Pòrc-espin
![](https://upload.wikimedia.org/wikipedia/commons/thumb/7/7e/Hystrix_cristata_03_by_Line1.jpg/280px-Hystrix_cristata_03_by_Line1.jpg)
Pòrc-espin es lo nom vernacular que designa d'unes rosegaires que se despartisson en doas familhas : los istricids, es a dire los pòrcs-espins del Mond Vièlh e los eretizontids, es a dire los del novèl Mond. Longtemps amassats dins un sol grop, las doas familhas son uèi separadas : en mai d'una ròba plena d'espinas e de sas costumas nocturnas partejadas, nombrosas e prigondas diferéncias los separan d'un grop a l'autre.
Lo nom dels pòrcs-espins ven de las espinas caracteristicas que los cobrisson la pel. Malgrat lo nom, los pòrcs-espins tenon pas cap parentat dirècte amb los pòrcs autentics, qu'apertenon al grop dels artiodactils. Se devon pas confondre tanpauc amb los erices, que e mai que sián tanben cobèrts d'espinas, apertenon a l'òrdre dels eulipotifles.