Den kinesiske muren

Den kinesiske muren (kinesisk 萬里ばんり長城ちょうじょう; forenkla 万里ばんり长城; pinyin Wànlĭ Chángchéng, 'den lange borga på 10 000 li¹), er ein 8 851,8 kilometer lang mur og er eit forsvarverk bygd av jord og stein.

Muren ligg i det nordlege Kina. Han vert rekna som jordas største byggverk og vart bygd under Ming-dynastiet frå slutten av 1300-talet til byrjinga av 1600-talet. Muren skulle verna Kina mot plyndringar fra mongolske og tyrkiske stammer. Fleire andre murar vart påbyrja på 200-talet fvt. av Shi Huangdi, den første keisaren av heile Kina.

Fleire delar av den kinesiske muren er øydelagt eller forsvunne med tida. Lokale innfødde har nytta steinen til byggemateriale. I dag er muren freda og vart oppført på verdsarvlista til UNESCO i 1987.

Bakgrunnsstoff

Wikimedia Commons har multimedia som gjeld: Den kinesiske muren

Julia Lovell: The Great Wall - China Against the World, 1000 BC-2000 AD. ISBN 1-84354-212-9
Jacquetta Megarry: Explore the Great Wall. ISBN 1-898481-17-2
Arthur Waldron: The Great Wall of China - From History to Myth. ISBN 0-521-36518-X

Fotnotar

¹ 10 000 li = 5 760 km. 10 000 er eit bilete for uendeleg på kinesisk, slik at namnet på muren tyder «den uendeleg lange borga».