Mâ Neigro

'Na carta giögràfica do Mâ Néigro co-o Mâ d’Azov e o Mâ de Màrmara

Mâ Neigro o l'é 'u mâ interno, proan-a do Mâ Mediterrannio, tra-e còste orientæ d'a penisoa barcannega a O, quelle rùsce e caocaxiche a N e a E e quelle de l'Anatolia a S.

Descriçion

A seu origine a l'è direttamente connessa con l'evolussion geologica do Mâ Mediterrannio. O comunica co-o Mediterrannio a traverso o Bosfoo e o Streito di Dardanelli, e co-o Mâ d'Azov atraverso o Streito de Kerč; o creuve 420.000 km2 co-un volumme de 514.500 km3 e o g'ha una profonditæ mascima de 2245 m, compreisa inte 'na vasta platea sotta i 2000 m. Ghe sbocca numeroxi sciummi (Danubio, Dnestr, Bug, Dnepr, Kÿzÿl Irmak ecc.), i quæ, anche a causa d'e particolaritæ do climma (de stæ in genere mite e uverni reddeni), ghe determinan de condissioin fixico-chimiche particolæ.

A tempiatua in superfiçie a l'è in media de 6 °C supeiô a quella de l’aia, co-un'escurscion annoa de 20 °C; in profonditæ decresce fin a 45-90 m pe poi aumentâ e stabilizzase in gio a 9 °C tra 200 e 2000 m.

A salinitæ a diffeisce noteivemente da quella do Mediterrannio: a l'è in gio a l’8-9‰ inta zona de influensa di sciummi; do 18‰ in superfiçie e do 22,5‰ a partî da-i 700 m in zù. Complescivamente o tenô medio o l'è do 22‰ contra o 38‰ do Mediterrannio.

E corrente superfiçiæ (esigue son quelle subacquee verticale) g'han un andio scinistrorso partindo da-o Mâ d’Azov.

E marêe no razonzan i 10 cm de ampiessa.

Biologicamente se nòtta 'n'ingente redussion qualitativa d'a flora e d'a fauna, tavotta compensaa da 'na ricchessa quantitativa, dovua a-e condissioin de salinitæ; a vitta a l'è assente a-o de sotta d'i 200-300 m de profonditæ, pe-a scarscitæ de l'osciggeno deslenguao inte l'ægoa.

I priçipæ scai portoæ son Odessa, Costansa, Sebastopoli, Novorossijsk e Trabisonda.

Noteive impulso a-o traffego commerciale l'è derivao, in particolâ, da-o completamento (1992) do canâ ch'o conzonze o Danubio, a monte de Ratisbon-a, co-o Men, aseguando o collegamento fluviâ tra o Mâ Neigro e o Mâ do Nord.

Atri progètti

Altri progetti

• Wikimedia Commons

• Wikimedia Commons a contêgne di files in sce Mâ Neigro