Piongiang

Piongiang; 평양직할시
	hiria
	Irudi gehiago
Administrazioa
Estatu burujabe	Ipar Korea
Izen ofiziala	평양직할시; 평양시; 平壤ぴょんやん直轄ちょっかつ市し
Jatorrizko izena	평양직할시
Geografia
Koordenatuak	39°01′00″N 125°44′51″E / 39.0167°N 125.7475°E
Azalera	3.194 km²
Altuera	38 m
Mugakideak	Ipar Hwanghae eta Hego Pyongan
Demografia
Biztanleria	2.863.000 (2015); −1.275.187 (2010)
Dentsitatea	896 bizt/km²
Informazio gehigarria
Ordu eremua	UTC+09:00, UTC+08:30 eta UTC+09:00
Hiri senidetuak	Jakarta, Katmandu, Tianjin, Bagdad, Mosku, Txiang Mai, Dubai eta Aljer

Piongiang^[1]^[2] (koreeraz: 평양, pʰjɔŋjaŋ ahoskatua) Ipar Koreako hiriburua da: herrialdearen hego-mendebaldean dago, Taedong ibaiaren ertzean. 3.255.388 biztanle zituen 2008an. Hiria Zuzenki Gobernatutako Hiria (Chikhalsi) bezala administratuta dago, gobernu probintzial baten maila berean.

Klima

Datu klimatikoak (Piongiang)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	-0.8	2.4	8.9	17.1	22.6	26.7	28.6	28.9	24.7	18.2	9.4	1.7	15.7
Batez besteko tenperatura minimoa (°C)	-10.7	-7.8	-1.8	4.9	10.9	16.5	20.7	20.5	14.3	6.7	-0.3	-7.2	5.6
Pilatutako prezipitazioa (mm)	12.2	11.0	24.7	49.9	72.2	90.3	275.2	212.8	100.2	39.9	34.9	16.5	939.8
Prezipitazio egunak (≥ 1 mm)	5.2	4.2	5.1	6.7	8.1	8.7	14.4	11.0	7.2	6.1	7.3	5.9	89.9
Iturria: World Weather Information Service^[3]

Historia

Koreako hiri zaharrena da. Elezaharren arabera, K. a. 1122. urtean eraiki zuten. Hiriari buruzko lehen berri historikoa K. a. 108koa da. Historian zehar, Piongiang dinastia eta erresuma batzuen hiriburua edo bigarren hiria izan da, eta inbasio asko jasan ditu: txinatarrena (668), japoniarrena (1592) eta mantxuena (XVII. mendea). Txinatarren eta japoniarren arteko gerran (1894-1895) hiria desegin zuten eta gerraren ondoko izurriteak ia biztanlerik gabe utzi zuen. Japoniarrek Koreako penintsula beretu zuten denboran (1910-1945) industriagunetzat hartu zuten.

Hiria ia guztiz suntsiturik geratu zen Koreako Gerran (1950-1953) eta harrezkero hutsetik eraiki behar izan zuten; zenbait tenplu eta eraikuntza jatorrizko estiloan egin zituzten. Beste askotan estilo estatal sobietarra nabari da, Sobietar Batasunaren laguntza ezinbestekoa izan baitzen berreraikuntzan.

Koreako Gerra amaitzean, hiriburu probisional gisa hasi zen funtzionatzen, Ipar Korean ere, hasiera batean behintzat, Seul hartzen baitzen herrialde osoaren hiriburutzat,

Ekonomia

Jarduera ekonomiko nagusiak oihalgintza eta elikadura industria dira. Azukre findegiak, kautxu fabrikak, zeramika lantegiak-eta beste zenbait ekoizten dira, energia hidroelektrikoa eta termikoa bezala.

Hiritik hurbil, ikatz hobiak, siderurgia, zementuak eta kimika industriak daude. Ipar Koreako bidegurutze nagusia da. Unibertsitatea eta medikuntza eskola dauzka eta Ipar Koreako liburutegi eta museo nagusiak bertan daude.

Banaketa administratiboa

Piongiang 19 barruti ("kuyŏk" edo "guyŏk") eta 4 konderritan ("kun" edo "gun") banaturik dago^[4]:

