Zagreb
Lidnanznam![]() |
Flag![]() |
Valdkund | Horvatii |
Eläjiden lugu (2021) | 790,069 ristitud |
Pind | 641,29 km² |
![]() | |
Pämez' | Tomislav Tomaševič (sulaku 2021—, Tomislav Tomašević) |
Telefonkod | +385−1 |
Aigvö | tal'vel UTC+1, kezal UTC+2 |
Zagreb (mugažo horvatan kelel, virktas [zǎːɡreb]) om Horvatijan pälidn da kaikiš suremb lidn. Sen territorii om valdkundan ümbrikon oiktusidenke.
Istorii
[vajehta | vajehtada lähtetekst]Eländpunktan aluz om pandud vl 1094 kuti Kaptol ühtennimižel kukhal. Gradec-eländpunkt sai lidnan oiktusid vl 1222. Nene kaks' eländpunktad ühtištuihe 17. voz'sadan augotišele i saihe Zagreb-nimed vl 1851, oma lidnan istorižeks keskuseks nügüd'. Vspäi 1776 horvatijalaižiden ohjandusen ištundad vedihe Zagrebas, i se kändihe heiden faktižeks pälidnaks Varaždinan sijas. Nimitihe Agram:aks Avstrijan da Mad'jaranman imperijan aigan (1864−1918).
Om ripmatoman Horvatijan pälidnaks vs 1991 kezakun 25. päiväspäi.
Geografijan andmused
[vajehta | vajehtada lähtetekst]Lidn sijadase Sav-jogen randoil (horv.: Sava, Dunain oiged ližajogi). Se seižub 122..1035 m ü.m.t. korktusil, 158 m keskmäižel korktusel, Medvednic-mägimassivanno (horv.: Medvednica vai Zagrebačka gora). Voib olda keskmäižen vägen manrehkaidusid (22. keväz'ku 2020 — 5,3 magnitudanke).
Klimat om subtropine. Voden keskmäine lämuz om +11,9 C°, semendkun-sügüz'kun +17..+22 C°, tal'vkun-uhokun +1,2..+3,1 C°. Ekstremumad oma −22,2 C° i +40,3 C°. Kezaaigan minimum om +4,6 C°, tal'ven maksimum om +21,6 C°. Paneb sadegid 843 mm vodes, enamba kezakus (95 mm) i elokus-redukus (82..97 mm kus), vähemba vilukus-uhokus (44..47 mm kus).
Tobmuz
[vajehta | vajehtada lähtetekst]![](https://upload.wikimedia.org/wikipedia/commons/thumb/d/d9/Districts_of_Zagreb_%28map_with_numbers%29.svg/250px-Districts_of_Zagreb_%28map_with_numbers%29.svg.png)
Zagreb jagase 17 nimitadud rajonaks (horv.: gradska četvrt).
Edeline lidnan pämez' (mer) om Milan Bandič (Milan Bandić, semendku 2000 — viluku 2002, semendku 2005 — uhoku 2021).
Eläjad
[vajehta | vajehtada lähtetekst]Vn 2011 Horvatijan rahvahanlugemižen mödhe lidnan eläjiden lugu oli 790 017 ristitud, ezilidnoidenke — 1,1 mln ristituid, valdkundan videndez. Kaik 802 588 eläjad oli lidnas vl 2018, se ristitišt oli kaikiš suremb kaikes aigas.
Eläjiden enamba ühesad kümnendest oma horvatijalaižed i katoližed uskojad.
Transport
[vajehta | vajehtada lähtetekst]Avtobusad, tramvaid, ezilidnelektrojonused, funikulör da taksid oma kundaližeks transportaks lidnas.
Kaik nell' avtomagistralid (A1..A4) ühtenzoittas Zagrebad lähižiden verhiden maiden suridenke lidnoidenke, A11 om sauvomas. Avto- i päraudtestancii ratas lidnan keskuzpalas.
Rahvahidenkeskeine soda- da civiline Zagreb-lendimport ezmäižen Franjo Tudžman-prezidentan nimed[1] (ZAG / LDZA, 3,4 mln passažiroid vl 2019) sijadase kümnes kilometras suvipäivnouzmha lidnan keskuzpalaspäi. Tehtas reisid Evropan i Persijan lahten maiden pälidnoihe, Stambulha, om sezonreisid Keskmeren lebutahoiže i Torontho.
Galerei
[vajehta | vajehtada lähtetekst]-
Arena Zagreb (2009)
-
Lidnan ohjastusen sauvuz (2012)
-
Evročuhunduz vl 2009
-
Domovinski-sild Sav-joges päliči vl 2007
-
Zagrepčanka-ofisčuhunduz vl 2006, valdkundan kaikiš korktemb pert' (109 m)
-
Zagreban universitetan naturaliž-matematine fakul'tet (2008)
Homaičendad
[vajehta | vajehtada lähtetekst]- ↑ Rahvahidenkeskeižen Zagreb-lendimportan sait (zagreb-airport.hr). (horv.) (angl.)
Irdkosketused
[vajehta | vajehtada lähtetekst]- Lidnan tobmuden oficialine sait (zagreb.hr). (horv.) (angl.)
![]() |
Zagreb Vikiaitas |
Evropan pälidnad | ||
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs | ||