甘道望落兒童遊戲場
茶水亭
灣仔峽公園,香港公園之一,遊樂場之一,喺灣仔司徒拔道,英文叫Wan Chai Gap Park,而原名叫灣仔峽道遊樂場。行政上歸灣仔區。實情佢喺灣仔峽個坳頂,唔向灣仔峽嗰邊,而南向香港仔。公園全日開放。歸康樂及文化事務署管。
隔甘道就甘道遊樂場。公園東北係坳頂,幾條路交叉相駁,灣仔峽道、山頂道、司徒拔道、布力徑、甘道、金馬倫山道、中峽道,通通駁埋一處。公園南面,金馬倫山道又叉出香港仔水塘道。所以公園四通八達,行山熱門中途地。不過佢始終喺山高處,唔係咁旺。
園呈長三角形,有兒童遊樂場,有長者健身園地[1],亦有茶水亭,有涼亭,有公園座椅,有廁所。又有狗公園,即寵物公園,即寵物共享公園,有狗糞收集箱。
園過甘道南面山上,有警察博物館。
22°16′01″N 114°10′10″E / 22.267015°N 114.16935°E / 22.267015; 114.16935