បូរីស ចនសុន

ឯកឧត្តមជាទីគោរព បូរីស ចនសុន សស
ចនសុននៅឆ្នាំ២០១៩
នាយករដ្ឋមន្រ្តីសហរាជាណាចក្រ
ក្នុងការិយាល័យ ២៤ កក្កដា ២០១៩ – ៦ កញ្ញា ២០២២
ព្រះមហាក្សត្រ	អេលីហ្សាប៊ែតទី២
លេខាធិការទីមួយ	ដូមីនីក រ៉ាប
មុន	តេរេសា មេ
បន្ទាប់	លីហ្ស ត្រាហ្ស
ប្រធានគណបក្សអភិរក្សនិយម
ក្នុងការិយាល័យ ២៣ កក្កដា ២០១៩ – ៦ កញ្ញា ២០២២
នាយកប្រធាន	ជេមស៍ ក្លេវឺលី ប៊ិន អ៊ីលៀត អាមិនដា មីលីង
មុន	តេរេសា មេ
បន្ទាប់	លីហ្ស ត្រាហ្ស
រដ្ឋលេខាធិការក្រសួងការបរទេស និងកិច្ចការសហធនរដ្ឋ
ក្នុងការិយាល័យ ១៣ កក្កដា ២០១៦ – ៩ កក្កដា ២០១៨
នាយករដ្ឋមន្ត្រី	តេរេសា មេ
មុន	ហ្វីលីព ហាមន
បន្ទាប់	ជេរ៉េមី ហាន់
អភិបាលទីក្រុងឡុងដ៍
ក្នុងការិយាល័យ ៤ ឧសភា ២០០៨ – ៩ ឧសភា ២០១៦
អភិបាលក្រុងរង	រីឆាត បានស៍ វីកតូរា ប័រវីក រតជឺរ អេវិនស៍
មុន	ឃេន លីវីងស្តូន
បន្ទាប់	សាឌីក ខាន
សមាជិកសភា ប្រចាំអ៊ុកប៊្រីក និងរ៉ូស៍លីពខាងត្បូង
កាន់តំណែង
ក្នុងការិយាល័យ ៧ ឧសភា ២០១៥
មុន	ចន រិនដល
បោះឆ្នោត	៧,២១០ (១៥.០%)
សមាជិកសភា ប្រចាំហ៊ិនលី
ក្នុងការិយាល័យ ៧ មិថុនា ២០០១ – ៤ មិថុនា ២០០៨
មុន	ម៉ៃឃើល ហេស៊ីលថាញ
បន្ទាប់	ចន ហូវេល
ព័ត៌មានលម្អិតផ្ទាល់ខ្លួន
កើត	អាឡិចសាន់ដឺ បូរីស ដេ ហ្វហ្វេល ចនសុន (1964-06-19) 19 មិថុនា 1964 មែនហាតាន់, ទីក្រុងញូវយ៉ក សហរដ្ឋ
ពលរដ្ឋ	អង់គ្លេស អាមេរិកាំង (១៩៦៤–២០១៦)
គណបក្ស​នយោបាយ	អភិរក្សនិយក
ពន្ធភាព	អាលេក្រា ម៉ូស្តីន-អូវិន (m. 1987 – 1993) «Did not recognize date. Try slightly modifying the date in the first parameter.–Did not recognize date. Try slightly modifying the date in the first parameter.»"Marriage: អាលេក្រា ម៉ូស្តីន-អូវិន to បូរីស ចនសុន" Location:ទំព័រគំរូ:Placename/do-adrPropទំព័រគំរូ:Placename/do-adrPropទំព័រគំរូ:Placename/do-adrPropទំព័រគំរូ:Placename/do-adrProp (linkback://km.wikipedia.org/wiki/%E1%9E%94%E1%9E%BC%E1%9E%9A%E1%9E%B8%E1%9E%9F_%E1%9E%85%E1%9E%93%E1%9E%9F%E1%9E%BB%E1%9E%93) ម៉ារីណា វីលលឺ (m. 1993 – 2018) «Did not recognize date. Try slightly modifying the date in the first parameter.–Did not recognize date. Try slightly modifying the date in the first parameter.»"Marriage: ម៉ារីណា វីលលឺ to បូរីស ចនសុន" Location:ទំព័រគំរូ:Placename/do-adrPropទំព័រគំរូ:Placename/do-adrPropទំព័រគំរូ:Placename/do-adrPropទំព័រគំរូ:Placename/do-adrProp (linkback://km.wikipedia.org/wiki/%E1%9E%94%E1%9E%BC%E1%9E%9A%E1%9E%B8%E1%9E%9F_%E1%9E%85%E1%9E%93%E1%9E%9F%E1%9E%BB%E1%9E%93)
ដៃគូក្នុងស្រុក	ខារី ស៊ីមនស៍ (២០១៨–បច្ចុប្បន្ន; ភ្ជាប់ពាក្យ)
កូន	៦ នាក់
ឪពុកម្តាយ(s)	Stanley Johnson (ឪពុក) Charlotte Fawcett (ម្តាយ)
សាច់ញាតិ	Rachel Johnson (sister) Jo Johnson (brother) James Fawcett (grandfather) Ali Kemal (great grandfather)
លំនៅដ្ឋាន	ផ្លូវដោនីងលេខ១០
ការអប់រំ	វិទ្យាល័យអ៊ីតុន
សាលាមាតា	មហាវិទ្យាល័យបាលីអូល, អកហ្វត
ហត្ថលេខា
គេហទំព័រ	Boris Johnson website

