Baybay Tracia
![](https://upload.wikimedia.org/wikipedia/commons/thumb/9/9b/Map_of_the_Aegean_Sea.jpg/250px-Map_of_the_Aegean_Sea.jpg)
Ti Baybay Tracia (Griego: Θρακικό Πέλαγος, Thrakiko Pelagos; Turko: Trakya Denizi) ket ti baybay a parte ti Baybay Egeo ken mangporma ti akin-amianan unay a punto ti baybay. Dagiti rehion a mangpalikmut ti baybay ket ti Masedonia ken Tracia ken ti pay akin-amianan a laud a Turkia. Ti intero a sakup ti baybay ket mabirukan iti amianan ti maika-40 a paralelo. Ti kaatiddog manipud iti daya aginggana iti laud ket manipud iti 23°E aginggana iti agarup a 25.8°E wenno manipud iti daya ti Golpo Estrimoniko aginggana iti akin-amianan unay a parte ti peninsula ti Galipoli ken ti kaakaba ket manipud iti amianan aginggana iti abagatan ket agarup a 40.25°N iti 41°N wenno manipud iti amianan ti Dardanelos aginggana iti pagbeddengan a pagbaetan dagiti rehional a yunit ti Xanthi ken Rhodope. Dagiti isla ket mairaman ti Tasos ken Samotracia idiay Gresia ken Gökçeada (Imvros iti Griego) ken Bozcaada (Tenedos iti Griego) idiay Turkia. Dagiti luek ken dagiti golpo ket mairaman ti Golpo Ierissia iti abagatan a laud, Golpo Estrimoniko a pagayusan ti Estrimon, ti Golpo Kavala ken ti Golpo Saros idiay Turkia. Dagiti karayan nga agayus iti daytoy a paset ti golpo ket mairaman ti Nestos ken ti Evros/Meriç. Ti naindayegan a termal nga ubbog ket ti Loutra Eleftheron idiay Kavala.
Dagiti puerto
[urnosen | urnosen ti taudan]- Amfipoli
- Kavala
- Alexandroupoli
- Thasos
- Samothrace
- Tenedos (Bozcaada), Turkia