Nawirat
Apariencia
(Navidad-manta pusampusqa)
![](https://upload.wikimedia.org/wikipedia/commons/thumb/0/0e/Fra_Filippo_Lippi_002.jpg/220px-Fra_Filippo_Lippi_002.jpg)
Niwirat, Nawirá, Niñucha raymi, Hisuspa paqarimuynin raymi icha Hisuw yuriyqa[1] (kastilla simipi: Navidad) p'unchawpiqa, iskay chunka pichqayuq kaq p'unchawpi qhapaq raymi killapim kristiyanukuna Hisuspa Wilin llaqtapi paqarisqantam, wata hunt'aynintam phistakunku.
Imatataq Apuyayapa Simin Qillqa nin
[llamk'apuy | pukyuta llamk'apuy]Apuyayapa Simin Qillqa Lukaspa Qillqaspanpi kaytam Hisuwpa yurisqanmanta willawanchik (Lukas 2:1-20 ):
- Chay p'unchawkunapim hatun kamachiq Augustuqa kamachikurqan llapa llaqtakunapi tiyaqkuna yupasqa kanankupaq.
- Kay runa yupayqa chayllaraqmi qallarirqan Sirya suyupi sullk'a kamachiq Kirinyu kamachikuchkaptin.
- Llapallataq yupasqa kanankupaq yurisqanku llaqtamankama rirqanku.
- Hinam Husiypas Galileapi Nazaret llaqtamanta Judea hap'iyman wicharqan, Davidpa llaqtam Wilinman, Davidpa mirayninmanta kasqanrayku.
- Chaymanqa rirqan paywan kasarakunanpaq rimaykusqaña Mariyawan yupasqa kananpaqmi, Mariyaqa unquqmi kachkarqan.
- Paykuna chaypi kachkaptinkutaq wachakunan killaqa hunt'akurqan.
- Hinan phiwi qhari wawanta wachakurqan, walthanawan walthaykuspataq uywa qaranapi siriykachirqan paykunapaq tampupi mana kampu kasqanrayku.
- Wilin llaqta qaylla kampupitaq michiqkuna kachkarqan uywankuta tutantin qhawaspanku.
- Chayllamanmi Apu Thiyuspa anqelninqa paykunaman rikhurirqan, Apu Thiyuspa lliplli kaynintaq paykunaman k'anchaykurqan, hinan sinchitapuni mancharikurqanku.
- Chaymi anqelqa paykunata ñirqan: "Ama mancharikuychikchu, ancha allin willakuytan willasqaykichik, chaywanmi llapa runa q'uchukunqa.
- Kunanmi Davidpa llaqtanpi huk Qhispichiq yuripusunkichik, payqa Thiyuspa Akllasqan Kristun, payqa Apunchikmi.
- Chayta yachanaykichikpaqqa kay hinatan tarinkichik: Huk wawan walthanawan walthaykusqa uywa qaranapi siriykusqa kachkanqa" ñispa.
- Chayllamanmi anqelwan hanaq pachapi achka anqelkuna rikhurimurqan Thiyusta yupaychaspanku:
- "Thiyusqa hanaq pachapi yupaychasqa kachun! Thiyuspa khuyapayasqan runakunataq kay pachapi sumaqta kawsachun!" ñispa.
- Hanaq pachaman anqelkuna kutipuptinkutaq michiqkunaqa ñinakurqanku: "Hakuychikyá Wilin llaqtata, hinaspa rikumusun Apunchik Thiyuspa willawasqanchik imachus kasqanta" ñispa.
- Utqhaylla rispankutaq Mariyata Husiytawan, wawatapas uywa qaranapi siriykusqata tarirqanku.
- Chayta rikuspataq wawamanta anqelpa paykunaman ñisqanta willakurqanku.
- Chaymi llapan uyariqkuna muspharqanku michiqkunap willakusqanmanta.
- Mariyataq ichaqa chaykunata yuyaymanaspa sunqunpi allintapuni hap'irqan.
- Michiqkunataq uyarisqankumanta hina tukuy imapas kasqanmanta yachaspanku, rikusqankumantawan, Thiyusta hatunchaspa yupaychaspa kutipurqanku.
Raymikuy icha Inti Qhapaq raymi utaq Qhapaq raymillachus
[llamk'apuy | pukyuta llamk'apuy]Phistakuq runapuraqa Allinlla Raymi! nispa napaykunakunkum. Chinchay Apya Yalapi Iwrupapipas runapura kamarikunata, t'inkakunatam quykupuq. Santa Klaus (Papa Noel) sutiyuq runas wawakunaman chay kamarikunata qupuyta hamuqsi.
Warmi paskuwa -
Pukyukuna willanakunawan
[llamk'apuy | pukyuta llamk'apuy]- ↑ Ankash qalluchaw