Lolong warna
Lolong warna nyaéta hiji cacad anu dilantarankeun ku kahenteumampuh sél-sél congcot panon pikeun nyerek hiji spéktrum warna nu tangtu alatan faktor génetis.
Lolong warna mangrupa cacad génetik / bawaan anu diturunkeun ti kolot ka anakna, cacad ieu mindeng ogé disebaut sex linked (patali jeung wanda baga purusa), alatan cacad ieu dibawa ku kromosom X. Hartina kromosom Y henteu mawa panyabab lolong warna. Hal ieu pisan anu ngabédakeun antara lalaki jeung awéwé nu katalangsara lolong warna. Wanoja jeung nu mawa sipat, sacara fisik henteu ngalaman cacad lolong warna sakumaha awéwé normal umumna. Tapi awéwé jeung nu mawa sipat boga poténsi nurukan faktor lolong warna ka anakna jaga.Lamun dina dua kromosom X ngandung faktor lolong warna mangka hiji wanoja kasebut ngarandapan lolong warna.
Saraf sél dina rétina diwangun ku sél batang anu peka kana cahaya hideung jeung bodas, sarta sél congcot anu peka kana warna séjénna. Buta warna lumangsung sabot saraf panarima cahaya dina rétina ngalaman parobahan, utamana sél congcot. Sél
Lolong warna sorangan bisa digolongkeun jadi 3 rupa nyaéta trikromasi, dikromasi jeung monokromasi. Lolong warna wanda trikomasi nyaéta parobahan kapekaan warna hiji atawa leuwih ti hiji rupa sél congcong. Aya tilu rupa trikomasi nyaéta:
- Protanomali anu mangrupa kalemahan dina warna beureum,
- Deuteromali nyaéta kalemahan dina warna héjo,
- Tritanomali (low blue) nyaéta kelemahan warna paul.
Wanda lolong wana ieu pisan anu pangmindengna kaalaman dibandingkeun jeung rupa lolong warna séjénna.
Dikromasi nyaéta heneuweuhna salah sahiji ti 3 rupa sél congcot, ngawengku:
- protanopia nyaéta heneuweuhna sél congcot warna beureum antukna caangna warna beureum jeung campuranana ngurangan,
- deuteranopia nyaéta heneuweuhna sél congcot anu peka kana héjo, sarta
- tritanopia pikeun warna paul.
Sedengkeun monokromasi ditandaan ku leungitna atawa nguranganana kabéh panempo warna, antukna anu katémbong ngan bodas jeung hideung dina wanda lolong warna husus (typical) sarta saeutik warna dina wanda atypical. Rupa lolong warna ieu kajadianana pohara langkana.
Lolong warna bisa diuji ku uji Ishihara, di mana bunderan - bunderan boga warna anu sawatara di antarana dirarancang sangkan aya tulisan nu tangtu anu ngan bisa katempo atawa henteu bisa katempo ku nu katalangsara ku lolong warna