Ipsilon

Ipsilon (Υうぷしろん, ϒ, υうぷしろん, virkand grek.: ύψιλον [ˈipsilon], amuižgrek.: ὖ ψιλόν «järgeline u») om grekan kirjamišton kahtenz'kümnenz' kirjam. Sättui amuižgrekan kelen kulund (vhesai 1030 oli tarkoikti) om [y] (vepsän «ü», ei ole venän), hot' eziauguižin oli [u] (kut venän kulund). Nügüd'aigaižes grekan keles lugetas kirjant [i], οおみくろんυうぷしろん-digrafas [u], virktas [f] vai [v] αあるふぁυうぷしろん- i εいぷしろんυうぷしろん-digrafoiš, [v] kesked vokalid.

Kosketused toižidenke kirjamidenke

Kirjam libui finikijan 𐤅-kirjamespäi vav (wāw), kändase «kouk» vai «negloikaz palik». Nimitihe «järgeline u» erištamha οおみくろんυうぷしろん-digrafaspäi (sen virkand oli [ou], tegihe [u]). Latinan kirjamed U, V, W i Y augotižlibuihe grekan ipsilon-kirjamespäi, kirilline ižica (Ѵ)-kirjam-ki, mugažo У-kirjam kesknikan-digrafan kal't.

Ei pida segoitada pen't υうぷしろん-kirjant grekan penenke νにゅー-kirjamenke, jäl'gmäižen alah om nügu.

Kävutand znamaks

Ottas kävutamižhe surt ϒ-kirjant i pen't υうぷしろん-kirjant znamoičemha päpaloin nenid tärtusid:

elementarižes fizikas ϒ-kirjam znamoičeb ipsilon-mezon-heneged.
italine Lancia-avtotegii pästab levitadud modelid Lancia Ypsilon-torguindmarkanke vspäi 1996.
astrofizikas i fizižes kosmologijas ϒ-kirjam om massan i vauktusen kosketez.
statistikas kävutadas erasti νにゅー-kirjamen (nü) sijas joudjudenmäriden znamoičendan täht.

Ipsilon Vikiaitas

	Grekan kirjamišt
	Al'fa (Αあるふぁαあるふぁ) • Beta / Vita* (Βべーたβべーた) • Gamma (Γがんまγがんま) • Del'ta (Δでるたδでるた) • Epsilon (Εいぷしろんεいぷしろん) • Dzeta / Zita* (Ζぜーたζぜーた) • Eta / Ita* (Ηいーたηいーた) • Teta / Fita* (Θしーたθしーた) • Jota (Ιいおたιいおた) • Kappa (Κかっぱκかっぱ) • Lämbda (Λらむだλらむだ) • Mü / Mi* (Μみゅーμみゅー) • Nü / Ni* (Νにゅーνにゅー) • Ksi (Ξくしーξくしー) • Omikron (Οおみくろんοおみくろん) • Pi (Πぱいπぱい) • Ro (Ρろーρろー) • Sigma (Σσς) • Tau / Taf* (Τたうτたう) • Ipsilon (Υうぷしろんυうぷしろん) • Fi (Φふぁいφふぁい) • Hi (Χかいχかい) • Psi (Ψぷさいψぷさい) • Omega (Ωおめがωおめが)
	*Amuižgrekan / Nügüd'aigaine grekan nimituz