/10/07 | 374 - 385 |
33 | セルゲーム Seru Geemu Hajimaru |
Cellen Jokoaren hasiera | 1992/12/31 | 386 - 396 |
34 | Gokuu o Koeta Senshi |
Goku gainditzen duen gerlaria | 1993/06/09 | 397 - 408 |
35 | さようなら Sayounara Senshitachi |
Agur gerlariak | 1993/09/08 | 409 - 420 |
36 | ニューヒーロー Nyuu Hiirou Tanjou!! |
Heroi berriaren jaiotza!! | 1993/11/09 | 421 - 432 |
37 | Ugoki Hajimeta Sakusen |
Plana hasten ari da | 1994/04/09 | 433 - 445 |
38 | Shukumei no Taiketsu Son Gokuu Tai Bejiita |
Halabeharrezko borroka: Goku vs Vegeta | 1994/08/09 | 446 - 459 |
39 | さらば Saraba Hokori Takaki Senshi |
Agur, harrotasunez betetako gerlari | 1994/12/07 | 460 - 472 |
40 | Chikyuugun, Saigo no Himitsu Heiki!! |
Lurreko armadaren ezkutuko azken arma!! | 1995/03/08 | 473 - 485 |
41 | がんばれ Ganbare Suupaa Gotenkusukun |
Eman daukazun onena, Super Gotrunks | 1995/06/07 | 486 - 502 |
42 | バイバイ ドラゴンワールド Baibai Doragon Waarudo |
Agur Dragoi Mundua | 1995/08/09 | 503 - 519 |
Kanzenban argitalpena
2002. urtean Japonian Dragoi Bola mangaren argitalpen berezi bat egin zen. Argitalpen honek tamaina handiagoko liburukiak ditu, baita orrialde gehiagokoak ere (horregatik 34 liburukitan banatzen da). Gainera jatorriz koloretan marraztutako orriak ere dakartza, txuri beltzean beharrean. Honetaz aparte liburukien azaletan Akira Toriyamak eginiko marrazki berriak dakartza, baita egileak asmaturiko beste amaiera bat. Hau gutxi balitz, japoniar edizioan, beste mangaka batzuen ilustrazioak dakartza, Dragoi Bolaren munduko beraien ikuspegia erakutsiz (irudi hauek liburukiekin opari bezala ematen ziren, baina ez ziren bildumaren barruan sartzen). Gainera ondoren beste berezitasunak ere ditu:
- Logotipo ezberdina erabiltzen da, letra mota ezberdinarekin eta Dragonball hitz bakar bat bezala agertuz.
- Amaiera pixka bat aldatu egin zen, istorioko azken orrialdeetan.
- 6. kapituluko portadatxoa berriz marraztu zen. Jatorriz Bulma zigarro bat erretzen agertzen zen, marrazki berrian aldiz ez.
- Kronologia akats posible bat dela eta, 389. kapituluan Cellen jokoaren hasiera data aldatzen da, "M"aren 17a jatorrizkoa zena maiatzaren 26a datagatik aldatu zen.
Liburukien argitalpen taula
Ondoren liburukien informazioa [2]:
Zenbakia | Argitalpen data (Japonian) | Atalak |
1 | 2002/12/04 | 1 - 14 |
2 | 2002/12/04 | 15 - 29 |
3 | 2002/12/28 | 30 - 44 |
4 | 2002/12/28 | 45 - 59 |
5 | 2003/02/04 | 60 - 74 |
6 | 2003/02/04 | 75 - 89 |
7 | 2003/03/04 | 90 - 104 |
8 | 2003/03/04 | 105 - 119 |
9 | 2003/04/04 | 120 - 134 |
10 | 2003/04/04 | 135 - 149 |
11 | 2003/05/01 | 150 - 164 |
12 | 2003/05/01 | 165 - 179 |
13 | 2003/06/04 | 180 - 194 |
14 | 2003/06/04 | 195 - 209 |
15 | 2003/07/04 | 210 - 224 |
16 | 2003/07/04 | 225 - 239 |
17 | 2003/08/04 | 240 - 254 |
18 | 2003/08/04 | 255 - 269 |
19 | 2003/09/04 | 270 - 284 |
20 | 2003/09/04 | 285 - 299 |
21 | 2003/10/03 | 300 - 314 |
22 | 2003/10/03 | 315 - 329 |
23 | 2003/11/04 | 330 - 344 |
24 | 2003/11/04 | 345 - 359 |
25 | 2003/12/04 | 360 - 374 |
26 | 2003/12/04 | 375 - 390 |
27 | 2004/01/05 | 391 - 405 |
28 | 2004/01/05 | 406 - 420 |
29 | 2004/02/04 | 421 - 436 |
30 | 2004/02/04 | 437 - 452 |
31 | 2004/03/04 | 453 - 469 |
32 | 2004/03/04 | 470 - 486 |
33 | 2004/04/02 | 487 - 503 |
34 | 2004/04/02 | 504 - 519 |
Animearekin erlazioa
Dragoi Bola eta Dragoi Bola Z animeak Dragoi Bola izeneko manga honetan oinarrituta dago. Dragoi Bolak Son Gokuren bizitza erakusten du hau heldua bihurtzen den arte. Dragoi Bola Z, aldiz, Dragoi Bola bukatzean 5 urte geroagoko istorioa da, Son Gohanen agerpenarekin, Son Gokuren semea. Dragoi Bola Zren amaiera mangarenarekin bat dator. Dragoi Bola GT Dragoi Bola Zren ondorioa da, zati hau ez da mangan agertzen. 2009an Dragoi Bola Z digitalki zahar berritu zuten, sarrera eta amiera aldatu eta Dragoi Bola Z Kai izeneko telesaila atera zuten.
