Tistel

Söl'ring

Mariendistel (Silybum marianum)

Silberdistel (Carlina acaulis)

Üs Tisteln sen Planten me Tuurnen, of üs Mungard sair "Proter" bikeent. Dit Uurt kumt fan indogermānsk Spraaken en jit sa fuul üs "spüt" of "et steekt".

Ön di Botānik es "Tistel" bluat di Noom fan di Famiilii me masi aarten diarbenen. Ön Nuurđfriislön wukset fuaral di Marientistel. Di Famiilii jit Carduoideae, en des es en Önerfamiilii fan di Asteraceae:

• Ringtisteln (Carduus)
• Gultisteln of Eberwurzen (Carlina)
• Farwertisteln (Carthamus)
• Skrabitisteln (Cirsium)
• Kuugeltisteln (Echinops)
• Molkplakentisteln (Galactites)
• Eeseltisteln (Onopordum)
• Knaakenbiintisteln (Ptilostemon), me Elfenbeindistel (Ptilostemon afer)
• Marientisteln (Silybum)
• Guustisteln (Sonchus)

Tisteln ön di Heraldik

Waapen von Nancy

Di Tistel es ön di Heraldik en Figuur. Jü jert tö di bikeentest Waapenbloomen sa üs dit uk bi Ruusen en Lilien es. Ön Skotlön es di Tistel en Natsjonaalbloom. Hat jeft en Waapen me en Tistel diarbenen sa üs dit uk en Orden fan di Tistel jeft, di Skots Orden fan di Tistel. Ön skotlön jit uk masi Sportforiiningen en Sportsliren eeđer di Tistel, bikeent es diarfan senerlig Partick Thistle.
Di Tistel kumt uk ön dit Emblem fan di Encyclopædia Britannica, diar fan Edinburgh kumt.

Tisteln bi Mungard

Jens Emil Mungards Dechting Min Bloom fortelt fan di Strötistel. Des jert tö sin bikeentest Aarberen.

Galerii

• 
  Fan miarnem tö injems foranerti jam di Tisteln...
• 
  ... fan Blostring tö Siit
• 
  Di Siit giar fan di Winj, jüst sa üs bi di Böderkrölen.
• 
  En enkelti Tistel bi't Blostrin.

Literārisk Senerlighairen

Ön dit Leedji The Thistle o' Scotland kumt di Planti üs en Metapher fuar Stolt en Bistuun fan di Skoten fuar.

It’s the flowret the proud eagle greets in his flight,
as he covers the sun with the wings of his might.
It’s the flowret that laughs at the storm as it blows,
for the stronger the tempest, the greener it grows!