出自維基百科,自由嘅百科全書
提示:呢篇
文講嘅唔
係高鳴。
高明喺中國廣東中間偏西,家下係佛山市嘅市轄區,叫高明區。原係個縣,叫高明縣。面積為960平方千米,2001年人口有28萬。
高明西北有老香山。東北有淩雲山。西南有表山[1]。
西江水由三水入。另有南滄江,又叫倉步水,出高要,向東南流,合埋雲宿水、屏山水,過縣治東南,左納北港水,右納清泰水,又向東南,匯埋合西江水入南海[1]。
東晉一路到隋朝,高明叫做平興縣,隋朝到明朝早期,係高要縣管理嘅地方。
明成化十一年(一四七五年)建立高明縣。
大清時有三洲巡司[1]。