អាឡិចសាន់ដឺ បូរីស ដេ ហ្វហ្វេល ចនសុន (ភាសាអង់គ្លេស៖ Alexander Boris de Pfeffel Johnson) គឺជាអ្នកនយោបាយអង់គ្លេសម្នាក់ ដែលធ្លាប់បានបម្រើការជានាយករដ្ឋមន្រ្តីអង់គ្លេស និងជាមេដឹកនាំគណបក្សអភិរក្សនិយមពីឆ្នាំ២០១៩ រហូតដល់ឆ្នាំ២០២២។ លោកក៏ធ្លាប់បានបម្រើការជារដ្ឋមន្រ្តីក្រសួងការបរទេសពីឆ្នាំ២០១៦ រហូតដល់ឆ្នាំ២០១៨ និងជាអភិបាលទីក្រុងឡុងដ៍ពីឆ្នាំ២០០៨ ដល់ឆ្នាំ២០១៦។ ចនសុនធ្លាប់ជាសមាជិកសភាប្រចាំហ៊ិនលីពីឆ្នាំ២០០១ ដល់ឆ្នាំ២០០៨ ហើយជាសមាជិកសភាប្រចាំអ៊ុកប៊្រីក និងរ៉ូស៍លីពខាងត្បូងតាំងពីឆ្នាំ២០១៥។

ចនសុនបានកើតនៅទីក្រុងញូវយ៉កទៅគ្រួសារវណ្ណៈជាន់ខ្ពស់មួយហើយបានសិក្សានៅវិទ្យាល័យអ៊ីតុន។ ពេលមកដល់អង់គ្លេស លោកបានចាប់ផ្តើមអានសៀវភៅនិងឯកសារបុរាណៗនៅវិទ្យាល័យបាលីអូល, អកហ្វត ហើយក៏ត្រូវបានបោះឆ្នោតជ្រើសរើសជាប្រធានសហភាពអកហ្វតក្នុងឆ្នាំ១៩៨៦។ លោកបានចាប់ផ្តើមអាជីពជាអ្នកសារព័ត៌មាននៅកាសែតដឺថែមស៍ ហើយក្រោយមកក៏ត្រូវបានបណ្តេញចេញព្រោះមានគេចោទលោកថាបានបន្លំប្រភពឯកសារ។ ក្រោយមក លោកក៏បានក្លាយជាអ្នកសារព័ត៌មានប្រចាំក្រុងព្រុចសែលសម្រាប់កាសែតតេឡេក្រាហ្វ ហើយលោកត្រូវបានតំឡើងឋានៈជាជំនួយការអ្នកនិពន្ធរវាងឆ្នាំ១៩៩៤ ដល់ឆ្នាំ១៩៩៩។ ចនសុនក៏បានក្លាយជាអ្នកនិពន្ធសរសេរព័ត៌មានឱ្យកាសែតស្ពិថេតធឺពីឆ្នាំ១៩៩៩ ដល់ឆ្នាំ២០០៥។