Chung-guyŏk (중구역; 中ちゅう區域くいき)
P'yŏngch'ŏn-guyŏk (평천구역; 平川ひらかわ區域くいき)
Pot'onggang-guyŏk (보통강구역; 普通ふつう江こう區域くいき)
Moranbong-guyŏk (모란봉구역; 牡丹ぼたん峰ほう區域くいき)
Sŏsŏng-guyŏk (서성구역; 西城さいじょう區域くいき)
Sŏn'gyo-guyŏk (선교구역; 船橋ふなばし區域くいき)
Tongdaewŏn-guyŏk (동대원구역; 東大とうだい院いん區域くいき)
Taedonggang-guyŏk (대동강구역; 大同だいどう江こう區域くいき)
Sadong-guyŏk (사동구역; 寺洞てらぼら區域くいき)
Taesŏng-guyŏk (대성구역; 大城おおしろ區域くいき)
Man'gyŏngdae-guyŏk (만경대구역; 萬まん景けい台だい區域くいき)
Hyŏngjesan-guyŏk (형제산구역; 兄弟きょうだい山やま區域くいき)
Ryongsŏng-guyŏk (룡성구역; 龍りゅう城じょう區域くいき)
Samsŏk-guyŏk (삼석구역; 三さん石せき區域くいき)
Sŭngho-guyŏk (승호구역; 勝かつ湖こ區域くいき)
Ryŏkp'o-guyŏk (력포구역; 力ちから浦うら區域くいき)
Rakrang-guyŏk (락랑구역; 樂らく浪なみ區域くいき)
Sunan-guyŏk (순안구역; 順安じゅんあん區域くいき)
Ŭnjŏng-guyŏk (은정구역; 恩情おんじょう區域くいき)
Kangnam-gun (강남군; 江南えな郡ぐん)
Chunghwa-gun (중화군; 中和ちゅうわ郡ぐん)
Sangwŏn-gun (상원군; 祥さち原はら郡ぐん)
Kangdong-gun (강동군; 江東こうとう郡ぐん)

Ikustekoak

21. mendean, itxialdi garai batzuen ondoren, Ipar Koreako hiriburua bisitatzea errazagoa da. Gida batekin lagunduta bakarrik ibil daiteke bisitaria, eta Ipar Koreako erregimenarekin lotutako ikuskariak dira ohiko bisita-lekuak, hala nola Juche Dorrea etxeorratza, Mansudade monumentua (1982koa) Kim Il Sung-en estatua erraldoiarekin, edo Kumsusan deritzon, Kim Il Sung-en mauseloa. Museo ezagunenak ere izaera estatala du, Askapen Gerraren Garaipeneko Museoa deritzo^[5]. Beste puntu ospetsu batzuk dira Garaipenaren Arkua (Pariskoa baino handiagoa), Langileen Alderdiaren Monumentua, edo Rungrado estadioa, 150.000 lagun har ditzakeena ikusle gisa.

Gastronomia

Hiriko platerik ezagunena Pyongyang naengmyeon da (mul naengmyeon edo naengmyeon izenak ere ditu). Naengmyeonek euskaraz "fideo hotzak" esan nahi, mulek, berriz, "ura", fideoak zopa hotz batean ematen direlako.

Iruditegia

Hiriaren ikuspegi panoramikoa.

Piongiangeko geltokia, 1920
Udaletxea, 1920 inguruan.
Garaipenaren arkua.
Korearen Batasunaren arkua (helburu politikoa).
Rungrado estadioa kanpotik.
Kumsusan jauregian Kim Il Sung-en mausoeloa dago.
Ryugyong hotela.
Langileen Alderdiaren Monumentua.

Herri eta hiri senidetuak

Argazki galeria

Piongiangko Garaikur Arkua
Birbateratzearen Arkua
Dongmyeong erregearen hilobia
Kumsusan jauregia

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Euskaltzaindia. (2012-06-29). 171. araua: Asiako toponimia. (Noiz kontsultatua: 2013-02-12).
↑ Euskaltzaindia. (2007-03-30). 38. araua: Munduko estatu-izenak, herritarren izenak, hizkuntza ofizialak eta hiriburuak. (Noiz kontsultatua: 2013-02-12).
↑ World Weather Information Service - Pyongyang. .
↑ 행정구역현황 (Haengjeong Guyeok Hyeonhwang). .
↑ (Gaztelaniaz) «Guía básica para visitar por primera vez Corea del Norte» La Vanguardia 2018-09-18 (Noiz kontsultatua: 2022-03-14).
↑ Katmandu Udalaren webgunea. International relations. .

Kanpo estekak

Datuak: Q18808
Multimedia: Pyongyang / Q18808

[Euskaltzaindia171.araua-1] Euskaltzaindia. (2012-06-29). 171. araua: Asiako toponimia. (Noiz kontsultatua: 2013-02-12).

[Euskaltzaindia38.araua-2] Euskaltzaindia. (2007-03-30). 38. araua: Munduko estatu-izenak, herritarren izenak, hizkuntza ofizialak eta hiriburuak. (Noiz kontsultatua: 2013-02-12).

[WMO-3] World Weather Information Service - Pyongyang. .

[4] 행정구역현황 (Haengjeong Guyeok Hyeonhwang). .

[5] (Gaztelaniaz) «Guía básica para visitar por primera vez Corea del Norte» La Vanguardia 2018-09-18 (Noiz kontsultatua: 2022-03-14).

[6] Katmandu Udalaren webgunea. International relations. .

[1]

[2]

[3]

[4]

[5]

[6]