出自維基百科,自由嘅百科全書
搽醬![](https://upload.wikimedia.org/wikipedia/commons/thumb/4/45/NCI_butter.jpg/250px-NCI_butter.jpg) 牛油通常係一條條(如圖) 或一塊塊噉賣, 同埋通常用牛油刀嚟食( 圖中牛油下面) |
搽醬係一種食物,通常用刀搽喺包同餅等食物上面。 搽醬加喺食物度可以增加味道同口感。 牛油同軟芝士係典型嘅搽醬。
三文治搽醬係一種除咗配料(例如火腿、蛋等)額外加喺三文治嘅調味料。 常用嘅三文治搽醬有牛油、蛋黃醬、 芥辣同番茄醬,佢哋嘅變體比如千島醬、他他醬亦好常見。
搽醬同莎莎醬之類嘅點醬唔同,後者通常唔係搽喺食物表面,反而係將食物點落去。
常見嘅搽醬包括奶製搽醬(芝士、 忌廉、牛油)、人造牛油、 蜜糖、果占、堅果類 (花生醬、腰果醬、榛果醬、Nutella)、酵母類(例如Vegemite同Marmite)、魚春(譬如魚子醬同明太子醬),仲有肉類(法式肉醬)。