Canale de Suez

Artìculu in LSC

Posidura in su mundu e imàgine satellitare

Su canale de Suez (in àrabu: قناة السويس‎, Qanāt al-Suways) est unu canale artifitziale navigàbile chi s'agatat in Egitu, a ovest de sa penìsula de su Sìnai, intre Portu Said (Bûr Sa'îd) in su mare Mediterràneu e Suez (al-Suways) in su Mare Ruju, chi segat s'omònimu istmu de Suez, permitende sa navigatzione dereta dae su Mediterràneu a s'otzèanu Indianu, chene de netzessidade de circumnavigare s'Àfrica in s'Otzèanu Atlànticu longu sa rota de su cabu de Bonu Isperu.

Cumpletadu in su 1869 e abertu su 17 santandria 1869, su canale est istadu realizadu dae su frantzesu Ferdinand de Lesseps subra progetu de s'ingegneri trentinu Luigi Negrelli e cunsistet de duos tretos, a norte e a sud de su Lagu Marigosu Mannu: su fraigu at duradu 15 annos, traballu acumpridu gràtzias a una cooperatzione intre medas natziones europeas tra cales sa Frantza chi at dadu su contributu majore, mentras in su 2015 est istadu cumpletadu s'addòpiu de carchi tretu de su canale.