ក្រោយពីគេបានបោះឆ្នោតជ្រើសរើសលោកជាសមាជិកសភាប្រចាំហ៊ិនលីនៅឆ្នាំ២០០១ ចនសុនបានបម្រើការជារដ្ឋមន្រ្តីស្រមោលជាន់ខ្ពស់ក្រោមការដឹកនាំរបស់មេដឹកនាំបក្សអភិរក្សនិយមគឺលោកម៉ៃឃឺល ហោវ៉ាត និងលោកដេវីត កាមេរូន។ នៅក្នុងឆ្នាំ២០០៨ លោកត្រូវបានគេបោះឆ្នោតជ្រើសរើសជាអភិបាលក្រុងឡុងដ៍ដោយបានយកឈ្នះលើឃេន លីវីងស្តូន (ជាអ្នកកំពុងកាន់តំណែង) ហើយមួយខែក្រោយមក ចនសុនក៏បានលាឈប់ពីសភា។ លោកត្រូវបានគេបោះឆ្នោតឱ្យម្តងទៀត (អាណត្តិទីពីរ) នៅក្នុងឆ្នាំ២០១២។ ក្នុងនាមជាអភិបាលនៃរាជធានី ចនសុនគឺជាអ្នករៀបចំទទួលខុសត្រូវលើកីឡាអូឡាំពិករដូវក្តៅឆ្នាំ២០១២ ការណែនាំនូវឡានក្រុងទេសចរណ៍ថ្មី សាងសង់ខ្សែរថយន្តកាបរត់កាត់ទន្លេថេមស៍ និងហាមឃាត់ការប្រើប្រាស់គ្រឿងស្រវឹងនៅតាមយានយន្តសាធារណៈ។

នៅឆ្នាំ២០១៥ ចនសុនត្រូវបានបោះឆ្នោតជ្រើសរើសជាសមាជិកសភាប្រចាំអ៊ុកប៊្រីក និងរ៉ូស៍លីពខាងត្បូង។ លោកក៏បានលាចេញពីតំណែងជាអភិបាលក្រុងឡុងដ៍នៅឆ្នាំបន្ទាប់ ហើយក្រោយមក ចនសុនក៏ក្លាយជាបុគ្គលដ៏សំខាន់មួយនៃការបោះឆ្នោតចេញនៅក្នុងប្រជាមតិសមាជិកភាពសហភាពអឺរ៉ុបនៅក្នុងឆ្នាំ២០១៦។ បន្តិចមក ចនសុនក៏បានបម្រើការជារដ្ឋលេខាធិការក្រសួងការបរទេស និងកិច្ចការសហធនរដ្ឋឱ្យនាយករដ្ឋមន្រ្តីថ្មីគឺលោកស្រីតេរេសា មេ ហើយពីរឆ្នាំក្រោយមក លោកក៏លាចេញពីតំណែងដោយសារមានការរិះគុណជាខ្លាំងមកលើកិច្ចការប៊្រិស៊ីតនិងផែនការឆែកឺរបស់មេ។ បន្ទាប់មេបានលាលែងពីតំណែងក្នុងឆ្នាំ២០១៩ លោកបូរីស ចនសុនក៏ត្រូវបានគេបោះឆ្នោតជ្រើសរើសជាមេដឹកនាំគណបក្សអភិរក្សនិយមនិងតែងតាំងជានាយករដ្ឋមន្រ្តីថ្មី។ ការពន្យារសភារបស់លោកនៅខែកញ្ញា ឆ្នាំ២០១៩ ត្រូវបានកាត់ក្តីដោយតុលាការកំពូលថា"ផ្ទុយពីច្បាប់"។ នៅក្នុងការបោះឆ្នោតសកលឆ្នាំ២០១៩ ចនសុនបានដឹកនាំគណបក្សអភិរក្សនិយមឈានទៅរកជ័យជម្នះដ៏ធំបំផុតរបស់ខ្លួនចាប់តាំងពីឆ្នាំ ១៩៨៧ ដោយទទួលបានសំឡេងឆ្នោតគាំទ្រច្រើនជាងគេបំផុតពីគណបក្សណាមួយចាប់តាំងពីឆ្នាំ១៩៧៩។ ទីបំផុត សហរាជាណាចក្រក៏បានដកខ្លួនចេញពីសហភាពអឺរ៉ុបក្រោមលក្ខខណ្ឌនៃកំណែទម្រង់ថ្មីនៃកិច្ចព្រមព្រៀងប៊្រិស៊ីត។

ចនសុនគឺជាកិត្តិមជនដ៏ចម្រូងចម្រាសម្នាក់ទាំងខាងនយោបាយនិងសារព័ត៌មាន។ អ្នកគាំទ្រជាច្រើនបានសរសើរលោកថាជា បុគ្គលដ៏គួរឱ្យពេញចិត្ត ចូលចិត្តលេងសើច និងមានប្រជាប្រិយភាពខ្ពស់ ហើយមានសមត្ថភាពនយោបាយលើសលប់ពីនាយករដ្ឋមន្រ្តីមុនៗ។ ចំណែកបុគ្គលមួយចំនួនវិញបានរិះគុណលោកថាជា មនុស្សមិនស្មោះត្រង់ អ្នកនិយមវរជន និងបក្សពួកនិយម ហើយចេះប្រើពាក្យឈ្លើយៗ។