Slowenien
Der Artikl is im Dialekt Ostmittlboarisch gschriem worn. |
| |||||
Amtssprache | Slowenisch regional: Italienisch und Ungarisch und aa Deitsch | ||||
Hauptstadt | Laiboch (Ljubljana) | ||||
Staatsoberhaupt | Stootspresident Nataša Pirc Musar | ||||
Regierungschef | Ministerpresident Robert Golob | ||||
Fläche | 20.273 km² | ||||
Einwohnerzahl | 2.063.077 (Staund 1. Juli 2015) | ||||
Bevölkerungsdichte | 102 Einwohner pro km² | ||||
Währung | Euro | ||||
Unabhängigkeit | 25. Juni 1991 (vo Jugoslawien) (Unobhengigkeitseaklearung) | ||||
Nationalhymne | Zdravljica (siebte Strophn) | ||||
Zeitzone | UTC)+1 MEZ, UTC+2 MESZ (Meaz bis Oktoba) | ||||
Kfz-Kennzeichen | SLO | ||||
Internet-TLD | .si | ||||
Telefonvorwahl | +386 | ||||
![]() |
![](https://upload.wikimedia.org/wikipedia/commons/thumb/c/c1/Borut_Pahor_%28cropped%29.jpg/170px-Borut_Pahor_%28cropped%29.jpg)
![](https://upload.wikimedia.org/wikipedia/commons/thumb/a/a7/Robert_Golob_-_52114942369_%28cropped%29.jpg/220px-Robert_Golob_-_52114942369_%28cropped%29.jpg)
Slowenien (slowenisch: Slovenija) is a Stoot in Eiropa, dea wos an Italien, Östareich, Ungarn, Krowozien und d Adria grenzt. Es Laund is am 1. Mai 2004 Mitglied vo da Eiropäischn Union worn. Am 1. Jenna 2007 is aa da Euro, dea wos in slowenischn Tolar obglest hod, eigefiad worn.
De Haptstod vo Slowenien is Laiboch (slow.: Ljubljana), mid 287.218 Eihwohna (Staund: 1. Jenna 2015).
Bevejkarung
[Werkeln | Am Gwëntext werkeln]Slowenien hod a iwaraus homogene Bevejkarung und bsteht aus foigendn Voiksgrubbm:
(Zensus 2002)
weitas klaane autochthone Mindaheitn vo Italienan in Istrien (0,11%), Ungarn in da estlichn Region Prekmurje (0,32%), sowia Oidöstareicha (0,10%).
Religion
[Werkeln | Am Gwëntext werkeln]Laut Zensus vo 2002 san 57,8 % vo de Slowenen remisch-katholisch, 2,5 % san Muslime, 2,3 % orthodox, 0,9 % Protestantn. 3,5 % san konfessionslos glaibig. 10,1 % san Atheistn. 22,8 % hom koa Ogob bei dea Umfrog gmocht.
Sprochn
[Werkeln | Am Gwëntext werkeln]In Slowenien wiad vuaoim Slowenisch gredt. A großa Teu vo de Slowenen kau vua oim owa no Serbokrwodisch - duach de launge Zuaghearigkeit zum ehemoling Jugoslawien. Klaane Grubbm redn no Italienisch, Ungarisch, Albanisch und Deitsch.
Vawoitungsgliedarung
[Werkeln | Am Gwëntext werkeln]Slowenien is in 212 Gmoana (slowenisch občine, Sg. občina)- drunta öif Stodgemeindn - gliedat. Olladings wead üba de Schoffung vo Regoonan nochdenkt.
