Месински Проток
Месински Проток stretto di Messina | |
---|---|
![]() Поглед на протокот од планината Динамаре, Сицилија. | |
Местоположба на протокот | |
Подрачје | Тиренско Море–Јонско Море |
Координати | 38°14′45″N 15°37′57″E / 38.24583° СГШ; 15.63250° ИГД |
Вид | проток |
Сливни земји | Италија |
Населени места | Месина, Вила Сан Џовани, Реџо Калабрија, Шила |
Месински Проток (италијански: stretto di Messina, сицилиски: strittu di Missina) — тесен проток помеѓу Сицилија и јужниот крај на Калабрија, јужна Италија. Го поврзува Тиренското Море на север со Јонското Море на југ. Широк 3,1 км во најтесниот дел меѓу Торе Фаро и Вила Сан Џовани, а 5,1 км кај градот Месина. Достигнува најголема длабочина од 250 м.
Протокот има силни плимни струи кои создале мошне својствен екосистем.[1] Во северниот дел се јавува природен вител, поврзан со старогрчката легенда за Сцила и Харибда.[2]
Во 1957 г. преку протокот е поставен далекувод од 220 kV, чии столбови се меѓуа највисоките во светот. Подоцна истиот е заменет со подводни кабли, но кулите се запазени како историски споменици.
Преселба на птиците
[уреди | уреди извор]Месинскиот Проток го прелетуваат многу видови птици во нивната годишна преселба кон северна Европа. Поради стеснетиот облик на земјиштето, местото е минувалиште за дури 300 вида преселници, вклучувајќи 35.000 грабливки во пролетниот период.[3] Меѓу нив најчести се осојадот и блатната еја, а редовно летаат и планинскиот орел и египетскиот мршојадец. Во крајбрежните солени езера одмораат видови како црниот ибис, пламенецот (фламинго), долгоногата шлука и разни штркови. Динамаре и другите планини од венецот Пелоритани се особено погодни места за набљудување на птици во лет.
Морски видови
[уреди | уреди извор]Поради посебните хидрогеолошки услови, протокот се одликува со голема биоразновидност и бројни ендемски видови. Мошне застапени се длабоководните риби како иглозабот кои повремено се насукуваат на брегот поради силните струи. Низ овие води се одвива и преселба на многу видови риби од Средоземното Море.
Сообраќај
[уреди | уреди извор]![](https://upload.wikimedia.org/wikipedia/commons/thumb/6/63/101031_Italie_sud_107.jpg/220px-101031_Italie_sud_107.jpg)
Помеѓу Месина во Сицилија е поврзан со Апенинскиот Полуостров со траект до Вила Сан Џовани, на неколку километри северно од Реџо Калабрија; на него се превезуваат и вагоните од железничката линија Палермо-Неапол. Помеѓу Месина до Реџо Калабрија сообраќа и хидроглисер.
Веќе неколку децении постои проект за изградба на мост преку протокот, поврзувајќи го Апенинскиот Полуостров со Сицилија. Последенп пат овој проект е заживеан во 2000-тите, но откажан во февруари 2013 г.[4]
Поврзано
[уреди | уреди извор]Наводи
[уреди | уреди извор]- ↑ TheSanti63 (2010-08-25). „Correnti nello Stretto di Messina“.
- ↑ Andrews, Tamra (2000). Dictionary of Nature Myths: Legends of the Earth, Sea, and Sky. Oxford University Press. стр. 171. ISBN 978-0-19-513677-7. Посетено на 25 May 2016.
- ↑ Corso, Andrea. „European Birding Hot Spot: The Strait of Messina, southern Italy“. www.surfbirds.com.
- ↑ Sicily to get longest bridge from TimesOnline. посет. 8 март 2009 г.
Надворешни врски
[уреди | уреди извор]![]() |
„Месински Проток“ на Ризницата ? |
- Слики од Месинскиот Проток
- Новости и занимливости за протокот Архивирано на 21 октомври 2011 г.
- Сообраќаен портал на протокот Архивирано на 22 ноември 2011 г.