出自維基百科，自由嘅百科全書
「
田雞」
跳轉到呢度。
想搵
香港男演員，請睇「
田啟文」。
「
蛤蟆」
跳轉到呢度。
想搵蝦
毛，請睇「
毛蝦屬」。
蛤𧊅（粵拼：gaap3 gwaai2），又叫蛤乸（gaap3 naa2）、田鷄、蝦蟆、蛙等，係種動物。佢同蠄蟝都喺無尾目下。不過佢嘅表皮甚為光滑，唔似蠄蟝噉有粒粒，多喺水邊出沒，叻游水。識跳，亦會叫，蛤蛤聲。身多數濕軟，脷長，後腳強，跳得遠，叫得大聲。因為有唔少蛙都係青色，所以成日畀人叫青蛙，查實好多品種有唔同顏色，多數同棲息地嘅自然環境接近。有一啲蛙有毒，通常表皮有鮮艷嘅保護色，以警告捕獵者。
蛤𧊅脷長，會食蚊蟲。
蛤𧊅係總名。
蛤乸係大隻蛤𧊅。
田鷄係田度生嘅品種，可以食。又叫水鷄。佢同雞一樣曉叫。
蝦蟆、又寫蝦蟇，俗寫蛤蟆。蛤係借字或相混。《說文》蝦，蝦蟆也。蟆，蝦蟆也。
蛙、古寫䵷、鼃，《說文》蝦蟇也。从黽圭聲。《說文解字注》話係蝦蟇屬。《周禮》寫蟈。[1]漢時蛙同蝦蟆有別，不過有乜別就唔清楚。《漢書》武帝紀。元鼎五年。鼃、蝦蟆鬬。今下蛙多用於學術命名。
蛤、𧊅、蛙都來自佢嘅叫聲。
- ↑ 《說文解字注》蝦蟆屬。屬各本作也。今依韵會九佳所據小徐本正。廣韵同。蝦蟆見虫部。蝦蟆與詹諸小別。鼃則與蝦蟆大別。而其形相似。故言屬而別見。漢書武帝紀。元鼎五年。鼃，蝦蟆鬬。是可知其別矣。鼃者，周禮所謂蟈。今南人所謂水雞。亦曰田雞。鼃蛤皆其鳴聲也。故宋人詩多云吠蛤。亦云蛙聲閤閤。从黽。圭聲。烏媧切。古音十六部。按當音乖。字亦作䵷，作蛙。
- ↑ 〈「嘿、齁、蛤、屁語助詞」 這樣分辨台灣人〉. 《臺灣蘋果日報》 (臺灣中文). 原著喺2020-03-28歸檔. 喺2018-11-29搵到.
影音資料
_crop.jpg)