De 11 Stodgmoana san:
|
|
![](https://upload.wikimedia.org/wikipedia/commons/thumb/b/b3/Borders_of_the_Historical_Habsburgian_Lands_in_the_Republic_of_Slovenia.svg/220px-Borders_of_the_Historical_Habsburgian_Lands_in_the_Republic_of_Slovenia.svg.png)
1: Primorska
2: Kranjska (Krain)
2a: Gorenjska
2b: Notranjska
2c: Dolenjska und Bela krajina
3: Koroška
4: Štajerska
5: Prekmurje
De grässtn Städt
[Werkeln | Am Gwëntext werkeln]- Ljubljana (Laiboch) 300.000 EW
- Maribor (Marburg) 110.000 EW
- Celje (Zilli) 41.000 EW
- Kranj (Krainburg) 37.000 EW
- Velenje (Wöllan) 26.500 EW
- Koper (Capodistria) 25.000 EW
- Novo Mesto (Rudoifswert) 23.000 EW
- Ptuj (Pettau) 23.000 EW
Historische Laundschoftn
[Werkeln | Am Gwëntext werkeln]Slowenien wead traditionö in 5 historische Laundschoftn eiteut:
- Krain (Kranjska)
- Küstenlaund (Primorska)
- Slowenisch Istrien (Slovenska Istra)
- Murlaund (Prekmurje)
- (Unta-)Keantn (Koroška)
- (Unta-)Steiamoark (Štajerska)
Statistische Regionen
[Werkeln | Am Gwëntext werkeln]Slowenien is außadem in Statistikregionen eiteut, de wos owa kaa administrative Bedeitung hom:
- Gorenjska regija
- Goriška regija
- Jugovzhodna Slovenija
- Koroška regija
- Notranjsko - kraška regija
- Obalno - kraška regija
- Osrednjeslovenska regija
- Podravska regija
- Pomurska regija
- Savinjska regija
- Spodnjeposavska regija
- Zasavska regija
Gschicht
[Werkeln | Am Gwëntext werkeln]6. Joahundat bis zum Heilign Remischn Reich
[Werkeln | Am Gwëntext werkeln]Es wiad augnumman, dass de Slowenen im 6. Joahundat ins heitige Gebiet vo Slowenien eigwaundat san. Im 7. Joahundat is es slawische Fiaschtndum Karantanien (Karantanija), da easchte slowenische Stoot wuan. Im Valauf vo de näxtn zwa Joahundate is Karantanien znaxt unta boarische und daun fränkische Vuaheaschoft gfoin. In da Mittn vom 10. Joahundat woa duachn Sieg vom Kenig und spädan Kaisa Otto I. in da Schlocht aufm Lechföd (bei Augschburg) da Weg frei fiad Ostkolonisation duachs Heilige Remische Reich. De Ungarn hom si in da Foige ausn Gebiet vaum heitign Slowenien in de Panonnische Tiafebane zruckzogn. Karantanien is ins Herzogdum Bayern eigliedat wuan und ob 976 zum Herzogdum Kärntn vom Heilign Remischn Reich wuan. In de foigendn Joahundate is des Gebiet in de Herzogtüma Keantn (Koroška), Steiermoark (Štajerska) und Krain (Kranjska) aufgespoitn wuan.
Habsburga bis 1. Wödkriag
[Werkeln | Am Gwëntext werkeln]Duachn Aufstieg vo de Habsburga in da Mittn vom 13. Joahundat san große Gebiete vo Slowenien habsburgisch wuan. A Ausnauhm woa de Grofschoft Sanegg in Cilli (Celje), de wos se duach gschiggte Heiratspolitik bis zum Aussteabm vo da Dynastie 1456 geng de habsburgarische Hegemonie bhauptn hod kenna. Danoch is Slowenien bis zum Ende vom Easchtn Wödkriag - mit ana kuazn Untabrechung wearend da Napoleonischen Kriag - unta habsburgischa Herrschoft gstaundn.
