出自維基百科，自由嘅百科全書
提示：呢篇
文講嘅唔
係刺蝟。
箭豬，普通話書面語叫豪豬，係世上第四最大嘅嚙齒目動物（其餘三種分別為水豚、兔豚鼠同河狸），全身披滿好似箭嘅刺，係箭豬最明顯嘅特徵。英文名 Porcupine 源自法文 porc d'épine，意思係「有刺嘅豬」。
響中國、越南、意大利、非洲同阿拉伯，當地人當箭豬係嘢食。同刺蝟唔同，刺蝟係屬於食蟲目，身型亦都細隻啲。
舊大陸捲尾豪豬，喺柏林動物園影
箭豬可以分舊大陸箭豬同新大陸箭豬兩大類，舊大陸種有 11 種，新大陸有 12 種。舊大陸種大概喺 3 千萬年前分化出嚟，比新大陸種早啲。
新大陸種身型較細，大多都曉爬樹。
有夜行習性，主要食齋，但偶爾會捉小動物同死屍嚟食。非洲種已證實咗有啃骨頭嘅習性，用嚟補充鈣質，以免甩箭。好多人以為佢會「射箭」，其實係佢哋受一啲大型貓科攻擊時，箭插入敵人身體嗰陣時，會甩出來，所以先令人有咁嘅誤會。
箭豬係香港原生嘅哺乳動物，屬於馬來西亞種。而香港動植物公園現時有養箭豬。
