მანგა

ვიკიპედიაშე
ვიკიპე-ტან, ტიპური მანგაშ პერსონაჟი

მანგა (იაპონ. 漫画まんが) — კომიქსიშ იაპონური მანგი ზიტყვა. მანგაშ სტილქ XIX ოშწანურაშ ბოლოს დირსხჷ.

ზიტყვა „მანგა“ (kanji: 漫画まんが; hiragana: まんが; katakana: マンガ), მუჭოთ თიში ბჟადალური მანგი „კომიქსი“, ხვალე კარიკატურას ვა შანენს, მულტფილმისჷთ. მანგაშ მეჯინათ დორსხუაფილჷ იაპონურ ანიმაციურ ფილმეფს ანიმე ჯოხო.

იაპონიას ნამდგა ხანიშ დო სქესიშ ადამიერშო გიშურს მანგა დო ოკათჷ ჟანრეფს, ნამუეფს შქას რე ქიმინუაშ, თრილერი, მერმენწეფიშ, სპორტი, მუსიკა, ფენტეზი დო ომენცარე ფანტასტიკა, დრამა, ისტორიული, დეტექტივი, კომედია დო თ.უ. მანგა უმოსო იბეშტჷ უჩა-ჩეთ, მორო ჭარჭულია მანგეფით აფხვადჷნა. მანგაშ ავტორი რე მანგაკა (漫画まんが).

1950-იანი წანეფშე, იაპონიაშ გჷშმაშქუმალარი ინდუსტრიას მანგას შანულამი აკანი უკებჷ. ამდღარშო მიარე მანგა ითანგჷ შხვადოშხვა ნინაშა, უმოსო ინგლისურო, დო თინეფიშ ელექტრნული ვერსიეფი ხემიოლჷ რე დახე ედომუშამ მოსოფელს.

მოსოფელიშ კანკალე ქიანას აფხვადჷნა მანგაშ გოლინათ დჷნარსხუა სტილეფი, სამანგათ: ჩინეთი, ჰონგ-კონგი, ტაივანი — („manhua“); ობჟათე კორეას („manhwa“); საფრანგეთის „manfra“ დო „la nouvelle manga“.

რესურსეფი ინტერნეტის[რედაქტირაფა | წყუშ რედაქტირაფა]