出自維基百科,自由嘅百科全書
百濟係朝鮮半島嘅古國,前18年立國,660年亡國。佢喺5世紀到7世紀同新羅、高句麗一齊叫朝鮮三國。
百濟係由馬韓五十餘國之一嘅伯濟所發展成嘅。百濟王室始祖係從北而嚟嘅夫餘氏族移民,佢哋各自建立據點,後來由住喺漢江以北嘅慰禮部落統一唔同部族,之後遷移到江南,正式定立「百濟」做國號[1]。
百濟原先係各自分立嘅部落,慢慢發展成為中央集權國家,雄踞漢江流域,同新羅、高句麗喺朝鮮半島三足鼎立。
百濟傳到義慈王嘅時候,受到唐同新羅嘅聯軍夾擊,百濟軍不敵,喺660年向聯軍投降,百濟經歷三十一個王、六百七十八年後正式滅亡[2]。
- ↑ 李丙燾著、許宇成譯:《韓國史大觀》,(臺北: 正中,1979年),頁53。
- ↑ 同上注,頁76-77。