Lappi EJB-guovddáš lea almmustahttigoahtán namaid sis, geat leat ožžon spiehkastatlobiid bivdit luosa Deanus. Lappi EJB-guovddáš almmuha namaid oktan eavttuiguin.
Lobi ožžon smiehttá gánnihago fatnasa oba hoigalitge johkii
Ohcejoga gievrrat -searvvis Ilmari Tapiola muitala, ahte sis lea lohpi njáŋggofierbmái Badje-Geavgŋá vulobealde.
Son ii leat nu ilus, vaikko searvi oaččui spiehkastatlobi. Su ilu geahpeda dat, go sii eai oaččo váldit go vuollai 65 sentte guoli.
– Njeallje guoli oažžut váldit. Mii diehtit, ahte dittit leat hui vánet dahje eai leat oba loktanange. Ferte geahččat searvvi lahtuiguin, ahte gánnihago fatnasa oba hoigatge, smiehttá Tapiola.
Bivdu doalvu Tapiola mielas olu áiggi ja barggaha.
– Galggašii lobi mielde dávjá oahppat dan. Fertešii doppe leat fáktemen. Guolli go čákŋá, de beassá luoitit dan, jus doppe lea stuorát guolli, čilge Tapiola.
Bivdu guokte beaivvi vahkus, ovttain bivdosiin hávil
Kultuvrra- ja oahpahusa várás mieđihuvvon lobiin leat máŋggat eavttut. Muhtun spiehkastatlobiin čuožžu, ahte bivdit oažžu 15.–28.7.2024 gaskasaš áigge, muhto dušše guokte beaivvi vahkus.
Lobi ožžon olmmoš, dahje doaibmi galgá maiddái dieđihit guollefávttaide dan, goas bivdosat leat bivddus. Mieđihuvvon lobi eaktun lea, ahte bivddus galgá doallat sálašbeaivegirjji.
Lobi ožžon oažžu bivdit dušše ovttain bivdosiin hávil.
Juohke mieđihuvvon lobis leat sierra merkejuvvon galle luosa spiehkastatlobiin oažžu bivdit. Juohke áidna badjel 65 sentte guhkkosaš luosa galgá luoitit ruovttoluotta johkii.
Detnui ledje ohcan 30 sierralobi luossabivdui
Lappi EBI-guovddáš vuostáiválddii 30 sierralohpeohcamuša luossabivdui Deanus. Dain árvalit moatti dahje eanemustá logi luosa váldima sálašin.
Ohcamušaid galggai guođđit EBI-guovddážii 15.6 rádjai.
Luossabivdu ii rahppojuvvon Deanus dán jahkái olláge heajos luossanáli dihtii. Vuosttamuš miessemánu guolástannjuolggadussii lasihuvvui goittotge njuolggadus, man mielde eiseválddit sáhttet ovttaskas dáhpáhusain mieđihit sierralobiid luossabivdui oahpaheami dahje kulturdáhpáhusaid vuođul, čállá EBI-guovddáš.
Divvojuvvon 10.7.2024 dii. 12:02 Ohcejoga gievrrat searvi valáštallansearvvis sámesearvin.
Lasihuvvon 11.7.2024 diib. 9:20 15. spieahkastat lobi oažžu: máŋga vuođđodálu, maid eai leat sierra namuhan.
