出自維基百科,自由嘅百科全書
家陣東莞市貌
乾隆時,東莞縣喺省城東南,歸廣州府
東莞(粵拼:dung1 gun2),亦寫做東筦,喺中國廣東,家下係地級市,叫東莞市。東莞原本係縣來,叫東莞縣。
東莞南有黃嶺,東南有寶山[1]。
東莞西南係海,而珠江入海口,叫珠江口,呢度亦都有個虎門,又叫虎頭門[1]。
東江由博羅入東莞,聯埋瀝林水、九江水,再向西過黃家山,南便又分開,一條出涌水,另又一條入珠江,全部流入海[1]。
秦朝去到東漢初年,東莞一帶屬南海郡番禺縣。到東漢順帝嗰陣,改屬南海郡增城縣。東晉咸和六年(331年),屬東官郡寶安縣;唐朝至德二年(757年)改叫東莞縣,俾廣州管,之後就一直都有東莞縣。
大清時東莞屬廣州府,縣丞一位駐響石龍鎮。另有三巡司,分別係京山、缺口、中堂。有鐵岡驛。廣九鐵路行過呢度[1]。
清時東莞有五個炮台,叫威遠、上橫檔、下橫檔、大角、沙角[1]。
- 規劃
2016年起,東莞成為第三批國家新型城鎮化綜合試點之一。[2]
- 交通
東莞地鐵月台
2016年起,東莞軌道交通正式開通,令東莞成為廣東省第四個營運軌道嘅城市[3]。
- ↑ 1.0 1.1 1.2 1.3 1.4 清史稿。志、地理、廣東
- ↑ 第三批城镇化试点地区公布名单 互聯網檔案館嘅歸檔,歸檔日期2017年12月14號,.凤凰网财经,2017年9月13號睇
- ↑ 公司2016年大事记 互聯網檔案館嘅歸檔,歸檔日期2017年12月28號,.东莞轨道交通,2017年1月3號出街,2017年9月13號睇