SHS-Stoot bis 2. Wödkriag
[Werkeln | Am Gwëntext werkeln]Des scho im 19. Joahundat zuanehmend aufflaumende Nationalbewusstsein hod 1918 daun zua Proklamation vom Kenigreich vo de Serbm, Krowodn und Slowenen gfiat; woraufhi Italien de slowenische Küstnregion bsetzt hod, de wos des Kenigreich daun im Grenzvatrog vo Rapallo 1920 offiziö obtretn hod miassn. 1929 is des Laund nochm Stootsstreich vom Kenig in Kenigreich Jugoslawien umgnennt wuan. Doduach hod si de Dominanz vo de Serbm im Kenigreich vasteakt. Zuadem hom de Slowenen untam Valust vo ernana Küstenregjon glittn. Zuanehmend innenpolitisch zarrüttet, hod se des Land oba sei Neitralität beweat. Am 25. Meaz 1941 is Slowenien vo de Axnmächte zum Mitpaktian zwunga wurn. De Militeafiarung hod oba scho zwa Tog späda putscht und hod in Kronprinz Peter II. ois Mochthoba eigsetzt. De Axnmächte hom de Vurgäng aun iara sidestlichn Flankn ois Gfoa eigstuaft und hom deseng im Aprü 1941 des gsamte Jugoslawien bsetzt. Slowenien is nocha unta Italien, Ungarn und Deitschland aufteut wuan. Scho a poa Tog noch da Bsetzung vo Slowenien is de kommunistisch gfiate Widastaundsorganisation Osvobodilna Fronta grindt wuan. Zoihreiche Partisanenvaband hom se unta de Kenigstrein - und ob da Kriagserklearung vom Hitler aun Stalin - aa unta de kommunistischn Opposizionön (unta da Fiarung vom Titoformiat. Am End vam zwatn Wödkriag is nohezua de gsamte deitschsprochige Mindaheit vatriebm wuan. Dabei san noch da Beendigung vom zwatn Wödkriag im Gebiet um Maribor (Marburg) und in de Schluchtn vom Hornwoid vo Tito-Partisanen Massnmorde ("Massaka vo Bleiburg") beganga wuan.
SFRJ bis Unobhängigkeit
[Werkeln | Am Gwëntext werkeln]Nochm zwatn Wödkriag is am 29. Novemba 1945 de Demokratische Fedarative Voiksrepubblik Jugoslawien grindt wuan. Ab 1963 hod sa se Sozialistische Fedarative Republik Jugoslawien (SFRJ) gnennt. De woxande Unzufriednheit mit da Belgrada Fiarung wearend da 1980a Joa hod zua Unobhängigkeitserklearung vo Slowenien am 25. Juni 1991 gfiat. Da drauffoigende Eimarsch jugoslawischa Trubbm hod im sognenntn 10-Toge-Kriag erfoigreich obgweat wean kenna. Slowenien is binnen an Monat vo oin Mitgliedan vo da EU onakaunt wuan. De ethnisch relativ homogene Bevökarung und de wenign Kriagshaunlungan hom a schölle Stabilisiarung eameglicht. Des is mitm Beginn vo de Beitrittsvoondlungen zur EU im Novemba 1998 honoriat wuan und mitm Beitritt vo Slowenien am 1. Mai 2004 zur EU bsieglt wuan.
Eadkund
[Werkeln | Am Gwëntext werkeln]![](https://upload.wikimedia.org/wikipedia/commons/thumb/0/0a/Triglav.jpg/220px-Triglav.jpg)
Obwoi Slowenien relativ klaa is, gibts do recht vaschiedane Laundschoftsfuamen. Im Noadn liegn de Hochgebiage Julischn Oipn, de Karawankn und de Staana Oim. Im Nationalpark Triglav gibts mitn Triglav (2.864 m) in hächstn Beag vom Laund. In de Julischn Oipm entspringan aa da Soča und de Save, de wos neba da Drau und da Mur wichtige Flüss vo Slowenien san. Da Ostn is vo ana Tiafebene prägt, de wos in de Pannonische Tiafebane iwagäht, wearend se in da Mittn und im Westn Middlgebirgszig vom Dinarischen Gebirg befindn. Duat gibts aa de tipischn Karst Erscheinungan. Im aissastn Siidwestn vum Laund liegt de 47 km launge Adria-Küstn, de wos in tiafstn Punkt vom Laund markiat. Iwa de Höftn vo da Stootsflächn san mit Woid bedeggt. Im Südwesten vom Laund herrscht a mediterrans Klima mit woaman Summan und müdn, feichtn Wintan. Winta und Fruajoa bringan an da Küstn oft koide Foiwinde. Im Laundesinnan is des Klima kontinentala prägt.
Infrastruktur
[Werkeln | Am Gwëntext werkeln]Slowenien hod a guade Infrastruktua mit an modernan Autobaunnetz.
