出自維基百科,自由嘅百科全書
汽油
柴油
油(粵拼:jau4)係由一種或多種液態嘅碳氫化合物組成。佢有疏水性嘅特性,係好多同水溝唔埋液體嘅總稱。而可以溶喺油嘅物質都具有親油性,一般唔溶喺水。
油同水可以喺乳液,例如奶度短時間內比較均勻噉混合。但係乳液係亞穩定嘅狀態,時間耐咗又會重新分為油同水兩個相態。
油由一種或多種液態嘅碳氫化合物組成(矽油有好大部分由矽氧化合物組成),同醇、酮同醚等碳氫化合物嘅分別在於油嘅組成部分冇極化。同脂肪嘅分別在於組成油嘅化合物嘅分子長度同分子之間嘅連接比較細。
油係多種極之唔同嘅物質嘅日常統稱,因此佢嘅分類並唔系統,人一般按佢嘅來源、用途等分類。
化學上生物油屬甘油,佢哋同脂肪嘅分別在於佢哋嘅熔點比脂肪低。
好多植物油都係用來食(例如菜油、向日葵油、橄欖油等)。
動物油中用作食用油嘅相對來講比較少(例如魚肝油),動物油同脂肪嘅區分亦唔係好明確。此外動物油重被用喺工業中做潤滑油、番梘等。
精油係易揮發嘅、有芳香氣味嘅植物油(例如玫瑰油),常用喺化妝品度。
石油主要係喺地下開採出來嘅油,佢主要組成部分係烷烴。大自然中嘅原油大多數含有雜物,除少數例外(例如利比亞嘅原油)都含有比較多嘅硫同第啲物質。
礦物油係有機化學工業非常重要嘅原材料。礦物油提煉後亦係目前世界上最重要嘅能量原材料。作為取暖用油、汽油、柴油同重油,佢係今日文明嘅保障。此外礦物油嘅產品重用來做潤滑油。
矽油係由矽同氧組成嘅半有機嘅高分子同非均相高分子化合物。佢哋嘅優點係唔易氧化,唔易受溫度同其它因素影響。矽油除咗被用作潤滑劑外重喺化妝工業被大量使用。
- 潤滑劑
- 燃料
- 液壓油
- 化工業原料
- 熱容