Dragoi Bola (animea)
Dragoi Bola Z
Dragoi Bola GT
Dragoi Bola Z Kai
Irudi errealeko filmak
- 1989. urtean Txinan "Dragoi Bola berria: Shenronen kondaira" (jatorrizko txineran
新 七 龍 珠 神 龍 的 傳說 edo pinyinez Xīn qī lóng zhū Shén lóng de chuán shuō) izeneko irudi errealeko film ez ofiziala egin zen. Film hau animearen "Dragoiaren kondaira" filmaren remake bat da. Pertsonaiak berdinak dira, nahiz eta izen ezberdinak eduki. - 20th Century Fox-ek Dragoi Bolan oinarritutako film bat ekoiztuko zuen Montrealen (Kanada). 100 milioi dolar amerikar baino gehiagoko aurrekontua dauka eta filmaketa 2007an amaitu zen. Filmak ez zuen nahiko famarik izan gidoia asko aldatu baitzuten originalaren koparazioan eta pertsonaiak eta efektu bereziak ere oso aldatuta baitzeuden eta seguruenik ez dute bigarren filmik egingo filmak ez baitzuen behar beste diru lortu.
- Aktore banaketa: [3]
- Justin Chatwin: Son Goku.
- James Marsters: Satan Txiki.
- Jamie Chung: Chichi.
- Aktore banaketa: [3]
Produktuak
Aldizkari baterako komiki bat bezala hasi zenak urtetan zehar, manga liburukiak eta anime DVDetaz aparte, mota askotako produktuak kaleratu ditu: istorioari buruzko gidak, kromo eta txartel bildumak, irudiak, egutegiak,...
Dragoi Bola manga Euskal Herrian
Oraingoz Dragoi Bola manga ez da euskaraz argitaratu, bai ordea gaztelaniaz, katalanez eta frantsesez.
Espainian Planeta deAgostini argitaletxeak atera zuen, bai gaztelaniaz eta bai katalanez. Hainbat argitalpen egin ziren, komiki formatuan eta liburuki formatuan. Komiki formatukoa 211 zenbakiz osatuta zegoen, eta bi zatitan banatzen zen, 153 zenbakirekin lehen zatia eta 58 bigarrena. Komikiok Serie Blanca eta Serie Roja zuten izena eta bi edizio izan zituzten. Geroago komiki berdin hauek beste bi aldiz argitaratu ziren Serie Amarilla eta Serie Azul izenekin. Liburuki argitalpenak Tankōbon eta Kanzenban antzekoak izan ziren. Lehenak ere Serie Blanca eta Serie Amarilla edizioak izan zituen, bigarrenari Ultimate edition izena eman ziotelarik.
Frantzian Glénat argitaletxeak editatu zuen 42 liburukiko formatuan.
Hala ere Dragoi Bolak euskal belaunaldi oso bati eragin dio, 80. hamarkadakoa eta 90.hamarkada hasierakoa, haurtzaroko gertakizunik garrantzitsuenetakoa bihurtuz. Telesail honek transmititzen dituen esfortzu eta elkartasun balioek, euskal gazteriarengan eragin handia izan dutela esaten duenik ere badago.
Ikus, gainera
- Dragoi Bola (animea)
- Dragoi Bola Z
- Dragoi Bola GT
- Dragoi Bolako pertsonaiak
- Dragoi Bolako objektuak
- Dragoi Bolaren produktuak
- Akira Toriyama
Erreferentziak
Kanpo loturak
Wikimedia Commonsen badira fitxategi gehiago, gai hau dutenak: Dragoi Bola |
- (Japonieraz) Shueisha argitaletxearen webgune ofiziala
- (Japonieraz) Weekly Shonen Jump aldizkariaren webgune ofiziala
- (Gaztelaniaz) Mundo Dragon Ball
- (Gaztelaniaz) LBM Dragon Ball
- (Ingelesez) Kanzentai
- (Ingelesez) (Italieraz) Dragon Ball Arena
- Dragoi Bola Komikia euskaraz