出自維基百科，自由嘅百科全書
大朝鮮國（朝鮮讀椒仙，粵拼：daai6 ziu1 sin1 gwok3 [1]），又稱朝鮮國或者有明朝鮮國[2]，係1392年至1897年喺朝鮮半島存在嘅古代王朝，建國者係李成桂。
1398年至1608年係大明屬國，1638年至1897年係大清屬國，1897年脫離同大清嘅宗藩關係後叫大韓帝國，1910年8月大日本帝國侵吞朝鮮半島，實行日韓合併，大韓帝國滅亡，李氏王朝告終。
呢個國家喺日本殖民時代畀日本人叫做李氏朝鮮（lei5 si6 ziu1 sin1；日文：李氏朝鮮／りしちょうせん Rishi Chōsen），呢個用語係朝鮮民族/大韓民族啲人比較抵制嘅。而家大韓民國唔用呢個講法，直接叫佢朝鮮（王朝）（韓文：조선왕조／朝鮮王朝 Joseon Wangjo）。喺朝鮮民主主義人民共和國出於意識形態，就叫佢朝鮮封建王朝（朝鮮文：조선봉건왕조／朝鮮封建王朝 Chosŏn Ponggyŏn Wangjo）。皆因國王姓李，又叫李王朝[3]（lei5 wong4 ciu4），簡稱李朝。
- ↑ 家下好多人受普通話讀音嘅影響而讀成「潮仙」（ciu4 sin1），其實「朝鮮」個名源自「朝日鮮明之國」，解做早晨，《康熙字典》解：「（朝）《唐韻》《廣韻》《集韻》《類篇》《韻會》陟遙切，音昭。……又朝鮮，國名。」「（鮮）《唐韻》《集韻》《韻會》相然切，音仙。……又國名。《後漢·東夷傳》昔箕子避地朝鮮。」。普通話「朝」字讀成陽平，「鮮」字亦變成上聲，係普通話自身嘅特殊讀法。
- ↑ 大明嘅屬國之稱
- ↑ （韓文）（簡體中文）조선력사 시대구분표 - 朝鲜历史时代划分表 互聯網檔案館嘅歸檔，歸檔日期2021年3月7號，.- Naenara
.svg)
