Vladimir
Vladimir (errusieraz: Владимир, vlɐˈdʲimʲɪr ahoskatua) mendebaldeko Errusiako hiria da, Vladimir oblastaren hiriburua. Kliazma ibaiaren ertzean dago, Moskutik 200 km ekialdera. 2010ean 345.373 biztanle zituen[1].
Historia
[aldatu | aldatu iturburu kodea]Hiria XII. mendean sortu zuten. 1157tik 1339ra bitartean Vladimir-Suzdal printzerriko hiriburua izan zen. 1328. urtean Ivan I.a Danilovitxek Moskuko eta Vladimirreko dukearen titulua jaso zuen, eta Vladimirreko printzerria Errusia Handia sortzeko gune nagusi bihurtu zen.
Ekonomia
[aldatu | aldatu iturburu kodea]Burdinbide eta errepide-gune garrantzitsua da. Industria (ehungintza, eraikuntzarako makineria, kimika-industria, nekazaritzarako makineria, janari-industria, doitasun-tresneria) da ekonomia-jarduera nagusia.
Ondarea
[aldatu | aldatu iturburu kodea]Monumentu aipagarriak dira Erdi Aroko Ama Birjinaren Jasokunde katedrala (1158), 1197ko San Demetrio katedrala (XVIII. mendean berritua) eta hiritik hurbil, Nerl ibaiaren ertzean, dagoen Bidegurutzeko eliza (1165). UNESCOk katedralak Gizateriaren Ondare sailkatu zituen Vladimir eta Suzdaleko Monumentu Zuriak izendapenaren barnean[2].
Klima
[aldatu | aldatu iturburu kodea]Vladimirrek klima kontinental hezea du, Dfb Köppen klima sailkapenaren arabera. Negu hotz eta luzeak, eta uda labur baina beroak ditu.
![]() ![]() | |||||||||||||
---|---|---|---|---|---|---|---|---|---|---|---|---|---|
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Batez besteko tenperatura maximoa (°C) | -7.6 | -5.2 | 0.7 | 10.1 | 18.5 | 22.0 | 23.6 | 21.8 | 15.4 | 7.7 | -0.1 | -4.9 | 8.5 |
Batez besteko tenperatura (ºC) | -11.8 | -8.7 | -3.0 | 5.7 | 13.5 | 16.8 | 18.6 | 16.9 | 11.3 | 4.7 | -2.4 | -7.5 | 4.5 |
Batez besteko tenperatura minimoa (°C) | -13.9 | -12.1 | -6.7 | 1.3 | 7.6 | 11.5 | 13.6 | 12.0 | 7.1 | 1.6 | -4.6 | -10.4 | 0.6 |
Pilatutako prezipitazioa (mm) | 37 | 32 | 32 | 38 | 51 | 65 | 84 | 59 | 57 | 58 | 53 | 47 | 613 |
Prezipitazio egunak (≥ 1 mm) | 10 | 8 | 8 | 8 | 8 | 10 | 10 | 9 | 10 | 10 | 11 | 11 | 113 |
Iturria: World Meteorological Organisation (NBE) [3] |
Herri eta hiri senidetuak
[aldatu | aldatu iturburu kodea]Vladimirrek honako hiri senidetuak ditu:[4]
Anghiari (Italia)
Baotze (Txina)
Bloomington-Normal (Ameriketako Estatu Batuak)
Campobasso (Italia)
Canterbury (Ingalaterra)
Cebu Hiria (Filipinak)[5]
Chongqing (Txina)
Erlangen (Alemania)
Kerava (Finlandia)
Kardzhali (Bulgaria)
Nara (Japonia)
Sarasota (Florida) (Ameriketako Estatu Batuak)
Trento (Italia)
Ústí nad Labem (Txekia)
Jelenia Góra (Polonia)
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «Всероссийская перепись населения 2010 года. Том 1 2010eko Errusiako erroldaren emaitzak, 1. liburukia» Gks.ru
- ↑ White Monuments of Vladimir and Suzdal Whc.unesco.org
- ↑ NBE. World Weather Information Service – Vladimir. .
- ↑ Sister cities of Vladimir
- ↑ Embassy of the Russian Federation in the Republic of the Philippines 2008
Kanpo estekak
[aldatu | aldatu iturburu kodea]- Vladimirreko webgune ofiziala (Errusieraz)