Hesu rape
Apariencia
![](https://upload.wikimedia.org/wikipedia/commons/thumb/f/f9/Ichthys.svg/220px-Ichthys.svg.png)
Hesu rape hérava avei Kirito rape (karaiñe'ẽme: Cristianismo) ha'e peteĩ tupãrape ojeroviáva peteĩ Tupãre mante (religión monoteísta) oñembohapéva Hesu Nasaregua rekovére, rekombo'ére ha rembiapóre. Hesu rapépe, Kirito ha'e Ñandejára ra'y ha ou Yvy ape ári oipysyrõ opaite yvypóra hag̃ua ha omano rire oikove jey mbohapy ára rire ha ojupi yvága vy'arendápe. Ko'ágã hína Hesu rape rehe ojerovia amo 2.600.000.000 tapicha oparupi Yvy tuichakue javeve. Hesu rape oguereko avei peteĩ aranduka marangatu hérava Tupã ñe'ẽngue ryru, oñemombe'uhápe ko jerovia mbo'erã ha Hesu rekove.