Golpo ti Anadyr
![](https://upload.wikimedia.org/wikipedia/commons/thumb/7/75/Anadyr_chart.gif/300px-Anadyr_chart.gif)
Ti Golpo ti Anadyr, wenno Luek Anadyr (Ruso: Анадырский залив), ket ti dakkel a luek iti Baybay Bering idiay adayo nga amianan a daya ti Siberia.
Lokasion
[urnosen | urnosen ti taudan]Ti luek ket agarup a rektanggulo ken malukatan iti abagatan a daya. Dagiti suli ket (agpakanawan manipud iti abagatan) ti Rawis Navarin (ibaga pay ti sabali a taudan a ti kadenna a Rawis Thaddeus), Estuario Anadyr, Luek Kresta ken Rawis Chukotsky iti Peninsula Chukchi. Daytoy ket agarup a 250 milmilia (400 km) iti kaakaba. Ti atiddog a baras ti bisel ket agtaray iti igid ti amianan a daya nga aplaya para iti agarup a 45 milia (72 km) iti daya manipud iti Luek Kresta. Ti Golpo ti Anadyr ket kadawyan a naabbongan iti yelo kadagiti 10 a bulan iti tawen. Dagiti balyena kas ti Bowhead ken Gray ket mabalinda nga agparang iti asideg dagiti aplaya.
Sibilisasion
[urnosen | urnosen ti taudan]Ti ili ti Anadyr, ti administratibo a sentro ti Chukotka Autonomo nga Okrug, ket mabirukan idiay Estuario Anadyr. Ti Provideniya, idiay Luek Komsomolskaya (dati a Sangladan ti Emma ; ti sanga ti Luek Provideniya), ken Egvekinot, idiay Luek Kresta ket asidegda kadagiti kadakkelan pagtaengan iti aplaya.
Dagiti nagibasaran
[urnosen | urnosen ti taudan]- Petit Fute (2006). Chukotka. Avant Garde, Moscow. ISBN 5863942584, ISBN 978-5-86394-258-2.
- United States Hydrographic Office (1909). Asiatic pilot, Volume 1. Issues 122-126; Issue 162 of H.O. pub. Gov. Printing Off., Washington. pp 50–51.
Adu pay a mabasbasa
[urnosen | urnosen ti taudan]- Chisholm, Hugh, ed. (1911). "Anadyr". Encyclopædia Britannica (iti Ingles). Vol. 1 (Maika-11 nga ed.). Cambridge University Press.