Da greßte intanazionale Flughofn haßt Brnik und liegt in da Näh va da Hauptstod. Danebm gibts zwa klanare internationale Flughäfn, Marburg und Portorož. Entlang vo da Save valauft de Eisnbaun vo Deitschland und Östareich noch Krowozien. A weitare wichtige Eisnbaunvabindung valauft vo Italien noch Ungarn.
Wiatschoft
[Werkeln | Am Gwëntext werkeln]A wichtiga Wirtschoftszweig vo Slowenien is da Tourismus, dea wos si vua oim auf de Oipm, Laiboch, de Adria und aundare Sengswiadigkeitn wia de Höin vau Postojna konzentriad.
Des Bruttoinlandsprodukt hod im Joa 2002 21,905 Mrd. € ausgmocht, des bedeidt pro Kopf 11.709 €. De Auslandsvaschuidung hod se 2002 auf 3968 Millionen Euro belauffm. Des reale Woxsdum hod 2002 3,2 % (2001: 3,0 %) betrong. De Inflazionsratn is imma no relativ hoch und hod im Joa 2002 7,5 % (2001: 8,4 %)betrong. De Arbeitslosenquotn hod vo 2001 auf 2002 von 6,4 % auf 6,0 % reduziat wean kena. (2005) hod Slowenien a Inflation vo 2,0 % und a gschätzts Wiatschoftswoxdum vo 3,7 %.
Im Vagleich mitm BIP vo da EU ausdruggt in Kaufkroftstandards erreicht Slowenien an Index vo 76.0 (EU-25:100) (2003).[1]
Slowenien hod am 1. Jenna 2007 in Euro eigfiad, 1 Euro hod do 239,640 Tolar entsprochn.
Politik
[Werkeln | Am Gwëntext werkeln]Stootsobahaupt vo da Republik Slowenien is da President, dea wos vua oim a repräsentative Funktion hod und olle finf Joa vo da Bevökarung gwöht wiad.
Ois a Teu vo da exekutivn Gwoit wiada vom Ministapresidentn und im Ministarot untastitzt, de wos olle zwoa vo da Nationalvasaumlung gewöht wean.
Es slowenische Parlament besteht aus zwa Kauman: De Nationalversaumlung (Državni zbor) und im Nationalroat (Državni svet). De Nationalvasaumlung setzt se aus 90 Obgeordnetn zaum, de wos zum Teu duach a direkte Woi oda duacha Proporzjwoirecht bstimmt wean. De autochtonan Mindaheitn vo de Italiena und Ungarn höm a garantiads Voiksgrubbmmandat. In Frong, de wos ausschliaßlich de jeweiling Recht vo da Mindaheit betreffm, bsitzn de Voiksgrubbmobgeordnetn a absolutes Vetorecht.
In an Nationalrot wean 40 Abgeordnete aus sozialn, wiatschoftlichn und regionaln Intaressnsgrubbm gschickt. De Parlamentswoin findn olle via Joa stott.
Im Zug vo da NATO-Ostaweidarung is Slowenien am 29. Meaz 2004 Mitglied vo da NATO wurn. Seit 1. Mai 2004 is s Mitglied vo da Eiropäischn Union.
