明仁響2016年
明仁同皇后美智子
（圖為明仁伉儷於2005年造訪美國）
明仁（日文：明仁／あきひと Akihito */?；1933年12月23號—）係第125代日本天皇。乳名繼宮，即位後定年號為平成。
明仁係昭和天皇裕仁嘅大仔，出世時嘅徽印印號為「榮」（えい，桐嘅別名）。1989年1月7號昭和天皇死咗當日繼承皇位。佢同皇后美智子有二仔一女：天皇德仁、秋篠宮文仁親王、清子（女；而家係平民身分）。
由於明仁尚在人世，依皇室典範，喺日本通常唔會喺「年號（平成）」加上「天皇」嚟叫佢，明仁在位嘅時候，日本民眾普遍叫佢做「今上天皇」。
明仁喺2019年4月30號佢重未死嘅時候提前退位，傳位畀皇太子德仁（即今上天皇），自己做「上皇」。
1934年，由媽咪香淳皇后抱住嘅明仁親王
1933年12月23號朝早6點39分，明仁喺宫城（而家嘅皇居）出世。係裕仁天皇同香淳皇后第五個細路、大正天皇嘅長男孫。由於明仁係裕仁第一個仔，因此佢出世受到國民盛大嘅祝福。
1936年3月29日，明仁兩歲之後離開雙親，開始由赤坂離宮入面嘅東宮仮御所東宮傅育官養。雖然最初嘅幾個周日可以返去宮中，但係過咗一個月之後，連周日都開始喺東宮仮御所入面度過[1]。
1944年，二戰戰火擴大，明仁被疏散到枥木縣日光市嘅田母澤御用邸，後來又轉移到奥日光湯元嘅南間酒店，並喺當地直到戰爭結束。另外根據皇族身位令嘅規定，皇太子喺滿10歲之後要喺陸海軍做少尉，於是明仁被要求加入近衛師團。雖然軍部都有咁嘅要求，但係根據昭和天皇嘅意思而冇去做，所以明仁並冇軍隊履歷。
1949年，同家庭教師維寧夫人合照
1946年10月到1950年12月，昭和天皇遵從「學習西洋思想同習慣」嘅方針，任用美國兒童文學家伊利沙伯·格雷·維寧做明仁嘅家庭教師。明仁受佢薰陶，並通過佢嘅介紹跟駐日盟軍總司令麥克阿瑟見面。
新婚皇太子明仁夫婦同昭和天皇同埋香淳皇后合照，攝於1959年4月10號
1952年（昭和廿七年）18歲成年後被立為皇太子。
1959年（昭和三十四年）同生意人正田英三郎大女美智子結婚，係日本史上第一個娶平民做老婆嘅皇太子，後嚟生咗德仁、秋篠宮文仁親王、紀宮清子內親王兩男一女。
1975年7月17號明仁夫婦以日本皇太子同太子妃身份首次訪問沖繩，當時前往沖繩「姬百合之塔」悼念沖繩戰役犧牲者。追求琉球獨立嘅沖繩琉球人川野純治同另一名青年藏身壕溝一週，等明仁夫婦參拜活動當日刺殺明仁夫婦，當時佢哋向明仁夫婦掟燃燒樽，燃燒樽着火令明仁夫婦驚嚇不已，事後冇幾耐明仁就返咗去東京。[2]
1990年，喺登基大典
2010年，喺皇居面向公眾賀新年
2014年4月24號，明仁、美智子同巴拉克奧巴馬
1989年1月7號（昭和64年）老豆昭和天皇駕崩，享壽87歲，明仁喺當日即位為第125代天皇，並於翌日改元平成；1990年（平成2年）11月12號喺東京皇居舉行即位大典，呢次亦係天皇嘅登基儀式首次離開京都喺東京舉行。
第二次世界大戰之後，依據象徵天皇制，日本天皇已經冇太多實權；但現年90歲嘅明仁去到讓位前仍頻繁參與公務宫中祭祀活動，喺一年間要睇大約1,000件資料並署名蓋章、出席大約200場活動（平成19年數字[3]）、參加近20件祭祀活動[4]，所以俾好多人認為是一位非常熱情同勤勉嘅天皇。
喺日本歷代天皇中，明仁對明治天皇、昭和天皇感情深厚，皇太子時代亦都成日提後水尾天皇。
2009年11月12號，日本政府喺日本國立劇場舉行明仁即位20周年紀念慶典，同日稍晚舉行由民間籌辦嘅即位20周年慶祝活動。
2009年7月10日訪問加拿大
- 1991年（平成3年）
- 1992年（平成4年）
- 1993年（平成5年）
- 1994年（平成6年）
- 1997年（平成9年）
- 1998年（平成10年）
- 2000年（平成12年）
- 2002年（平成14年）
- 2005年（平成17年）
- 2006年（平成18年）
- 2007年（平成19年）
- 2009年（平成21年）
- 2012年（平成24年）
- 2013年（平成25年）
- 2015年（平成27年）
- 2017年（平成29年）
老豆：昭和天皇（裕仁）
阿媽：香淳皇后（良子）
兄弟姐妹：大家姐成子---二家姐祐子---三家姐和子---四家姐厚子---細佬正仁---細妹貴子
老婆：美智子
.jpg)