Kuitua
[Werkeln | Am Gwëntext werkeln]Schriftstöla
[Werkeln | Am Gwëntext werkeln]
|
|
Kinstla
[Werkeln | Am Gwëntext werkeln]- Evgen Bavčar (1946-) Fotograf
Musika/Musikgrubbm
[Werkeln | Am Gwëntext werkeln]- Slavko Avsenik - Original Oberkraina Quintett
- Laibach (Band)
- Siddharta (Rockgruppe)
- Atomik Harmonik
- BeatweenTheLines
- Sankrock
Kinstlagrubbm
[Werkeln | Am Gwëntext werkeln]- Neie Slowenische Kunst
Feiatog
[Werkeln | Am Gwëntext werkeln]Datum | Boarisch Naum | Slowenischa Naum | Aunmeakungan |
---|---|---|---|
1. und 2. Jenna | Neijoa | Novo leto | Zwadägiga Feiadog |
8. Feba | Prešeren-Dog, slowenischa Kuituafeiadog | Prešernov dan, slovenski kulturni praznik | Todesdog vom Nationaldichta France Prešeren |
Meaz, Aprü | Ostersunntog, Ostermontog; Ostan | Velikonočna nedelja in ponedeljek; Velika noč | religjösa Feiatog |
27. Aprü | Dog vom Wiedastaund im Zwaatn Wödkriag | Dan upora proti okupatorju | stootlicha Feiadog |
1. und 2. Mai | Tog vo da Orwad | Praznik dela | stootlicha Feiatog |
Mai, Juni | Pfingstsundog; Pfingstn | Binkoštna nedelja; Binkošti | religiesa Feiatog |
25. Juni | Tog vo da Stootlichkeit | Dan državnosti | Vakingung vo da stootlichn Souveränität 1991 |
15. August | Mariä Himmefoart | Marijino vnebovzetje | religiesa Feiatog |
31. Oktoba | Reformationstog | Dan reformacije | De slowenische Schriftsproch und de easchte Eawähnung vom Begriff Slowenien gäht auf de Reformation zruck |
1. Novemba | Tog vom Gedenkn aun de Vastuabanan | Dan spomina na mrtve | stootlicha Feiatog |
25. Dezemba | Weihnocht | Božič | religiesa Feiadog |
26. Dezemba | Dog vo da Unobhängigkeit und Einigkeit | Dan samostojnosti in enotnosti | Vakindung vaum Ergebnis vom Unobhängigkeitsrefarendum im Parlament, 1990 |
Spoat
[Werkeln | Am Gwëntext werkeln]Nebm Fuaßboi und de Wintasportoartn Eishockey, Schi Alpin und Schi Nordisch gibts aa erfoigreiche Anzlspoatla. Im Eishockey is da HK Jesenice slowenischa Rekordmasta.
De Flugschanzn in Planica is de grässte vo da Wöid. 1936 is da Östareicha Sepp Bradl ois easchta Mensch iwa 100 m weit gflong.
Schau aa
[Werkeln | Am Gwëntext werkeln]- Keantna Slowenen
- Slawische Besiedlung vo de Ostoipm
- Slowenische Euromünzen
- Slowenische Sproch
- Slowenischs Voik
Beleg
[Werkeln | Am Gwëntext werkeln]- ↑ Eurostat News Release 63/2006: Regional GDP per inhabitant in the EU 25
Im Netz
[Werkeln | Am Gwëntext werkeln]- Slovenia.si. Your gateway to information on Slovenia.
- Government of the Republic of Slovenia
- Slowenischa Tourismus www.slovenia.info
- Offiziölle Netzseitn vo Slowenien
- Statistični urad Republike Slovenije - Statistik-Amt vo Slowenien
- Faktn iwa Slowenien
- Fotogalarie Slowenien
- Slowenische Beag (engl.)
Albanien |
Andorra |
Bejgien |
Bosnien-Herzegowina |
Buigarien |
Denemark2 |
Deitschland |
Estland |
Finnland |
Frankreich2 |
Griachaland |
Georgien |
Holland2 |
Irland |
Island |
Italien2 |
Kasachstan1 |
Kosovo |
Krowozien |
Lettland |
Liachtnstoa |
Litaun |
Luxnbuag |
Malta |
Moldawien |
Monaco |
Montenegro |
Noadmazedonien |
Norwegn2 |
Östareich |
Poin |
Portugal2 |
Rumänien |
Russland1 |
San Marino |
Schweden |
Schweiz |
Serbien |
Slowakei |
Slowenien |
Spanien2 |
Tiakei1 |
Tschechei |
Ukraine |
Ungarn |
Vaoanigts Kinireich (UK)2 |
Vatikanstod |
Weißrussland 1 Liegt zan gresstn Tei in Asien. 2 Hod aa Gebiete aussahoib vo Eiropa. |
Australien | Bejgien | Chile | Denemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxnbuag | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Sidkorea | Slowakei | Slowenien | Spanien | Tschechei | Tiakei | Ungarn | USA | Vaoanigts Kinireich (UK) |